Aziya oiyndarynda sporttyq jýristen top jaryp, qúrama qorjynyna toghyzynshy altyn jýldeni salghan qazaqstandyq jenil atlet Yasmina Toqsanbaevanyng jaghdaygha qatysty týpkilikti sheshim shyqty. Altyn qyz Yasminanyng altyny joyyldy...

Mәre syzyghyn birinshi bolyp qighan otandasymyzdyng quanyshy uaqytsha bolyp shyqty. Jarys ayaqtalghan son, qarsylas taraptyng týsirgen shaghymyna baylanysty Úiymdastyru komiyteti qazaqstandyq sportshynyng ayaq kiyimin arnayy tekseristen ótkizgen. Nәtiyjesinde, Japoniyada ótip jatqan Aziya oiyndarynyng resmy saytynda Yasmina Toqsanbaevanyng kórsetkishi joyylyp (diskvalifikasiya), altyn jýldesinen aiyryldy.

Medalidar qayta bólinip, jenimpaz mәrtebesi mәrege ekinshi bolyp jetken qytaylyq sportshy Danzenguszunge berildi. Kýmis jýlde onyng otandasy Ma Liyge búiyrsa, qola medalidy japondyq atlet Yukiko Umene enshiledi.

Qazirgi uaqytta Aziya oiyndarynyng Úiymdastyru komiyteti, Aziya Olimpiadalyq kenesi jәne Qazaqstan jenil atletika federasiyasy osy oqighagha qatysty resmy týrde týsinikteme bere qoyghan joq.

Oryn alghan jaghdaygha baylanysty Yasmina Toqsanbaeva әleumettik jelidegi paraqshasynda pikir bildirip, ózine qoldau bildirgen barsha otandastaryna alghys aitty:

«Maghan qoldau kórsetip, janymnan tabyla bilgen jandardyng barlyghyna, sonday-aq qoldau bildirgen әrbir jangha sheksiz alghysymdy aitamyn. Raqmet saghan, Qazaqstan! Býgin biz Aziyanyng jana rekordyn ornattyq, býgin biz tarih jazdyq! Tipti búl jenisti menen tartyp alsa da, men qayta oralyp, múny taghy da dәleldeymin!» – dedi sportshy.

Eske sala keteyik, Yasmina Toqsanbaeva әielder arasyndaghy sporttyq jýristen marafondyq qashyqtyqty 3 saghat 22 minut 20 sekundta baghyndyryp, Aziya rekordyn janartqan bolatyn. Mәrege birinshi kelgenine qaramastan, ókinishke qaray, tehnikalyq erejelerge baylanysty Qazaqstan qúramasy búl altyn medalidan aiyryldy.

Qazir әleumettik jeli qoldanushylary búghan qatysty ózderining ótkir pikirlerin ortagha saluda...

Suret: Áleumettik jeli skriyni.

Aslan Qajenov, sport jurnaliysi:

– Yasmina Toqsanbaeva altynynan aiyryldy. Bolmaytyn qatelikten. Jarys alanyna kiyetin ayaq kiyimdi dúrys tandamapty. Negizi búl sportta tyiym salynghan preparat qoldanyp, dopingke ilikse nemese sporttyq jýru erejesin búzyp, jýgirip ketse diskval beriletin. O, basta osydan qoryqqanmyn. Joq. Múnda basqa syimaytyn olqylyq. Kishkentay balanyng qateligi.

Birinshiden, jenil atletika federasiyasy nege osyny eskermegen jәne nege tiyisti ayaq kiyimmen qamtymaghan?

Ekinshiden, jauapty mamandar problema tuyndaghanda jedel aralasyp, nege tiyisti dengeyde sheship tastamady? Halyqaralyq qatynastar qayda? Qoldau qayda? Qorghau qayda?

Negizi qazaq qyzy taza jýgirip ótti. Ayqyn basymdyqpen jendi. Biraq, qolda bar altynnan aiyrylyp otyr. Qysqasy, jauap berinder! Osyndayda qyrylmasan, osyndayda qoshtamasandar, osyndayda birikpesen, myng qyryq bir bolyp jýrgeninnen ne qayyr?!

Suret: Áleumettik jeli skriyni.

Eljas Ábdilda:

– Jenil atlet Yasmina Toqsanbaeva Aziya oiyndarynda oljalaghan adal altynynan aiyrylypty. Sebebin estisen, sebepsiz kýlesin. Sporttyq jýris erejesin týgel saqtaghan. Marafon boyy jýgirip ketpey, jýrip ótti. Doping dauynan da ada. Tek ayaq kiyimi talapqa say emes eken...

Keshe 42 shyqyrymdy - 3 saghat, 22 minut, 20 sekundta jýrip ótip, qos qytaylyq sportshyny 4 minuttay artta qaldyrghanyna qatty quanyp edik. Ózi de enbegining aqtalghanyna sener-senbesin bilmey, kóz jasyna erik berdi. Endi sonyng bәri su sepkendey basylmaq...

Armandaysyn. Shýmektep ter tógesin. Osy jolda qatarlastarynnan qalyp, kóp qyzyqty qúrban etesin. Endi mine sonyng ashy termen, tәtti jemisin kórdim-au, degeninde jýiedegi jýiesizdik jenisindi qúrban etedi. Óte ókinishti...

Negizi búl audan aralyq jarys emes edi. El aty syngha týsetin qúrlyqtyq doda. Sportshylar nelikten talapqa say kiyim-keshekpen qamtylmaydy?! Futbolshylardyng auystyrar jeydesi bolmay, jyrtyq futbolkamen oiyn ótkizgenin talay kórdik. Biraq ol elimizde ghoy, qol synsa jeng ishinde, dep asa әbigerlenbegenbiz. Endi mynau úyat! Auzynda túrghan nesibeni, auyzdyghynnan tartyp alyp qon degen...

Osynyng bәri «gos zakup» degen jýiening kesiri emes pe? Kim arzan bagha úsynady, sonyng sapasyz tauaryn alghannan basqa amal joq. Barlyq salada sol. Sapa emes, bagha tómen bolsa boldy. Negizi búl jemqorlyqty jong ýshin jasalghan jýie, desken. Al shyn mәninde shalaghaylyq pen jemqorlyqtyng kókesi osy tetikte emes pe? Indetip zerttese, keshegi Manghystaudaghy qayghyly jaghdaydyng da bir úshy osyghan tiyedi. Áskeriyler qymbat qútqaru jeydesimen qamtyluy kerek bolghan. Biraq is jýzinde solay boldy ma...?!

Abai.kz