Qasym-Jomart Toqaev Qazaqstan Respublikasynyng biylghy qantar-mausym ailaryndaghy әleumettik-ekonomikalyq damu qorytyndylary turaly esepti tyndap, ekonomikany odan әri әrtaraptandyru josparymen tanysty. Búl turaly Aqordanyng baspasóz qyzmeti habarlady. 

Premier-ministr birinshi jartyjyldyq qorytyndysy boyynsha ishki jalpy ónim kólemi 4,1 payyzgha óskenin bayandady. Ekonomika qúrylymyndaghy óndeu ónerkәsibining ýlesi – 9,8 payyzgha, kólik salasy – 7,1 payyzgha, qúrylys 15,2 payyzgha artty. Sonday-aq sauda-sattyqta – 5,7 payyz, auyl sharuashylyghynda – 4,4 payyz jәne baylanys qyzmetinde 4,3 payyz ósim tirkeldi. Negizgi kapitalgha tartylghan investisiya kólemi 9,5 trillion tengeni qúrady, sonyng ishinde jeke investisiya 21,4 payyzgha úlghaydy.

Oljas Bektenov últtyq ekonomika qúrylymyn nyghaytu jóninde esep berdi. Biyl óndeu sektorynda 1,7 trillion tengege 200 investisiyalyq joba iske qosylyp, 17 myng júmys orny ashylady. Ýkimet basshysy iri avtojol jobalarynyng jýzege asyrylu barysy, Astana qalasyndaghy ekinshi әuejaydyng qúrylysyn jәne Tarlan Astana kólik jýiesining kelesi kezenin josparlau turaly aitty. Paydalanugha beriletin túrghyn ýy kólemi 20 million sharshy metrge jetpek. Auyl sharuashylyghyndaghy óndiris kórsetkishi 15 trillion tengeni qúrap, egistik alqaptary 23,8 million gektargha deyin úlghaydy. Sharualardy qoldaugha 1 trillion tenge bólindi. Búl rette budjetting әr tengesi 6,5 tenge jeke investisiya tartugha septigin tiygizdi.

Memleket basshysyna Halyqtyng tabysyn arttyru jónindegi keshendi jospardyng iske asyryluy jәne inflyasiyany tómendetu sharalary turaly aqparat berildi. Mausym aiynda jyldyq inflyasiya dengeyi 10,3 payyzdy qúrady.

Preziydentke әleumettik jәne kóshi-qon sayasatyn jetildiru nәtiyjeleri turaly bayandaldy, sonday-aq júmysqa ornalasugha yntalandyru arqyly әleumettik qoldau tetikterining tiyimdiligin arttyru tәsilderi tanystyryldy. Keybir әleumettik tólemderdi ontaylandyru nәtiyjesinde jylyna 800 milliard tengeden asa qarjy ýnemdeledi.

Kezdesude jylytu mausymyna dayyndyq mәselesine airyqsha nazar audaryldy. Ótken mausymnyng qorytyndysy boyynsha bes jylu elektr ortalyghy asa joghary tәuekelding «qyzyl» aimaghynan shygharylyp, ýsh JEO «jasyl» aimaqqa auystyryldy. Biylghy jóndeu júmystary 9 energiya blogyn, 55 qazandyqty jәne 51 turbinany qamtidy. Atalghan maqsatqa 384 milliard tenge bólingen. «Energetikalyq jәne kommunaldyq sektorlardy janghyrtu» últtyq jobasy ayasynda jyl sonyna deyin 12 myng shaqyrym injenerlik jeli jóndeledi.

Preziydentke sifrlandyru jәne últtyq AI infraqúrylymyn damytu jónindegi tapsyrmalarynyng oryndaluy turaly mәlimet úsynyldy. Oljas Bektenov «Derekterdi óndeu ortalyghy alqaby» jobasyn iske asyru maqsatynda әlemdik IT kóshbasshylarymen birge quaty 250 MVt bolatyn infraqúrylym jasaqtalatynyn aitty. Shetelden tartylghan investisiya kólemi 10 milliard dollardan asty.

Memleket basshysyna turizm infraqúrylymyn janghyrtu jayynda esep berildi. Almaty tau klasterin damytu turizm salasynyng IJÓ qúrylymyndaghy ýlesin arttyrady. Almaty SuperSki jobasynyng qúrylysy jandana týsti: 60 shaqyrym trassa qúrylysy ayaqtalghanda tәuligine 10 myng adamgha deyin qyzmet kórsetuge mýmkindik tuady. Nysandy paydalanugha beru 2028 jyldyng jeltoqsan aiyna josparlanghan. Elimiz «Bolashaq oiyndary-2026» jarystaryn ótkizuge dayyn.

Memleket basshysy jana Konstitusiyagha say qabyldanyp jatqan sharalar turaly habardar boldy. Zannamany Ata zangha sәikestendiru, «Ádiletti Qazaqstan» jәne «Zang men tәrtip» qaghidattaryn nyghaytu, әleumettik sayasatty jetildiru, Alatau qalasyn qarqyndy damytu ýshin qúqyqtyq negiz qalyptastyru, sonday-aq «Taza Qazaqstan» bastamasyn ilgeriletu boyynsha júmystar jýrgizilude.

Kezdesu sonynda Qasym-Jomart Toqaev elimizdi órkendetu baghytyndaghy jýieli qadamdardy jalghastyrudy tapsyrdy. Ýkimetke әleumettik jәne infraqúrylymdyq nysandar salugha arnalghan auqymdy baghdarlamany qolgha alu mindeti jýkteldi. Búl bastama el azamattarynyng túrmys sapasyn aitarlyqtay jaqsartugha tiyis. Zamanauy densaulyq saqtau nysandaryn salugha erekshe nazar audarylady.

Abai.kz