Almaty qalasynyng Almaly audandyq sotynda Sanjar Boqaev pen basqa da aiyptalushylargha qatysty qylmystyq is boyynsha sot otyrysy jalghasyp jatyr. Aqsha qarajatyn jymqyrugha qatysty epizodty qarau barysynda «QazTransGaz» AQ kәsipodaq úiymynyng qyzmetine jәne sharttar jasasu tәrtibine qatysty mәn-jaylar zertteldi.

Kezekti sot otyrysynda jәbirlenushi retinde tanylghan Múhtar Ámirhanov 2017-2018 jyldary «QazTransGaz» AQ Zang departamentinde zanger bolyp júmys istegenin aitty. Sol uaqytta ol kәsipodaq mýshesi bolyp, qoghamdyq negizde úiymgha qúqyqtyq qoldau kórsetip, kәsipodaq komiytetining hatshysy mindetin qatar atqarghan.

Onyng aituynsha, ol kәsipodaq komiytetining otyrystaryna tikeley qatysyp, kýn tәrtibin qalyptastyrghan, talqylanghan mәseleler men qabyldanghan sheshimderdi tirkep otyrghan.

Sot talqylauy barysynda Sanjar Boqaevtyng kәsipodaq qyzmetindegi róline jәne sharttardy jasasudyng mәn-jaylaryna erekshe nazar audaryldy.

Búl rette, Ámirhanov óz aighaqtarynda Sanjar Boqaevtyng «QazTransGaz» AQ kәsipodaq komiytetining jiyndaryna bas kompaniyanyng ókili retinde qatysqanyn, sonday-aq 2018 jyly «Batys Qytay – Batys Europa» baghyty boyynsha gaz motorly otynmen jýretin avtokólikterding halyqaralyq avtokeruenin úiymdastyru jәne ótkizu jónindegi sharttardy jasasugha bastamashy bolghanyn aitty. Sonymen qatar, jauap alu barysynda Ámirhanov Boqaevtyng merdiger retinde «BM Trust» jәne «We Can» JShS-laryn úsynghan boluy mýmkin ekenin rastady.

Ámirhanovtyng týsindiruinshe, shart jasasu turaly sheshimderdi kәsipodaq komiytetining mýsheleri dauys beru arqyly qabyldap, olar hattamalarmen rәsimdegen. Alayda hattamalar otyrystar ótkennen keyin de qol qoyylyp bekitilui mýmkin bolghan.

Onyng týsindiruinshe, sharttardy kelisuding mindetti jazbasha reglamenti bolmaghan, sonday-aq olardy qaraudyng naqty belgilengen merzimderi de kózdelmegen. Qújattardy zan, ekonomika jәne buhgalteriya qyzmetterining qosymsha tekseruinen ótkizudi mindetteytin talap bolmaghan.

Eske sala ketsek, Sanjar Boqaevqa Qylmystyq kodekting bes baby boyynsha aiyp taghylyp otyr: asa iri mólsherdegi alayaqtyq (190-bap), qylmystyq jolmen alynghan aqsha qarajatyn zandastyru (218-bap), úrlyq (188-bap), aghashtardy zansyz kesu (340-bap) jәne kórineu jalghan aqparat taratu (274-bap).

Atalghan is boyynsha ózge de aiyptalushylardyng qatarynda alayaqtyq jasady jәne qylmystyq jolmen alynghan kiristerdi zandastyrdy dep aiyptalghan onyng jiyeni Madiyar Qalmenov, sonday-aq úrlyq jasady, aghashtardy zansyz kesti jәne kórineu jalghan aqparat taratty dep aiyptalghan mobilograf Úlan Nýsipqoja bar.

Abai.kz