Qazaqstannyng halyq әrtisi, teatr rejisseri, professor, platinaly «Tarlan» tәuelsiz syilyghynyn, «Parasat» jәne «Barys» ordenderining iyegeri, memlekettik stiypendiyanyng laureaty Esmúhan Nesipbayúly Obaev ómirden ótti.

Abai.kz aqparattyq portalynyng újymy Qazaqstannyng halyq әrtisi Esmúhan Nesipbayúly Obaev dýniyeden ótuine baylanysty otbasy men jaqyn tuystaryna, tughan halqyna qayghyra kónil aitady.

Esmúhan Nesipbayúly sanaly ghúmyryn qazaq teatr ónerining damuyna, sahna mәdeniyetining órkendeuine, últtyq rejissura men akterlik mektepting qalyptasuyna arnaghan kórnekti túlgha bolatyn. Últ mәdeniyetining mereyin ósirgen, teatr ónerining abyroyyn asqaqtatqan ardaqty azamat qay kezende de ónerge adaldyqtyn, kәsibine jauapkershilikting ýlgisin kórsete bildi. Ol tәrbiyelegen buyn, sahnalaghan tuyndylar men qalyptastyrghan kórkemdik ústanym qazaq teatrynyng altyn qorynda qala bermek.

Últtyq mәdeniyetting damuyna sýbeli ýles qosqan Esmúhan Nesipbayúlynyng jarqyn beynesi, shygharmashylyq múrasy men ghibratty ghúmyr joly halqymyzdyng jadynda mәngi saqtalady dep senemiz.

Marqúmnyng jany jәnnatta, imany salamat, topyraghy torqa bolsyn!

Bekjan Túrys:

Qazaq teatry taghy bir asylynan aiyryldy. Asanәli aghamyzdyng qazasyna qabyrghamyz qayysyp, múnnan aryla almay jýrgende Esmúhan aghamyzdyng dýniyeden ótui - biz ýshin orny tolmas qayghy boldy. Kónil qúlazyp, jan jabyrqap túr. Keshe ghana qatar jýrgen, aramyzda bola túratynday kórinetin qos túlghanyng birinen keyin biri attanuy ómirding ótkinshi ekenin sezindirdi. Ekeuin toghystyrghan ortaq qasiyet – halyqqa degen sheksiz sýiispenshilik pen ónerge degen adaldyq. As-agha teatrdan shettep ketkende aramyzgha qosyp, qara shanyraqqa qayta oraluyna sebepshi bolghan da Esmúhan agha edi. As-aghadan úzaq uaqytqa ajyraghysy kelmegendey zamandasynyng sonynan kete bardy… Mausym aiynda 85-ke tolar edi…

Es-agha – sanaly ghúmyryn sahnagha arnaghan, teatr ónerin tirshilik kózine ainaldyryp, últ ruhymen úshtastyrghan túlgha. Aghanyng enbek jolyna kóz jýgirtsek, qayratkerlik bolmysy aiqyn kórinedi. Úzaq jyldar boyy Semey teatryn basqaryp, ósip-órkendeuine ólsheusiz ýles qosty. Jiyrma jyl boyy tabandy enbek etip, teatrdy jana dengeyge kóterdi, kórermenning yqylasyna bólengen ruhany ordagha ainaldyrdy. Búl – úiymdastyrushylyq qabiletting myqtylyghy, ónerge degen shynayy janashyrlyqtyng belgisi. Al 2001-2013 jyldar aralyghynda qazaq ónerining qara shanyraghyn basqaruy – onyng kәsiby biliktiligining óskeninin, bedelining biyikteginining dәleli.

Esmúhan Obaev – on ýsh jyl boyy osy újymgha jetekshilik etip, últtyq teatr ónerining damuyna óz qoltanbasyn qaldyra alghan jan. Búl kezende de ol shygharmashylyq izdenisin toqtatpay, sahna mәdeniyetining biyikteuine yqpal etti. Es-agha tek basshy emes, ol – ústaz, ol – tәrbiyeshi, ónerding janashyry boldy. Onyng tәrbiyesin kórgen talay jas akterler men rejisserler býgingi tanda qazaq sahnasynyng maqtanyshyna ainaldy. Ózderi de «Obaevtyng shәkirtterimiz» degendi maqtanyp aitady. Es-agha sәbiydey sengish, baladay anghal, anqaulyghy da bar, ózine ghana jarasatyn erekshe minezding iyesi edi… Qarapayym edi, sýikimdi edi… Kýni keshe ghana ortamyzda jýrgen jaydary adam jayly «edi-edi-edi…» dep ótken shaqta jazu qanday auyr! Ol As-aghany jalghyzsyratqysy kelmedi me eken…

Jana qoyylymdardy kóruge teatr zalynyng ortasymen asyqpay ayandap kep kórermen ortasyndaghy óz oryndaryna jayghasatyn, qauqyldasa kórisip, әdemi әzilderimen qaghysa jónelip, kenkildey kýletin Esmúhan agha As-aghany izdep sonynan ketti… Qosh, Es-agha…

Abai.kz