Almatyda «Almaty – 2025 jylghy Týrki әlemining jastar astanasy» jobasy ayasynda úiymdastyrylghan Týrki memleketteri úiymynyng Halyqaralyq jastar kempingi júmysyn jalghastyruda. Baghdarlamanyng ekinshi kýni ekologiya, túraqty damu, sifrlyq transformasiya jәne týrki elderining jas kóshbasshylary arasyndaghy yntymaqtastyqty nyghaytu mәselesine arnaldy.

Is-sharadaghy basty oqigha – «Taza Qazaqstan» jalpyúlttyq bastamasyn qoldau maqsatynda úiymdastyrylghan «Turkic Youth Tree of Unity» halyqaralyq ekologiyalyq aksiyasy boldy. Qazaqstan, Týrkiya, Ázirbayjan, Qyrghyzstan, Ózbekstan jәne Týrikmenstannan kelgen kemping qatysushylary birlesip aghash egip, ony birlik, dostyq jәne qorshaghan ortany saqtaudaghy ortaq jauapkershilikting belgisi retinde tanytty. Búl aksiya jastardyng ekologiyalyq mәdeniyetti qalyptastyrugha, tabighatqa janashyrlyqpen qaraugha qosqan naqty ýlesi bolyp, sonday-aq býgingi tanda týrki әlemi elderining jastar sayasatynyng manyzdy baghytyna ainalghan túraqty damu qúndylyqtaryn dәriptedi.

Suret: shara úiymdastyrushylarynan alyndy.

«Ekologiyalyq jauapkershilik әr adamnyng jeke isinen bastalady. Býginde týrki memleketterining jastary elining bolashaghyn talqylap qana qoymay, naqty isteri arqyly qorshaghan ortagha qamqorlyq jasaugha dayyn ekenin kórsetude. Osynday bastamalar halyqtar arasyndaghy dostyqty nyghaytyp, jas úrpaqtyng boyynda jasampazdyq mәdeniyetin qalyptastyrugha yqpal etedi dep senemin», – dedi Almaty qalasy Jastar sayasaty basqarmasynyng basshysy Aziz Qajdenbek.

Baghdarlama ayasynda «Digital Turkic Youth» forumy ótip, onda qatysushylar jasandy intellektini damytu, sifrlyq daghdyny jetildiru jәne bolashaq ekonomikasynyng talaptaryna say jas mamandardy dayarlau jayyn talqylady.

Suret: shara úiymdastyrushylarynan alyndy.

Týsten keyin «Ashyq әri әdiletti qoghamdy damytudaghy jastardyng róli» atty sessiya úiymdastyrylyp, onda azamattyq belsendilik, zang ýstemdigi, jastardyng sheshim qabyldau ýderisterine qatysuy jәne qoghamdyq instituttardy damytu jayy sóz boldy.

Sonymen qatar, jastardyng ashyq әri әdiletti qogham qalyptastyrudaghy róline, olardyng qoghamdyq ýderisterge belsendi aralasuyna jәne jana kóshbasshylyq qabiletin damytugha erekshe nazar audaryldy. Is-shara týrli elderding ókilderin últtyq dәstýri, shygharmashylyghy men mәdeny múrasy arqyly jaqyndastyrghan Cultural Night mәdeny keshimen qorytyndylandy.

«Búl kempingke qatysu biz ýshin bauyrlas halyqtardyng mәdeniyetimen tanysyp qana qoymay, qoghamgha payda әkeletin ortaq bastamalardy birge jýzege asyrugha mýmkindik beredi. Ekologiyalyq aksiya bizding birligimiz ben bolashaq aldyndaghy ortaq jauapkershiligimizding simvolyna ainaldy», – dedi Qyrghyzstannan kelgen kemping qatysushysy.

Halyqaralyq jastar kempingi týrki memleketterining jas kóshbasshylary arasynda ashyq dialog jýrgizuge, tәjiriybe almasugha jәne birlesken bastamalardy damytugha arnalghan manyzdy alang retinde júmysyn jalghastyryp otyr. Al 14 mausymda qatysushylardy is-shara qorytyndylanyp, «Almaty – 2025 jylghy Týrki әlemining jastar astanasy» jobasy resmy týrde jabylady. Osy rәsim barysynda jastar astanasynyng mәrtebesi kelesi qalagha tabystalady.

Abai.kz