Qadirli dos-bauyr, agha-әpke, ini-qaryndastar!

Mening túnghysh kitabym 2008 jyly oqyrmangha jol tartqan bolatyn. Sodan beri attay 6 jyl ótipti. Bir jas balanyng dýniyege kelip, túsauy kesilip, tili shyghyp, mektepke baratyn uaqyt. 6 jyl aidarynan jel esip, zymyrap óte shyghypty.

Al, sol jyldar boyy men ne istep, ne qoyghanymdy ózim de bilmeymin. Kýndelikti óleng jazdym dep te aita almaymyn. Sebebi, óleng degen kirpiyaz qonaq keyde aptalap, keyde tipti ailap izin salmay ketedi.

Degenmen, keyingi 6 jylda biraz dýnie qaghaz betine týsipti. Amandyq bergen Asa meyirimdi Allama tәuba, óleng jazdyrghan taghdyryma rahmet! Sol ólenderding birshamasy ghalamtorda jariyalansa, birshamasy jazylghan jerinde óz kezegin kýtip jatty.

Adam asyqqanmen, Alla asyqpaydy ghoy! Talay ret kitap shygharugha oqtalyp edim, reti kelmedi. Sóitsem onyng ózindik sebebi bar eken. Bylay boldy.

Osydan eki jyl búryn jauyndy-shashyndy Astananyng bir keshinde ini-dos, asa talantty aqyn bauyrym Erlan Jýnis ekeumizding sanamyzgha egiz kitap shygharu turaly iydeya kelgen edi. Odan keyin әlgi iydeyamyz qayda ketkeni belgisiz, ýshti kýili joghalyp ketken bolatyn.

Kýnderding kýninde «pәter qojayynyna ne dep jauap beremiz, bankterden toqtausyz habarlasatyn búlbúl ýndi menedjerlerden qalay qútylsaq bolady...» dep aqyldasyp túrghanymyzda әlgi ainalyp keteyin ghana iydeyamyz Aspan astyn jap-jaryq qyp, shúghylalana qayta kele qalghany!))

Onsyz da maghynasyz bop bara jatqan ómirding týnegin qaq jaryp ótken búl ótkir sәuleni endi eshqayda jibermeuge bel budyq. Sodan mine, otyrmyz kitapty shygharyp ap))). Onyng ózin qaryzgha))) Basqa qanday amalymyz bar edi dep qoyamyz taghy da)). Al, ol ras.

Kitapty tanystyrugha kósheyin. Búl kitaptyng bir ereksheligi - oqyrman bir ghana avtordy oqymaydy. Bir kitaptyng ishinde eki avtordyng jyrlaryna birden qol jetkize alady!

Búl jinaqtan Siz, ómirding ashysy men túshysyn, keyde tәtti sәtterin de birge kórgen eki dostyn, eki ruhany jaqyn adamdardyng jan arpalysyn, quanyshy men múnyn, jenisi men jenilisin, armany men ýmitin tabasyz.

Búl kitaptyng formaty – «twinbook» (búl iydeya da bonus retinde Kókten týsken bolatyn). Yaghny «egiz kitap». Egiz jannyng elge úsynghan eki bólek әlemi.

Sol sebepten sizderdi, qadirli oqyrman, qazaq әdebiyetinde túnghysh ret twinbook formatynda shyghyp otyrghan «Gharshy» jәne «Ghausar» atty kitaptyng túsaukeserine shaqyramyz!

«Ghausardyn» avtory – Erlan Jýnis, «Gharshynyn» avtory – paqyrlarynyz.

Kitaptyng túsaukeser rәsimi 26 sәuir kýni, QR Últtyq akademiyalyq kitaphanasynda, saghat 15.00 de bastalady.

Osy rette әr talantty, talapty jasqa esigi ýnemi ashyq kitaphananyng aqjarqyn újymyna, onyng ishinde qazaqtyng úly jazushysy, Altayday Ór qalamger Oraghannyng tughan qaryndasy, jastargha qamqor apayymyz Ghaliya Bókeyqyzyna erekshe alghysymyzdy bildiremiz.

Búl qyzyqty túsaukeserde sizder ýshin әnderi tek poeziyagha (әn sózi emes!) jazylghan talantty akter, kompozitorlarynyz Qadyrghaly Kóbentay men әnshi-gitarist bauyrlarynyz Ershat Qayyrhan ónerin kórsetpek.

Qadirli aghayyn!

Býgin qazaqty kitap oqymaydy dep jazghyratyndar kóp. Mýlde olay emes ekenin siz de men de bilemin! Ár qazaqtyng ýiinde, eng qúryghanda bir qabyrghasy kitapqa arnalady. Bizding de kishigirim enbegimiz sizderding shanyraqtarynyzda túrsa dep armandaymyz!

Qos kitaptyng baghasy – 2 500 tenge. Satyp alam deushiler kitapty túsaukeserde ala alady. Kýtemiz!

Osy habarlandyrudy bólisken adamgha Alla razy bolsyn!

Qúrmetpen
Aqberen Elgezek

Qymbatty zamandastar!

Áueli, Halyqaralyq Kitap jәne avtorlyq qúqyq kýnimen barlyghynyzdy shyn jýrekten qúttyqtaymyn!

Ekinshi, shyn mәnindegi «kitapty – dos – ómir dosy» dep biletin shynayy oqyrmandardy jana kitaptyng jaryq kóruimen qúttyqtaymyn!

Búl ózi qiyn әri qyzyqty oqigha boldy! )))

Mening agha-dosym, óte talantty aqyn Aqberen Elgezek ekeuimiz tanghy armandar men ýmitter biyik ghimarattardyng ýstinen batyl úshatyn zamandarda armandap edik: «shirkin, ekeuimiz bir kitap shygharsaq» dep. «Ol erekshe kitap bolsa» dep. Sodan beri eki jyl ótipti.

Birde Astanada...

Yaghny osydan on kýn búryn...

Ekeuimizding de ómirimizdegi tym úzaqqa sozylghan júmyssyzdyq dәuirining ishki qúlazuyn, bank operatorlarynyng shekteusiz birligi men ýy qojayyndary esepshotynyng úzaq sifrlaryn jaryp-búzyp ótip, dýniyege ghajayyp әri aqymaqtau ( ))) ) oy keldi.

Ol oy Haziret Súltan meshiti men Piramidanyng ortasynda biraz qalyqtap jýrip, aqyry qonar túsyn da tapty.

Ekeuimiz «Twinbook» formatynda (úghymdy ózimiz oilap taptyq)) ) «Gharshy» jәne «Ghausar» atty kitap shyghardyq. Qaryzdandyq-qaughalandyq. Sebebi, búl kitap Sizderding estetikalyq sezimderinizge degen qúrmetimizdi shyn bildirse dedik. Búl kitaptyng ishinde – búrynghy tórt kitabymyzdan iriktelgen jәne tym jana kóóóp ólender bar. Ekeuimizdin.

Asa meyirimdi, erekshe qamqor Alla búiyrtsa, 26-shy sәuir kýni, saghat 15.00-de QR Últtyq akademiyalyq kitaphanasynda «Gharshy» men «Ghausardyn» túsaukeser rәsimi bolady.

Búl ýshin – Ór Altaydyng Kerbúghysy – Oralhan aghamyzdyng qaryndasy, asa ayauly apayymyz – Ghaliya Bókeyqyzyna rizashylyghymyzdy bildire ketsek, artyq bolmas.

Búl rәsimde akter, kompozitor Qadyrghaly Kóbentay jәne әnshi, gitarist Ershat Qayyrhan jýikening emes, jýrek talshyqtaryn ýzildirip baryp, qayta jalghaytynyna senimdimiz.

Kelinizder! Kýtemiz!

P.S. Kitap satylady. Baghasy: 2500 tenge.

Qúrmetpen     Erlan Jýnis

Abay-aqparat