Ángime

Taghy da týsinen shoshyp oyandy da, esikke úmtyla bergeni sol edi, qasynda kýtip otyrghan jaqyndary tósegine qayta jatqyzdy.

— Joq, esikti ashyndar! Arman kelip túr, ol ólmegen, tiri! — degenin tyndamaydy. Qol-ayaghyn basyp, tyrp etkizbeydi.

Qansha kýn ótkenin de bilmeydi. Ózi ne bolyp ketti myna dýniye? Keshe ghana jayma-shuaq, jadyrap túr emes pe edi? Tosynnan soqqan qara dauylday jerding astan-kestenin shygharghanday.

Kózin júmyp, tereng tynystap aldy da, su súrady. Erini kezerip ketipti. «Uf» degende, ishinen ot shyghyp jatqanday. Basyn kóterip, sudy iship, jan-jaghyna qarasa, alysta túratyn tuystary osynda eken. Barlyghynyng da kózderi shýnireyip ketken.

— Balam, bolar is boldy, ózindi ústa. Ólgenning artynan ólmek joq, — dep anasy sóz bastady. — Endi qansha jerden kýtkeninmen, ol endi qaytyp kelmeydi. Jazmyshtan ozmysh joq.

— Joq, mýmkin emes! — Kózinen ystyq jasy aghyp jatyr, toqtar emes.

Búl qiyalymen ótken kýnderge oraldy. Kýieui kýndegidey erte túryp, shayyn iship boldy da, júmysqa shyghyp ketti. Ol ýilengeli óz әdetinen tanbay: «Janym, jaqsy qal ýide, men keshke kelemin», — dep qúshaqtap, betinen sýidi de úmytpaytyn.

«Ketti-au», — dep shay ornyn jinastyryp bastaghany sol edi, esik qayta ashyldy da, kýieui kýlip túr.

— Kelshi, taghy bir qúshaqtaghym kelip túr, — dedi tabaldyryqtan attap.

Búl da sol jaydary minezimen:

— Júmysynnan keshigesing ghoy, avtobusqa kesh qalsan, kólik shygha qoymaydy, — degenine qaramay, qúshaqtap túryp:

— Ómirimning mәni sensin. Seni... Seni... — dey bergen edi, ol sausaghymen ernin basyp:

— Boldy, kesh qalasyn, — dep esikti qayta ashyp, shygharyp saldy.

Qol búlghap, úzap ketkenshe kýtip túryp, ýy tirligine kirisken bolatyn. Sol aralyqta bir-eki saghattay uaqyt ótpey, telefon shyr etken.

Qúlaghyna estilgen dauysqa sener emes. Kóz aldy qarauytyp, dýnie dóngelep bara jatqanday, súlq týsti. Ah! Sodan keyingileri sanasynda saqtalmaghanday. Qansha úmtylsa da, esine týsire almady.

Kózin júmsa, kýieui: «Esikti ash, men kelip túrmyn!» — ne bolmasa: «Meni nege alyp ketpeysin, alyp ket, men múndamyn!» — degen beynesi múny úiyqtatpaydy.

Osylay jalghasqanyna ýshinshi kýn.

Marhúmdy asyghyp júmysqa bara jatyp, jolda kólik qaghyp ketken. Qaghyp ketkenning aghasy biylikting mayly jerinde isteydi eken. Marhúmnyng janashyr jaqyn tuysy joq, kelinshegining esin jiya almay jatqanyn paydalanyp, sol kýni týs aua jerletip tastaghan.

Shashyn júlyp: «Qabirin qayta ashtyram!» — degenin esh jan estimek týgili, qúlaghyna da qystyrmady.

Jylay-jylay úiyqtap ketken eken. Kýieuining qabirin asha almay, qatty qabyrghasyn tyrnap-tyrnap, býrisip jatqanyn kórip, shoshyp oyandy.

Núrlan Bәiimbetúly

Abai.kz