Zang men tәrtip qaghidaty Ýkimet júmysynyng basty baghdarynyng biri bolady. Búl turaly býgin Qúryltaydyng jalpy otyrysynda Premier-ministr Oljas Bektenov aitty.

Oljas Bektenov aldymen joghary senim kórsetip, ekinshi mәrte Premier-ministr lauazymyna taghayyndaghan Preziydentke, sonday-aq qoldau kórsetken birinshi shaqyrylymdaghy Qúryltay deputattaryna alghysyn bildirdi.

— Bizding ózara birlesken júmysymyz Memleket basshysynyng «Ádiletti әri quatty Qazaqstandy qúru» mindetin jedel jәne sapaly oryndaugha baghyttalady dep senemin. Jana Konstitusiyamyz qabyldanyp, memleketimizding sayasy jýiesining janaru ýderisi bastau alghan el damuynyng asa manyzdy kezeninde Ýkimetti basqaru men ýshin airyqsha jauapkershilik. Preziydent myrza, jyl qorytyndysy boyynsha ekonomikanyng keminde 5 payyz dengeyinde ósuin qamtamasyz etemiz. Búl orayda azamattardy belsendi júmyspen qamtu arqyly olardyng tabysynyng ósuin yntalandyra otyryp, inflyasiyanyng dengeyin tómendetemiz, — dedi Oljas Bektenov.

Ýkimet basshysy býkil elimiz boyynsha manyzdy jobalardyng qúrylysy bastalghanyn aitty.

— Auqymdy qúrylys baghdarlamasy infraqúrylymdyq jәne әleumettik nysandardy ozyq qarqynmen salugha jәne ekonomikalyq ósimdi yntalandyrugha baghyttalady. 2026 jyl «Sifrlandyru jәne jasandy intellekt jyly» bolyp belgilendi. Tapsyrmalardy jedel әri sapaly oryndauymyz ýshin bar kýsh-jigerimizdi salamyz. Ekonomikanyng barlyq salasynda sifrlyq transformasiya jalghasyn tabady. Sonymen qatar, zang men tәrtip qaghidaty Ýkimet júmysynyng basty baghdarynyng biri bolady, — dedi Oljas Bektenov.

Abai.kz