Songhy ýsh jylda Qazaqstandaghy bilim beru úiymdarynda toptyq infeksiyalyq aurular sany eki esege ósken. Búl turaly Ýkimet otyrysynda Densaulyq saqtau ministri Aqmaral Álnazarova mәlimdedi.

Aqmaral Álnazarova Densaulyq saqtau ministrligining negizgi mindetterining biri — bilim beru jәne jazghy demalys úiymdarynda sanitariyalyq-epiydemiologiyalyq baqylaudy qamtamasyz etu ekenin algha tartty. Búl sharalar balalardyng qauipsizdigin saqtaugha jәne infeksiyalyq aurulardyng aldyn aludy kózdeydi.

Ministrding dereginshe, oqu jyly bastalghaly beri mektepterde 347 tekseru jýrgizilgen (150 josparly, 197 jospardan tys), onyng ishinde 49 as blogy qamtylghan. Nәtiyjesinde birqatar jýieli búzushylyq anyqtalghan. Atap aitqanda, sanitariyalyq-tehnikalyq jaghdaydyng talapqa say bolmauy jәne sanitariyalyq-epiydemiologiyalyq qorytyndylardyng joqtyghy jii kezdesedi.

— Songhy ýsh jylda bilim beru úiymdarynda toptyq infeksiyalyq aurular sany eki esege óskeni bayqalady. 2023 jyly — 4 jaghday tirkelse, 2024 jyly — 5, al 2025 jyly — 8 jaghday anyqtalghan. Osyghan baylanysty Memleket basshysy memlekettik baqylaudyng erekshe tәrtibin engizu turaly zangha qol qoyghan. Jana talaptargha sәikes, 1 mausymnan bastap monitoring jýrgizilip, 1 shildeden bastap josparly tekseruler bastalady, — dedi spiyker.

Sonymen qatar ministr óz sózinde 2025 jylghy 1 qyrkýiekten bastap mektep mәziri janartylyp, jana tamaqtanu standarty engiziletinin aitty. Búl standart tagham sapasyn jaqsartugha jәne qauipsizdigin arttyrugha baghyttalghan.

Oqu-aghartu ministrligining dereginshe, biyl 187 jazghy sauyqtyru úiymyn ashu josparlanghan. Qazirgi uaqytta olardyng 53%-y ghana ótinish bergen, al 33%-y balalardy qabyldaugha dayyn. Keybir ónirlerde dayyndyq dengeyi tómen.

Abai.kz