Áleumettik jelide qazaq tili men qazaqtardyng mekenine qatysty kemsitushilik sózder aityp, qoghamda ýlken rezonans tudyrghan búrynghy Resey azamaty Danil Skuratov sot sheshimimen 15 tәulikke әkimshilik qamaugha alyndy.

Jelidegi Instagram paraqshasynda Reseyden mobilizasiya arqyly kelgenin jәne Astana qalasynda túryp jatqanyn kórsetken ol Threads platformasynda jeli qoldanushylarynyng ashu-zanyn tughyzghan birneshe jazba qaldyrghan. Skuratov óz sózinde qazaq tilin kemsitip, ony «eshkimge keregi joq» dep sipattaghan, sonday-aq halyqqa qatysty jaghymsyz sózder aitqan.

Áleumettik jelidegi dauly pikirler:

«Men qazaq tilin bilmeymin jәne 39 jyl boyy tamasha ómir sýrip kelemin»;

«Mambetter men qonaqjaylylyq ekeui eki týrli úghym. Keyin turister nege joq dep tanghalady»;

«Qazaq tilin bilmeytin japondyqtar myqty avtokólikter, Apple kompaniyasy iPhone-dar shygharyp jatyr. Sender bir-birlerinmen qazaqsha sóileuden basqa eshtene bilmeytin aqymaqsyndar... Qazaq tili eshkimge de kerek emes».

Osy oqighadan keyin Almaty qalalyq Polisiya departamenti Bostandyq audandyq polisiya basqarmasy arqyly arnayy tekseris jýrgizip, zang búzushynyng jeke basyn anyqtady.

Polisiya departamenti azamatqa qatysty Qazaqstan Respublikasy Ákimshilik qúqyq búzushylyq turaly kodeksining 434-baby 1-bóligi («Úsaq búzaqylyq») boyynsha is qozghap, jinalghan materialdardy sheshim shygharu ýshin Almaty qalasynyng mamandandyrylghan audanaralyq әkimshilik sotyna joldady.

Sot otyrysy barysynda aiyptalushy Danil Skuratov óz kinәsin tolyq moyyndap, sottan jenildeu jaza qoldanudy súraghan. Degenmen sot onyng әreketin qoghamdyq tәrtipti búzu dep tanyp, 15 tәulikke qamaugha alu turaly ýkim shyghardy.

Abai.kz