Qazaqstanda BYD Destroyer 05 markaly gibrid avtokólikterine qatysty kedendik jәne salyqtyq dau tuyndaudy. Mәsele tek azamattardyng shaghym dengeyinde qalyp qoymay, endi Parlament Mәjilisi deputatynyng resmy deputattyq saualy arqyly Bas kólik prokuraturasynyng qarauyna úsynyldy.

Qazaqstannyng bir top azamaty, naqtyraq aitqanda 51 kólik iyesi Mәjilis deputaty Abzal Qúspangha resmy hat joldap, BYD Destroyer 05 markaly gibrid avtokólikterine qatysty memlekettik kirister organdarynyng әreketterine qúqyqtyq bagha berudi súrady. Olar óz ótinishterinde BYD Destroyer 05 kólikterin әkelu kezinde barlyq rәsimder qoldanystaghy zannamagha tolyq sәikes jýrgizilgenin, kedendik tólemder sol uaqytta bekitilgen erejeler boyynsha tólengenin algha tartqan.

DESTROYER NENI BÚZYP KETTI?

Kólik iyelerining mәlimetinshe, 2025 jyldyng aqpan men qyrkýiek ailary aralyghynda Qazaqstangha BYD Destroyer 05 ýlgisindegi 5000-nan astam avtokólik әkelingen.

Olar kedendik rәsimdeude sol kezende qoldanysta bolghan zannama men aldyn ala synyptau sheshimderine (ASSh) sýiengenin aitady. Yaghni, importtaushylar barlyq tólemderdi resmy tarifter boyynsha tólep, rәsimderdi tolyq ayaqtaghan. Sol kezende importtaushylar aldyn ala synyptau sheshimderine (ASSh/PKR) sýienip, TN VED 8703603099 kody boyynsha rәsim jýrgizgen. Búl kod sol uaqytta jenildetilgen salyq rejiymin qoldanugha mýmkindik bergeni aitylghan. Odan keyin TN VED kody ózgertilip, 8703603098 núsqasy engizilgen jәne búrynghy rәsimderge qatysty qosymsha salyq esepteuleri jasala bastaghan.

«2025 jyldyng qyrkýiek aiynan keyin atalghan kólik qúraldaryn synyptau tәsili ózgertildi. Keyinnen Qazaqstan Respublikasy Qarjy ministrligining Memlekettik kirister komiyteti aumaqtyq memlekettik kirister departamentterine azamattargha kedendik tólemder men salyqtardy qosymsha esepteu turaly talaptarmen búzushylyqtardy joiy jónindegi habarlamalar joldaudy tapsyrdy.

Habarlamalardy alghannan keyin azamattardyng basym bóligi belgilengen merzimde jazbasha týsiniktemeler men qarsylyqtaryn úsyndy. Soghan qaramastan, aumaqtyq memlekettik kirister organdary úsynylghan dәlelderdi tiyisinshe qarastyrmay jәne uәjdi jazbasha jauap bermesten, habarlamalardyng oryndalmaghany turaly sheshimder shyghardy», - delingen deputatqa joldanghan hatta.

BÚGhAU MA, BÚGhATTAU MA?

Daudyng manyzdy bóligi – qarjylyq shekteuler. Keybir azamattar men jeke kәsipkerlerding banktik shottary búghattalghany, tólem jasau mýmkindigi shektelgeni, tipti qarjylyq qosymshalargha qoljetimdilikke kedergi kelgeni aitylady.

Sonymen qatar bir subektke orta eseppen shamamen 1 million tengege deyin qosymsha salyqtar men tólemder eseptelgen jaghdaylar tirkelgen.

«Memlekettik kirister departamentteri jeke kәsipkerlerding banktik shottaryn búghattap, jeke túlghalardyn, onyng ishinde Kaspi Bank qosymshalaryna qoljetimdiligin shektedi. Atalghan әreketterdi bizding konstitusiyalyq qúqyqtarymyz ben zandylyq qaghidattaryn óreskel búzu dep esepteymiz», - delingen hatta.

DESTROYER DAUY – DEPUTAT SAUALY

Osy daugha baylanysty Mәjilis deputaty Abzal Qúspan Bas kólik prokuraturasyna deputattyq saual joldady. Deputat óz saualynda kólik prokuraturasy men memlekettik kirister organdarynyng әreketterine keshendi qúqyqtyq bagha berudi, sonday-aq qabyldanghan sheshimderding zandylyghyn tekserudi talap etti.

Deputattyq saualda negizgi nazar birneshe mәselege audarylghan. Birinshiden, 2025 jyly әkelingen kólikterding barlyghy sol kezendegi zannamagha sәikes rәsimdelgeni jәne aldyn ala synyptau sheshimderi resmy týrde qoldanylghany aitylghan. Ekinshiden, keyingi ózgeristerding búrynghy mәmilelerge keri kýshpen qoldanyluy qúqyqtyq normalargha qayshy ekeni kórsetilgen. Ýshinshiden, banktik shottardy jappay búghattau men qosymsha salyq salu tәjiriybesi bizneske qysym retinde baghalanghan.

Sonymen qatar deputat prokuraturadan tekseru nәtiyjelerin 5 júmys kýni ishinde úsynudy, zansyz sheshimder anyqtalghan jaghdayda olardy joydy, shottardy búghattaudy toqtatudy jәne jauapty túlghalardyng әreketterine qúqyqtyq bagha berudi súrady. Saualda búl jaghdaydyng jýieli sipat alghany jәne memlekettik organdargha degen senimge әser etui mýmkin ekeni de atap ótilgen.

Qazirgi tanda búl jaghdaydyng qalay sheshiletini prokuraturanyng tekseru qorytyndysyna baylanysty bolmaq. Eger zang búzushylyqtar rastalsa, atalghan is Qazaqstandaghy kedendik retteu tәjiriybesine qatysty manyzdy qúqyqtyq presedentke ainaluy mýmkin.

Abai.kz