Býgin Boqaevqa qatysty qylmystyq is boyynsha ótken sot otyrysynda kuәger retinde «We Can» JShS diyrektory Júldyz Artyqbaeva jauap berdi. Ol óz sózin qarjylyq qújattarmen jәne tólem týbirtekterimen rastady.

Jauap alu barysynda onyng kompaniyasy halyqaralyq avtosherudi úiymdastyru boyynsha barlyq júmysty óz kýshimen atqarghany belgili boldy. Al shyn mәninde eshqanday júmys atqarmaghan ekinshi kompaniyanyng ondaghan million tenge alghany anyqtaldy (Boqaevtyng jiyenining atyna rәsimdelgen «BM Trust» JShS).

Artyqbaeva óz kompaniyasynyng qalay qúrylghany turaly da aityp berdi. «We Can» JShS qúrylghangha deyin Artyqbaeva «BM Trust» kompaniyasynda qyzmetker retinde tirkelgen. Ony búl kompaniyagha júmysqa ornalastyrghan – Boqaevtyng ózi. Alayda ol kompaniyanyng kensesinde birde-bir ret bolmaghan. Al 150 myng tenge kólemindegi jalaqysyn Boqaev oghan qolma-qol tólep otyrghan. Keyin «We Can» JShS-in tirkeytin mekenjaydy da Boqaevtyng ózi bergen. Ol Artyqbaevagha arnayy agenttik qúrudy tapsyryp, onyng maqsaty «QazTransGaz» kompaniyasynyng tenderlerine qatysu ekenin týsindirgen. Avtosheru boyynsha oryndalghan júmystar aktisin de eng sonynda Artyqbaeva Boqaevtyng jeke ózine aparyp tabystaghan.

Artyqbaevanyng aituynsha, Qorghastan Aqtóbege deyingi avtosherudi úiymdastyru ýshin onyng «We Can» JShS-men 38 million tengege kelisimshart jasalghan. Onyng esebinshe, búl qarajat barlyq shyghyndy óteuge әbden jetkilikti bolghan.

Prokuror kuәgerge «BM Trust» JShS-men 40 million tengeden astam somagha jasalghan ekinshi kelisimshartty kórsetken kezde Artyqbaeva búl qújatty alghash ret kórip túrghanyn mәlimdedi. Avtosheruding úiymdastyrghan dep kórsetilgen Madiyar Qalmenovting kompaniyasymen jasalghan qatarlas kelisimsharttyng bar ekenin ol bilmegen.

Kuәger barlyq aqsha audarymdary men týbirtekterdi úsyna otyryp, Qazaqstan aumaghyndaghy avtosherudi basynan ayaghyna deyin «We Can» JShS úiymdastyrghanyn tolyq dәleldep shyqty.

Ol ónirlik menedjerlerdi ózi jaldaghan, qonaqýilerdin, tamaqtanudyng jәne keytering qyzmetterining aqysyn tólegen (tipti qaghaz sýlgilerge deyin esepke alghan), avtosheruge qatysqan barlyq kólikti juyp, janarmay qúy shyghyndaryn da kótergen. Japsyrmalardyng dizaynyn ózi әzirlep, qatysushylargha arnalghan kiyim-keshekting (kýrteshe, shalbar, futbolka, kepka, tipti krossovkagha deyin) barlyghyn tapsyryspen tiktirip, aqysyn ózi tólegen.

Sonday-aq, Artyqbaeva qajetti apparaturany jalgha alghan, audarmashylar jaldaghan, su men temekige deyin tolyq qamtamasyz etip, Reseyden Almatygha tehnikany qaytaru shyghyndaryn ótegen. Búghan qosa, qatysushylardyng aty jazylghan aghashtar otyrghyzu jónindegi ekologiyalyq aksiyany da tolyq úiymdastyrghan.

Joba ayaqtalghannan keyin ol óz qarajatyna Astanada «QazTransGaz» basshylyghyna arnap alghys retinde dastarqan da úiymdastyrghan. Is-sharany minsiz ótkizgeni ýshin oghan Resey men Qytaydan kelgen qatysushylardyng ózi jeke alghys bildirgen.

Kuәger barlyq shyghyndy óz qarajatynan ótep otyrghanyna erekshe toqtalyp, tipti avtosheruge qatysushylargha, sonyng ishinde Boqaevtyng jiyenine de viza alu ýshin konsuldyq alymdargha deyin tólegenin aitty.

Artyqbaevanyng aituynsha, Madiyar Qalmenov pen Janbolat Maratov avtosheruding úiymdastyrushylary emes, onyng qatysushylary bolghan. Onyng ýstine, «BM Trust» kompaniyasynyng smetasynda kórsetilgen is-sharalardyng jartysyn Artyqbaevanyng ózi «We Can» JShS arqyly ótkizgen, al qalghan jartysy mýlde jýzege asyrylmaghan.

Sot otyrysynda Boqaevtyng búghan deyingi mәlimdemelerine tikeley qayshy keletin eki jaytqa erekshe nazar audaryldy:

– Búghan deyin Boqaev «BM Trust» jedel jәrdem kólikterin jaldaugha qomaqty qarajat júmsaghanyn mәlimdegen bolatyn. Artyqbaeva búl uәjdi qújattarmen joqqa shyghardy: jedel jәrdem qyzmetin tek ózi ghana jaldap, onyng aqysyn da ózi tólegen.

– Búghan deyin Boqaev qolma-qol aqshagha ainaldyrylghan 12,3 million tengeni avtosheru turaly derekti filim týsiru ýshin ózge merdiger – Jarmúhamed Súltanovtan alghanyn algha tartqan. Alayda Artyqbaeva ýzildi-kesildi eshqanday derekti filimning týsirilmegenin mәlimdedi. Onyng aituynsha, ol tek ýsh qysqa beynerolikke tapsyrys berip, aqysyn tólegen.

Artyqbaevanyng sózinshe, «BM Trust» kompaniyasy jalghan kelisimshart boyynsha 47 million tenge alghanyna qaramastan, Madiyar Qalmenov avtosherudi úiymdastyrugha mýlde kómektespegen jәne bir de bir tiyn shygharmaghan.

Onyng ýstine, Artyqbaeva óz kompaniyasynyng budjetinen qazaqstandyq avtosheruding Qytay aumaghyndaghy shyghyndary ýshin «We Can» JShS diyrektory Qalmenovke million tengeden sәl asatyn aqshany qaytarugha mәjbýr bolghan. Atap aitqanda, ol aqshany Qalmenovting bank kartasyna audarghan. Ol jobanyng Resey aumaghyndaghy bóligine, yaghny qazaqstandyq delegasiyanyng túruyna ketken shyghyndardy da dәl osylay ótegen. Búl joly ol aqshany Boqaevtyng búrynghy baghynyshty qyzmetkeri Janbolat Maratovqa jibergen. Búghan deyin Maratov Boqaevtyng núsqauymen «BM Trust» kompaniyasyn Qalmenovting atyna qayta rәsimdegen. Búl aqshany da ol Boqaevtyng tikeley núsqauymen audaryp otyrghan. Al kuәgerding ózi «BM Trust» kompaniyasynan bir tiyn da almaghan.

Avtosherudi úiymdastyrudan bólek, Artyqbaeva Boqaevtyng ózge de qarjylyq shemalaryn әshkereledi. Búl shemalarda ol aqsha audarymdaryn ótkizuge arnalghan deldal retinde paydalanylghan.

Boqaev odan ózining «Art romance» jihaz kompaniyasyna tiyesili tólemderdi jeke bank kartasyna qabyldaudy súraghan. Osylaysha Artyqbaevanyng kartasyna 9 million tengeden astam qarajat týsken. Ol búl aqshany sol kýni nemese kelesi kýni qolma-qol aqshagha ainaldyryp, Boqaevqa tabystap otyrghan.

«QazTransGaz» basshysynyng búrynghy kenesshisining tikeley núsqauymen Artyqbaeva Boqaevtyng anasyna tiyesili «Kun-Arai» kompaniyasyna әldebir aqparattyq stendter ýshin degen jeleumen aqsha audaryp otyrghan.

Búdan bólek, avtosheru ayaqtalghannan keyin Boqaev oghan «BM Trust» shotynan 1,5 million tenge audaryp, búl qarajatty qolma-qol aqshagha ainaldyrudy ótingen. Artyqbaeva onyng ótinishin oryndap, aqshany ózine qolma-qol bergen.

Kuәger kelisimshartqa qol qoyghan kezde eshqanday smetany kórmegenin rastady. Ol milliondaghan tengelik jobany tolyghymen óz betinshe jýzege asyryp, kýtpegen shyghyndardy da óz qaltasynan ótegen. Al ekinshi kompaniya dәl osynday kólemdegi budjetti eshqanday naqty júmys atqarmay-aq iygergen.

Artyqbaevanyng aighaqtary Boqaevtyng advokattaryna auyr bolghany sonshalyq olar birden súraq qonggha dayyn bolmay, sudiyadan ýzilis súraugha mәjbýr boldy.

Mәjbýrli ýzilisten keyin Boqaevtyng advokattary әbden abdyrap qalghany bayqaldy. Artyqbaeva úsynghan qújattar men naqty derekter qorghau strategiyasyn tolyghymen joqqa shygharghanyn týsingen advokattar salmaqty uәj keltire almady. Onyng ornyna mardymsyz súraqtar qongmen shekteldi. Tipti kuәgerden Shymkenttegi meyramhanalardyng birinde júmys istegen administratordyng esimin esine týsirudi shyndap talap etuge deyin bardy.

Abai.kz