Abu-Dabiyde eki kýn jýrip ýsh tarap - AQSh, Ukraina men Resey «auqymdy tútqyn almasu» jasasatyn bolyp qaytqan. «Ózge mәselelerdi ashyp aita almaymyz, biraq manyzdy taqyryptar talqylandy», - dep tarasqan.

Sonan ile-shala Uitkoff pen Kushner Mәskeuge attanghan. Áueli Putinmen, onan song Zelenskiymen jýzbe-jýz sóilesetini aitylghan.

Keshe Mәskeude AQSh ókilderi 1,5-2 saghat Putinmen sóilesti de, eshqayda búrylmastan Dublinge úshyp ketti. Zelenskiy sonda jýr…

Uitkofftyng bar aitqany:

- Ukraina boyynsha kelissózderding kelesi raundyna Europa da qatysady. Býgin búl mәsele boyynsha sheshim taptyq, - boldy.

Búghan deyin Ukrainadaghy soghysty beybit retteu boyynsha kelissózderge Europannyng qatysuyna Resey ýzildi-kesildi qarsy bolyp kelgen.

Al Putin ne dedi, Kremli qanday talap qoyghanyn Reseybasynyng bas kenesshisi Yuriy Ushakov aitty.

Ushakov aitady: AQSh-pen Resey talqylap jatqan «Europanyng jana qauipsizdik arhiytekturasy» mәselesinde Resey talaby - NATO-ny 1997 jylghy qalpyna qaytaru!

Búl mәsele Mәskeude, Kremlide Aq ýiding arnayy ókilderi Kushner-Uitkoff tandemi Putinmen jolyqqanda da talqylanghan.

Putinning talaby, sәikesinshe Mәskeuding qalauy - NATO-ny odan әri keneytpeu turaly talap. Al 1997 jyldan keyin blokqa kirgen elder aumaghyna alyanstyng ózge mýshelerinen әskery kontingent, әskery kýsh ornalastyrmau.

Jәnesi taghy bar - alyanstan tys postkenestik memlekettermen, sonyng ishinde astyn syzyp túryp Ukrainamen әskery yntymaqtastyqty shekteu!

Sonday-aq, «Resey — NATO» aktisine qol qoyylghan sәttegi alyans kýshterining konfigurasiyasyna qaytyp oralu talaby da aityldy. Al búl qújatqa 1997 jyly qol qoyylghan eken.

Yaghni, Putin NATO-nyng 1997 jylghy shekaralaryna qayta oraluyn talap etip otyr. Al ol kezde Shyghys Europa elderi әli NATO qúramyna kirmegen edi.

Qaperlerinizge salsaq, 1997 jyldan beri NATO qúramyna baqanday 16 memleket qosylghan. Olar:

1999 jyly - Vengriya, Polisha, Chehiya;

2004 jyly - Bolgariya, Latviya, Litva, Rumyniya, Slovakiya, Sloveniya, Estoniya;

2009 jyly - Albaniya men Horvatiya;

2017 jyly - Qaratau (Montonegro);

2020 jyly - Soltýstik Makedoniya;

2023 jyly - Finlyandiya;

2024 jyly - Shvesiya kirdi.

Putin endi osy elderdi NATO-dan tys qaldyrudy talap etip, «ne shyqsyn, ne alyanspen baylanyssyz qalsyn», - dep otyr…

Sonymen qatar, Putin osy joly basqa da mәselelerdi ortagha qoyghan. Biraq, Ushakov ol jayly ýnsiz qapty…

Núrgeldi Ábdighaniyúly

Abai.kz