ماجىلىستە قارالىپ جاتقان “مۇمكىندىگى شەكتەۋلى بالالاردى كەشەندى قولداۋ تۋرالى” زاڭ جوباسى اياسىندا ەرەكشە بالا تاربيەلەپ وتىرعان انالاردى ەرتە زەينەتكە شىعارۋ ماسەلەسى كوتەرىلدى.

دەپۋتات نارتاي ارالبايۇلىنىڭ ايتۋىنشا، مۇنداي انالاردىڭ ەڭبەگى ەرەكشە قولداۋدى قاجەت ەتەدى.

ەرەكشە بالا تاربيەلەپ وتىرعان انالاردى 55 جاستان زەينەتكە شىعارۋ نورماسىن ەنگىزۋدى ۇسىندىق، – دەدى ول.

ونىڭ سوزىنشە، بۇل باستاما قازىر ءتيىستى مەملەكەتتىك ورگاندارمەن تالقىلانىپ جاتىر.

دەپۋتات زاڭ جوباسى ەرەكشە بالالاردى قولداۋدىڭ كەشەندى جۇيەسىن قالىپتاستىرۋعا باعىتتالعانىن اتاپ ءوتتى.

اتاپ ايتقاندا:

• ءار بالاعا جەكە قولداۋ جوسپارىن ەنگىزۋ;
• قىزمەتتەردىڭ بىرىڭعاي رەەسترىن قۇرۋ;
• ۆەدومستۆولار اراسىنداعى ۇيلەستىرۋدى كۇشەيتۋ;
• ءبىلىم بەرۋ جانە الەۋمەتتىك قولداۋ شارالارىن بىرىكتىرۋ قاراستىرىلعان.

قازىر اتا-انالار ءار مەكەمەنى جەكە ارالاپ جۇرەدى. بۇل جۇيەنى ءبىر ورتالىققا بىرىكتىرۋ قاجەت، – دەدى دەپۋتات.

سونىمەن قاتار دەپۋتات سالاداعى نەگىزگى پروبلەمالاردى دا اتاپ ءوتتى.

ونىڭ ايتۋىنشا، بۇگىنگى تاڭدا ۆەدومستۆولار اراسىندا ناقتى ۇيلەسىم جوق، بىرىڭعاي تسيفرلىق جۇيە قالىپتاسپاعان، مامان تاپشىلىعى وزەكتى كۇيىندە قالىپ وتىر.

گرانت بار، بىراق جۇمىس ىستەيتىن مامان جەتىسپەيدى، – دەدى ول.

نارتاي ارالبايۇلى ناقتى مىسال كەلتىرىپ، جالاقىنىڭ تومەندىگى كادر تۇراقسىزدىعىنا اكەلىپ وتىرعانىن ايتتى.

جالاقىنى كوتەرمەي، ءبىز ساپالى قىزمەت كورسەتەتىن جۇيە قالىپتاستىرا المايمىز، – دەدى دەپۋتات.

Abai.kz