«Sanjar Boqaevty Qúryltay saylauy ayasynda qylmystyq qudalau. Mәlimdeme» degen aiqaylaghan taqyryppen ótken baspasóz mәslihatynan júrt aqparattyq janalyq kýtken edi. Alayda, qylmystyq isting aq-qarasyn ashady degen spiykerler BAQ ókilderining ótkir saualdaryna mýldem dayyn bolmay shyqty. Jiyn ashyq dialog emes, minberdegilerding ózin-ózi jarnamalau alanyna ainalyp ketkendey әser qaldyrdy.

Úiymdastyru jaghyndaghy olqylyqtar is-shara bastalmay jatyp-aq bayqaldy. Basty spiykerlerding biri, búrynghy advokat Múrat Adam baspasóz mәslihatyna mýldem kelgen joq. Qogham belsendisi Álnúr Iliyashev onyng shetelge shúghyl emdeluge ketkenin aityp, «ol jaqta internet nashar» degen jeleumen әriptesining әreketin aqtap alugha tyrysty. Al ekinshi spiyker retinde tanystyrylghan Vladimir Dvoreskiy jurnalistermen tek qashyqtan, onlayn baylanysqa shyghudy jón kóripti.

Jiyn barysynda is materialdaryna qatysty naqty әri jan-jaqty taldau jasalady degen ýmit te aqtalmady. Faktilerding ornyna spiykerler jalpylama sózden asa almady. Mәselen, Álnúr Iliyashev uaqyttyng basym bóligin filosofiyalyq oi-tolghaulargha, kitap oqugha kenes beruge jәne óz әuletining shejiresin bayandaugha arnady.

Al Vladimir Dvoreskiy Sanjar Boqaevtyng biylghy aqpan aiynda AQSh-tan joldaghan eski audiohabarlamasyn tyndatumen shekteldi. Ol jazbada Boqaev sayasattan sharshaghanyn aityp, әleumettik jelidegi ózine jazylghan jaghymsyz pikirlerge shaghymdanghan eken.

Jurnalister qauymy Boqaevtyng 2015-2017 jyldary «QazTransGaz» AQ basqarma tóraghasynyng kenesshisi bolyp túrghan kezdegi qarjy jymqyru isine qatysy bar-joghyn súrap, jauap alugha tyrysty. Biraq Álnúr Iliyashev «tergeu qúpiyasy» degendi algha tartyp, búl saualdardan syrghaqtap ketti.

Eng qyzyghy – tergeuge ilingen Boqaevtyng atyndaghy qymbat avtoparkke qatysty súraq qoyylghan kezde boldy. Jurnalister qúny ondaghan million túratyn Toyota LC 300, BMW 545, ZEEKR X, Toyota Tundra kólikteri men BMW motosiklining qaydan kelgenin súraghanda, Vladimir Dvoreskiy eshqanday týsinikteme bermesten Zoom jelisinen shyghyp ketti. Sóitip, ol әriptesi Iliyashevti zaldaghy BAQ ókilderimen betpe-bet jalghyz tastap qasha jóneldi.

Baspasóz mәslihatynyng sonyna qaray belgili jurnalist Vadim Boreyko is-shara atauynyng ózinde esh qisyn joq ekenin aitty. Ol «Qúryltay mýsheleri partiyalyq tizim arqyly jasaqtalatyn bolsa, búl qylmystyq isting Qúryltaygha qanday qatysy bar?» dep tótesinen qoydy.

Alayda spiyker búl joly da naqty jauapty jyly jauyp, әngime auylyn «seriktesimning isin jalghastyrugha dayynmyn» degen ózining jeke ambisiyasyna búryp jiberdi. Aqyrynda, búl alandy úsynghan Qazaqstannyng adam qúqyqtary jónindegi halyqaralyq burosy onlayn-translyasiyany merziminen búryn toqtatyp tastady.

Eske sala keteyik, qazirgi tanda bloger Sanjar Boqaevqa Baum toghayynda zansyz aghash kesudi úiymdastyrdy jәne asa iri mólsherde alayaqtyq jasady degen aiyptar taghylyp otyr.

Abai.kz