Qay elding baspasózi myqty bolsa, sol elding ózi de myqty.

Mirjaqyp

Búl naqyldy dәleldeuding keregi shamaly, odan әri órbituge bolar. Baspasóz - últtyng sayasy әleueti men dengeyin kórsetetin indikator. Qazaq baspasózining ghúmyrbayany «Týrkistan  ualayatynyn  gazetinen” (1870-1882) (“ Dala  ualayatynyn  gazeti ” (1888-1902) , “ Serke ” (1907) , “ Birlik  tuy ” (1917) , “ Qazaq  gazeti ” (1907), “Dala” (jyly  belgisiz ) , “ Qazaqstan ” (1911-1913) , “Eshim  dalasy ” (1913) , “ Qazaq ” (1913-1918) , “ Ayqap ” (1911-1915) , “ Alash ” (1916-1917) , “ Saryarqa ” (1917) , “ Úran ” (1917), “ Ýsh  jýz ” (1917) , “ Tirshilik ” (1917) ) bastastalsa da, últtyng sayasy talpynysy men talaby 1907 jyldyn  kókteminde jaryq kóre bastaghan “Qazaq” men “Serke” atty beyresmy sózjariyalardan kórinis tapty. Osy nasiqat kózderi últtyng etek-jenin jyiugha, esin kirgizuge, sanasyn marqaytugha septik etip, «qyrghyz» atty janama ataudan tarihy bolmysy men taghdyry jazylghan «Qazaq» aty qaytaryldy. Osylar «Alash» úrany jalpyqazaqtyq sayasy qúrylym retinde memlekettik alghyshart bolyp týziluining basy boldy.

Býgin 5-ke tolyp otyrghan «Abai.kz» te - últ tarihyndaghy kezekti belesting kórinisi, býgingi qazaqy sayasy sananyng indikatory. «Abai.kz» portalynyng ómirge keluimen birge qazaqtildi orta virtual kenisten óz dauysyn tanyp, óz ýnin erkin bildiretin saymangha ie boldy. Qazaq oqyrmanynyng dәuirge layyq jana legi qalyptasty. Uaqyt talabynan qalghysy kelmeytin qazaqtyng minezine say iykemdi de qolayly mol mýmkindik bastaldy. Osy portalmen birge últtyng joq-jitigin eshkimdi alalamastan alashtyng ózine joqtatu әreketi jana ghasyrda jýzege asuda. Qazaqtyng jana kózqarasy men jabaghyday úiysqan qasang payymy jýz shayyssa da, alashtyng paydasyna qyzmet etuge mәjbýrlenude.

Sayt oqyrmany eseydi. Esirik te jauapsyz, doly ýnder tyiyldy. Qazaqtyng oily sózderi men arly ýni eshkimning týzetuinsiz, aqylynsyz,birjaqty emes, eki tarappen shektelmeytin,aluan kózqarasqa toly talay pikir, әrkimning ishki senzoryna baghynghan materialdar erkin taralatynday ýlgi kórsetilip keledi.

Bar qazaq әr qazaqtyng múnymen múndas, ýnimen ýndes bolatynday, aduyn әr qadamgha abaylap qarap, anyq basugha týrtki bolar búl jariya qúraldyng aty - «Abai.kz»!

Inshalla, HH ghasyrda alashtyng óz aty men memleketining oraluy  «Qazaq» pen «Serke» gazetterinen bastalghan. «Abai.kz»  ýshin qazaq tәuelsizdigi Abay dittegendey әr qazaqtyng sapaly bolmysy maqsat bolumen birge jetetin nәtiyjege ainalghay!

Tәnir jarylqap, qazaqtyng Mәngi el bolu ýderisi «Abai.kz»  saytynan kórinis taba bergey!

Sayt avtory әri oqyrmany – Serik Erghaliy