5 mausym kýni qyzym Altynaydyng úzatu toyy ótti.

Árbir әke ýshin orny bólek, erekshe kýn. Úyadan úshqan kip-kishkentay qyzynnyng eseyip, boyjetkenin jәne ómir jolyn birge jýrip ótetetin serigin tandaghanyn ishtey moyyndap, tebirenetin sәt.

Men Altynay ýshin sheksiz baqyttymyn. Búl tandau kezdeysoq nemese asyghys jasalghan joq. Onyng negizinde shynayy, pәk mahabbat jatyr. Karl ekeui alty jyldan beri tanys. Osydan eki jyl búryn Karl Almatygha arnayy kelip, aldymnan ótti. Men óz batamdy berdim.

Karl maghan únaydy. Onyng azamattyq ústanymy dúrys, aldyna qoyghan maqsattary aiqyn әri auqymdy. Onyng enbekqorlyghyna, bilimine jәne alghan betinen qaytpaytyn qaysarlyghyna qarap, kózdegen shyndaryn baghyndyratynyna kәmil senemin. Biraq men ýshin eng manyzdysy qyzymdy shyn jýrekten, tereng әri nәzik sezimmen sýietini.

Búl toydyng mәni men ýshin tym bólek.

Ýlken qyzym túrmysqa shyqqanda men týrmede otyrdym. Ol kezde әke retinde qolymnan bar kelgeni Aygerimime arnaghan aq tilegimdi qaghazgha týsirip, hatpen berip jiberu ghana boldy. Sol hat toyynda oqyldy.

Al býgin bәri basqasha.

Qyzynnyng quanyshynda qaghazdaghy qúrghaq sózben shektelmey, sózi qaghazdan ghana oqylatyn adam bolmaudyng ózi bir ghaniybet. Qyzyndy ózing úzatyp, osynau ómirlik manyzy bar aq bosaghadan attar sәtinde Altynayyna jýrekjardy jyly sózderindi ózing aita aluyng netken baqyt!

Meni tútqyndaghanda Altynay ne bary 9 jasta ghana edi. Bostandyqqa shyqqanymda ol jiyrmagha tolypty.

Ol mensiz eseydi.

Ol bala kýninde-aq, meni janúyamyz arqyly kórsetiletin qysymnan qútqaru ýshin, tughan ýiin tastap jat jerge ketuge mәjbýr boldy, bóten elde ósti.

Ata-anasynyng ayaly alaqany men meyirimine bólenip otyrghan balanyng kenetten ýiinen jyraqtap, jat tilde sóileytin bóten adamdar oqityn mektep-internattan bir-aq shyqqanyn týsinu qiyn. Biraq ol synbady, bәrine tótep berdi. Mektepti, artynsha uniyversiytetti bitirdi. Kәsiby jurnalist, tabysty modeli retinde túlgha bolyp qalyptasty.

Álemning alpauyt kompaniyalarynyng tandauyna ainalyp, jarnamalarynan kórinetin qyzymnyng sýiikti didaryna qarap, jýregim eljireydi, keudemdi maqtanysh kerneydi.

Qyzymnyng jetken jetistikterin maqtan tútamyn. Mening qoldauym naghyz kerek bolghan shaqtarda janynda bola almaghanyma janym auyrady.

Altynaydy qúttyqtap, onyng ýilenu toyyna oray aq tilegin, adal niyetin bildirgen barsha jangha shyn jýrekten alghys aitamyn!

Al keybir qisynsyz, orynsyz pikir jazyp jatqandar tek ayanysh pen jiyirkenish sezimin tughyzady.

Naghyz namys kýieu balanyng últymen ólshenbeydi. Namys degenimiz sol namys ýshin tym joghary bagha tóleuge tura kelgende, adamdyq aryng men abyroyyndy taza saqtap qala aluynmen ólshenedi!

Últtyng jamany bolmaydy. Jaman adamdar bolady.

Qalghan dýniyening bәri osy qarapayym qaghidanyng saldary ghana.

Ar-újdanyn mansapqa aiyrbastap, maghan qarsy isti qoldan qúrastyrghan tergeushilerdin, prokurorlar men sudiyalardyng ishinde birde-bir sheteldik bolghan joq. Meni sonday «qúdalardan» saqtaghan Jaratqangha myng shýkir.

Maghan óz qúdalarym únaydy. Olardyng әuleti Úlybritaniyada túryp jatqanyna jetpis jyldan assa da, óz tamyrlaryn úmytpaghan. Toygha olardyng kóbi ózderining últtyq kiyimderin kiyip kelip, óz tegine degen qúrmetin erekshe kórsetti.

Karldyng әkesi Genry maghan óte qatty únady. Ekeumiz qatarlaspyz, onymen әlemdik ekonomikalyq ýrdister turaly pikir almasyp, tamasha әser aldym. Genriyding mamandyghy investisiyalyq bankiyr, Karldyng boyyndaghy kóptegen jaqsy qasiyetterding әkesinen daryghanyn anyq bayqadym.

Karldyng otbasy men tughan-tuystarynyng qyzyma degen ystyq yqylasyna, qúrmeti men mahabbatyna rizamyn.

Óitkeni men ýshin eng bastysy – qyzymnyng baqytty bolghany!

Men óz balalarymnyng tandauyn әrdayym qúrmetteymin jәne olardy әrqashan qoldaymyn.

Olar talay synaqtan ótti. Biraq qiyndyqqa moyymay, adam degen atqa layyq azamat bolyp ósti, men ústanatyn ómirlik qaghidalardy saqtay bildi.

Ómirlering úzaq, adal әri baqytty bolsyn! Armandaghan asqaq múrattarynnyng bәri oryndalsyn!

Jәne myna dýniyeni esten shygharmandar: qanday jaghday bolsa da, әkelering әrqashan sendermen birge.

Senderdi jaqsy kóremin.

Ákelerin.

Múhtar Jәkishev

Abai.kz