Surette: Túrsynbek Ómirzaqov, deputat

Osy «Arnauly ekonomikalyq zonalar (AEZ) qúramyz, olar eng jana tehnologiyalardy paydalanyp, jogharyónimdi, bәsekelestikke qabiletti tauarlar óndiretin bolady. Ol jerlerge investisiya qúidyng jenil joldary qarastyrylady, júmys oryndary kóbeyedi t.s.s.» degen әngimeler kóp aityldy. Tipti, 10 AEZ qúryldy, olardy әli de kóbeytemiz degen sózder de shyqty. BAQ olardy barynsha nasihattady. Sheneunikter shirenip túryp, qúryp jatyrmyz, qiratyp jatyrmyz, erteng qatyramyz dep talay maqtandy. Qazir sol ne boldy?

«Aydaghanyng bes eshki, ysqyryghyng jer jarady» degendey sol AEZ-der siyrqúiymshaqtanyp baryp, joghalghan tәrizdi. Áriyne, jәy joghalyp qoyghan joq, osy baghdarlamagha bólingen ókimetting bәlenbay milliard tengesin jútyp baryp joghalghan boluy kerek.

Ókimetting úmytyla bastaghan osynday baghdarlamalaryn Mәjilis deputaty Túrsynbek Ómirzaqov (surette) qana jalghyz joqtap jýredi. Palatanyng songhy plenarlyq otyrysynda ol Premier-Ministr K.Mәsimovke saual joldap, osy AEZ-der jәiin súrady. Olargha bólingen qarajattyng qanshalyqty aqtalghanyn bilgisi keletinin aita kelip, deputat júmys jýrmey jatsa qanday kedergilerding baryn jәne sony enseru ýshin qanday josparlar jasalyp jatyr degen sekildi saualdar qoydy. Býginge deyin investisiya tartu, arnauly ekonomikalyq zonalardy damytu jәne olardyng eksportyn yntalandyru jónindegi 2010-2014 jyldargha arnalghan baghdarlama әli kýshinde. Oghan qajetti qarajat budjette qarastyrylghan. Alayda Esep komiytetining 2012 jylghy (odan janasy bolmaghany ghoy) tekseruine qaraghanda, AEZ júmysynyng tiyimdiligi shamaly ekendigi anyqtalypty. Tipti AEZ-ge berilgen kóptegen aimaqtarda osy baghdarlamany iske asyrudy kózdep tirkelgender barlyq janadan tirkelgen kәsiporyndardyng 10-aq payyzyn qúrapty. Sonda budjette qarastyrylghan qarajatty kim iygermekshi bolghan ózi? Byltyrghy jylghy qazan aiynda Elbasy ózining sózinde AEZ júmysyn qatty synaghan edi. Sonyng ishinde Memleket Basshysy 30-gha juyq jobany iske asyramyz degen Atyrau oblysyndaghy AEZ sonyng ýsheuin ghana iske asyrghanyn, al Almaty, Pavlodar oblystaryndaghy AEZ-der tipti birde-bir jobany iske asyra almaghanyn aitty, dey kelip deputat T.Ómirzaqov: endi sol tiyimsiz AEZ-der joyyla ma? Qalghandarynyng jaqsy júmys isteui ýshin qajetti zang jobalary әzirlene me? Júmys istegen AEZ-der ne júmystar tyndyrdy, qanday jobalardy iske asyrdy, olardan memlekettik budjetke qansha salyq týsti degen tәrizdi súraqtardy qoydy.

Ay, osy súraqtargha jauap bere alar ma eken, ókimet. Kóp bolsa bir syrghytpa jauap jaza salatyn shyghar, qaghaz degen jaryqtyq bәrin de kótere beredi ghoy.

Jaqsylyq QUANDYQ, jurnalist