Qoghamda «Qazbat» atymen tanylghan Bitimgerler bataliony – Qazaqstan Qaruly kýshterining bitimgershilik kýshi BÚÚ missiyasyn atqarushy, elimizding eng tandauly әskery kýshi sanalatyn qúrama.  Búl jәy ghana qatardaghy qúrama emes. Onyng qyzmeti әskery qauipsizdikti, halyqaralyq diplomatiyany jәne elimizding syrtqy sayasatyn jýzege asyrumen jalghasady.

Onyng qúrylu tarihy 2000 jylgha tireledi. Al Qazbat BÚÚ atynan eng alghash ret 2003 jyly Iraktaghy әskery operasiyalargha qatysuymen tanyldy. Odan keyin bizding sarbazdarymyz 2014 jylghy BÚÚ jýrgizgen operasiyalargha qatysty.

Qazbat ne ýshin qúryldy?

Onyng qúryluyna (21 qantar 2000 j.) mynaday faktorlar yqpal etti:

1. Tәuelsiz memleket retinde Qazaqstannyng óz bedelin arttyru;
2. Álemde qauipsizdik pen beybitshilikti saqtau turaly BÚÚ Halyqaralyq missiyasyna qatysu;
3. Sol arqyly әskery damudy әlemdik standarttargha, jana tehnologiyalargha sәikestendiru;
4. Álemmen diplomatiyalyq jolmen qatar әskery tәjiriybe almasu baghytynda qatynastar ornatu.

Búl jerde NATO‑nyng «Beybitshilik ýshin kýsh biriktiru» baghdarlamasy da manyzdy roli atqarghanyn atap ótuimiz qajet.

Sóitip, «Qazbattyn» qúryluy tәuelsiz memleket retindegi Qazaqstannyng әskery saladaghy eng al,ashqy qadamdarynyng biri bolyp sanalady.

Osy uaqytqa deyin «Qazbat» qanday әskery operasiyalargha qatysty?

«Qazbat» eng alghashqy әskery tәjiriybesin Irak memleketinde bastady. 2003 jyly halyqaralyq túraqtylyq injener‑saperlyq kýshterining qatarynda  qazaqstandyq әskeriyler Iraktaghy operasiyalargha qatysty. Ol missiya 2008 jylgha deyin jalghasty. Osy uaqytta elimizding 290 sarbazy osy tәjiriybeden ótti. Qauipti missiyany oidaghyday atqardy.

Onda olar:

• Mminalardy zalalsyzdandyrdy;
• Auyz su kózderin uly zattardan tazalady;
• Irak әskeriylerin saperlyq júmysqa ýiretti;
• Jergilikti túrghyndargha medisinalyq jәrdem etti.

Qorghanys ministrligining deregi boyynsha, osy uaqytta bizding sarbazdar tórt millionnan astam jarylghysh zattardy zalalsyzdandyrdy, jeti million kub metrge teng suda tazartty, bes mynnan astam adamgha medisinalyq kómek kórsetti.

Alayda, qasiretke oray, beybitshilik missiya da qúrbandyqsyz bolmaydy eken – 2005 jyldyng 5‑qantarynda Irakta qazaqstandyq ofiyser Qayrat Qúdabaev óz missiyasyn atqaru barysynda erlikpen qaza tapty. Onyng aty‑jóni Qazaqstannyng Qaruly Kýshteri tarihyna mәngilikke jazyldy.

Elimizding beybit ómir sýrui ýshin elimizden tysqary jaqta qyzmette jýrgen QAZBAT sarbazdary әli de aldynghy shepte!  Saptaryng týzu bolsyn deymiz olargha.

Abai.kz