اعيما (اعايشا) يساعۇلوۆا 1945 جىلعى 3 اقپاندا بۇرىنعى تالدىقورعان وبلىسىنىڭ باسشي-نۇرىم اۋىلىندا دۇنيەگە كەلگەن. 1963 جىلى قازاق مەملەكەتتىك قىزدار پەداگوگيكالىق ينستيتۋتىنىڭ مۋزىكا-پەداگوگيكا فاكۋلتەتىنە (قازىرگى ونەر جانە مادەنيەت فاكۋلتەتى) ءتۇسىپ، وقۋ ورنىن 1967 جىلى «مۋزىكا جانە ءان» ماماندىعى بويىنشا بىتىرەدى. سودان بەرى تابان اۋدارماي شاكىرت تاربيەلەپ، ۇستازدىق قىزمەتتى ابىرويمەن اتقارىپ كەلەدى.

ا. شەرمۇحامبەتقىزىنا 1993 جىلى دوتسەنت، 2010 جىلى پروفەسسور عىلىمي دارەجەلەرى بەرىلدى. ونىڭ باستاماسىمەن «ايگۇل» ۆوكالدى-اسپاپتار ءانسامبلى، «شاتتىق جىرى» ءانسامبلى، «ونەر جاستان» وپەرا تەاترى مەن تاعى دا باسقا ونەر ۇجىمدارى قۇرىلدى.  سونداي-اق ا. يساعۇلوۆانىڭ ۇيىمداستىرۋىمەن بىرنەشە حالىقارالىق، رەسپۋبليكالىق، ايماقتىق ونەر بايقاۋلارى، كونكۋرستار مەن فەستيۆالدەر جوعارى دەڭگەيدە ءوتتى.

ونىڭ جەتەكشىلىگىمەن «اقسۇڭقار» ارداگەرلەر انسامبلi ۇيىمداستىرىلدى. ونەر ۇجىمى الماتىنىڭ قارت تۇرعىندارىن ونەرگە تارتۋدى ماقسات تۇتادى. اعايشا يساعۇلوۆا – كەزiندە سىرنايمەن ءان شىرقاپ، اتى كۇللi قازاق دالاسىنا تانىمال بولعان مايرا ۋاليقىزىنىڭ سىرنايمەن ءان ايتۋ مەكتەبiن جالعاستىرۋشىلاردىڭ بىرەگەيى.

ونەرپاز تۋرالى قازاقتىڭ كەمەڭگەر ۇلى دiنمۇحامەد قوناەۆتىڭ: «مەن قازاقتىڭ ەكi-اق قىزىن بiلەمiن: بiرiنشiسi – حافيزا ابۋعاليەۆا اككوردەونمەن ءان سالۋشى ەدi. ەكiنشiسi – قارىنداسىم اعايشا باياندا ويناپ، ءان ايتادى. بۇل قىزدار – ەلiمiزگە كەلگەن بiرتۋار تالانتتار»، – دەگەن ۇلاعاتتى ءسوزi راستاي تۇسەدi. كەزiندە اعايشانىڭ ورىنداۋىنداعى اندەردi تاماشالاپ، سىزىلتا تارتقان سىرناي ۇنiنە بويى بالقىپ، كوڭiلi شالقىعان شىڭعىس ايتماتوۆ: «ونىڭ ءان ايتۋ شەبەرلiگiندە شامانيزم سارىنى جاتقانداي اسەر بەرەدi. ول بiزدiڭ ءبارiمiزدi ءوزiنiڭ الاقانىندا ۇستاپ، انiمەن تىنىستاتتى» دەسە كەرەك.

بۇگىندە پروفەسسوردىڭ عىلىمي-ادىستەمەلىك ەڭبەكتەرى، مۋزىكالىق شىعارمالارى جوعارى وقۋ ورىندارىندا، جالپى ءبىلىم بەرەتىن مەكتەپتەردە پايدالانىلادى. ەڭبەكتەرىنىڭ قاتارىندا «مۋزىكا» باعدارلاماسى بويىنشا حرەستوماتيا، فونوحرەستوماتيالار، مۋزىكا ءپانىنىڭ مۇعالىمدەرىنە ارنالعان وقۋ-ادىستەمەلىك نۇسقاۋلىقتار، حالىق اندەرىنىڭ جيناقتارى بار.

ول كىسى ۇستازدىقپەن قاتار، حالىق اراسىندا كەڭىنەن تاراعان 100-گە جۋىق ءاننىڭ دە اۆتورى. يساعۇلوۆانىڭ ومىرشەڭ تۋىندىلارىن ءوزىنىڭ شاكىرتتەرى، ەسىمى ەلگە تانىمال ونەر يەلەرى نۇرعالي ءنۇسىپجانوۆ، سۇلۋشاش نۇرماعامبەكتوۆا، ساكەن قالىموۆ، گالينا قارامولداەۆا، گۇلميرا اقۇرپەكوۆا، تامارا اسار، دينا حامزينا، ۇلجان ايناقۇلوۆا، التىن ماحانبەتوۆا، گۇلنۇر ومىرباەۆا جانە تاعى باسقالار ورىندايدى.

«قازاق» راديوسىنىڭ «التىن قورىندا» ا. يساعۇلوۆانىڭ ورىنداۋىنداعى 250-دەن استام شىعارما ساقتاۋلى. ول ۆەنگريا، پولشا، چەحيا، بولگاريا، گەرمانيا، ليتۆا، ۋكراينا، بەلورۋس، يۋگوسلاۆيا، تۇركيا، تاجىكستان، وزبەكستان جانە رەسەي ەلدەرىندە قازاق ونەرىن ناسيحاتتاپ، جەكە ءان كەشتەرىن وتكىزدى. سونىمەن قاتار ول ەلىمىزدىڭ بارلىق وڭىرىندە «كوكپار» اتتى اۆتورلىق ءان-مۋزىكا كەشىن جانە قايىرىمدىلىق شارالارىن وتكىزۋگە مۇرىندىق بولدى.

اعايشا يساعۇلوۆا «اللو، مى يششەم تالانتى»، «جاڭا عاسىر – جاڭا ءان»، «تتار اۋەندەرى»، «ۇزدىك مۋزىكا ءپانىنىڭ مۇعالىمى»، «اتالار سازى»، «تاتار موڭنارى» اتتى حالىقارالىق، رەسپۋبليكالىق بايقاۋلاردىڭ لاۋرەاتى.

Abai.kz