Mәjiliste qaralyp jatqan “Mýmkindigi shekteuli balalardy keshendi qoldau turaly” zang jobasy ayasynda erekshe bala tәrbiyelep otyrghan analardy erte zeynetke shygharu mәselesi kóterildi.

Deputat Nartay Aralbayúlynyn aytuynsha, múnday analardyng enbegi erekshe qoldaudy qajet etedi.

Erekshe bala tәrbiyelep otyrghan analardy 55 jastan zeynetke shygharu normasyn engizudi úsyndyq, – dedi ol.

Onyng sózinshe, búl bastama qazir tiyisti memlekettik organdarmen talqylanyp jatyr.

Deputat zang jobasy erekshe balalardy qoldaudyng keshendi jýiesin qalyptastyrugha baghyttalghanyn atap ótti.

Atap aitqanda:

• әr balagha jeke qoldau josparyn engizu;
• qyzmetterding birynghay reestrin qúru;
• vedomstvolar arasyndaghy ýilestirudi kýsheytu;
• bilim beru jәne әleumettik qoldau sharalaryn biriktiru qarastyrylghan.

Qazir ata-analar әr mekemeni jeke aralap jýredi. Búl jýieni bir ortalyqqa biriktiru qajet, – dedi deputat.

Sonymen qatar deputat saladaghy negizgi problemalardy da atap ótti.

Onyng aituynsha, býgingi tanda vedomstvolar arasynda naqty ýilesim joq, birynghay sifrlyq jýie qalyptaspaghan, maman tapshylyghy ózekti kýiinde qalyp otyr.

Grant bar, biraq júmys isteytin maman jetispeydi, – dedi ol.

Nartay Aralbayúly naqty mysal keltirip, jalaqynyng tómendigi kadr túraqsyzdyghyna әkelip otyrghanyn aitty.

Jalaqyny kótermey, biz sapaly qyzmet kórsetetin jýie qalyptastyra almaymyz, – dedi deputat.

Abai.kz