Memleket basshysy Europalyq Kenes Preziydenti Antoniu Koshtamen jәne Europalyq Komissiya Preziydenti Ursula fon der Lyayenmen kelissózder jýrgizdi. 

Preziydent Qasym-Jomart Toqaev EO kóshbasshylary Antoniu Koshtamen jәne Ursula fon der Lyayenmen jýrgizgen kelissózder barysynda Qazaqstan men Europalyq Odaq arasyndaghy baylanys ekijaqty yntymaqtastyq tarihyndaghy eng joghary dengeyge jetkenin atap ótti.

– Ózara senim men qúrmetke negizdelgen bizding qarym-qatynasymyz shynayy strategiyalyq sipatqa ie boldy. Men Brusselige san qyrly yntymaqtastyghymyzdy ortaq mýddemiz bar barlyq salada terendetu maqsatynda keldim. Jana ghana qol qoyylghan manyzdy kelisim men memorandumdar yqpaldastyqty odan әri nyghaytugha beyil ekenimizding aiqyn dәleli. Býgingi kelissóz qorytyndylary Qazaqstan-Europa qarym-qatynasynyng jana kezenine jol ashady dep senemin, – dedi Memleket basshysy.

Qasym-Jomart Toqaev Qazaqstan men EO arasynda asa joghary dengeydegi túraqty sayasy dialog jolgha qoyylghanyn aitty. Sonday-aq elimizding aimaqta birinshi bolyp EO-men Keneytilgen seriktestik jәne yntymaqtastyq jónindegi kelisimge qol qoyyp, ratifikasiyalaghanyn eske saldy.

Memleket basshysy sauda-ekonomikalyq jәne investisiyalyq baylanystardy damytugha airyqsha nazar audardy.

– Býginde EO Qazaqstannyng iri sauda jәne investisiyalyq seriktesi sanalady. Europalyq kompaniyalar ekonomikamyzdyng týrli salasyna zor ýles qosyp keledi. Olardyng tabysy europalyq biznesting Qazaqstangha degen senimin bayqatady. Biz Europalyq Odaqtyng Ortalyq Aziyadaghy senimdi seriktesi bolghanymyzdy maqtan tútamyz. Sonday-aq europalyq investorlar ýshin túraqty әri tartymdy investisiyalyq klimat jasaugha úmtylamyz, – dedi Preziydent.

Europalyq Komissiya Preziydenti Ursula fon der Lyayenning aituynsha, Keneytilgen seriktestik jәne yntymaqtastyq turaly kelisimge qol qoyylghannan bergi on jyl ishinde ózara sauda kólemi eki eseden asqan

– Múnyng ózi kóp jaytty anghartady. Sonymen qatar týrli saladaghy әleuetimiz әli de mol. Biz sauda qatynastaryn, sonyng ishinde auyl sharuashylyghy salasyn әrtaraptandyrugha mýddelimiz. Búdan bólek, ózara tauar ainalymy men investisiyagha tyng serpin beru maqsatynda sauda-sattyqtaghy kedergilerdi enseru mәselelerin birlesip talqylauymyz qajet. Taghy bir mәsele. Vizalyq rejimdi jenildetu jәne readmissiyalau jónindegi kelisimder boyynsha belsendi júmys qolgha alynghan. Búghan qatysty kelissózder ayaqtalyp keledi, – dedi Ursula fon der Lyayen.

Abai.kz