El tәuelsizdigin qorghaugha barshamyz atsalysayyq!

Qadirli Otandastar!

“Eldigimizding erteni ne bolmaq? San ghasyrlar boyy ansaghan, ata-babamyzdyng armanyna ainalghan Tәuelsizdikti saqtay alamyz ba?” degen mәsele tótesinen qoyylghan kezenge tap boldyq. Halqynyng sany Qazaqstannan ýsh ese ýlken Ukrainanyng Qyrymyn Resey ýsh aptada tartyp alghanyn kórgende “bizding taghdyrymyz qanday bolar eken?” dep oilanbaghan sanaly azamat joq shyghar, sirә. “Qoryqqangha qos kórinedi” deydi qazaq, sondyqtan, әriyne, óz-ózimizdi ýrkitip, ýrey­lendirip, shoshytudyng qajeti az, biraq, “saqtansan, Qúday da saqtaydy” degen sóz taghy bar. Demek, saqtanuy­myz, qorghanuymyz, oilanyp, bolyp jatqan jayttardy sarapqa salyp, ertengi kýnimizge, memleket­ting bolashaghyna zer salyp qaraghanymyz abzal. Al eger aqylymyz, kóregendigimiz bolsa, onda, eng birinshi kezekte, Kremli­ding imperiyalyq ambisiyasynan tuyndaghan Euraziyalyq ekonomikalyq odaqqa qosyludan bas tartuymyz kerek!
Halyqtyng arasynda “Ke­dendik odaq – kesirli odaq” degen sóz bar. Mine, sol “kesirli odaqtan” song Euraziya­lyq odaq dep atalatyn tәuelsizdikke qaterli “keri ketken odaqqa” qosyludyng ne qajeti bar?! Onyng ýstine, әli kýnge deyin “Euraziyalyq ekonomikalyq odaqqa qanday sharttarmen kiremiz? Búdan ne útamyz, neden útylamyz? Tәuelsizdikke qater tóne me, tónbey me?” degen saualdardyng birde-bireuine jauap berilgen joq! Euraziyalyq ekonomikalyq odaq qújattary halyqtyn, qalyng kópshilikting talqysyna da salynbady! Ne sebepti jabyq, jasyryn, qú­piya týrde ústap otyr búl qújattardy?
Eger tәuelsizdikten aiyrylsaq, búl tarih pen úrpaq aldynda keshirilmes kýnә bolatyny dausyz. Babalarymyz shym-shytyryq, qily zamanda qasyq qany qalghansha eldi­gimizdi, tәuelsizdigimizdi, je­rimizdi, memleketimizdi qorghap keldi, ony bizge saqtady. Al biz el aman, júrt tynyshta, halyqaralyq zannamalar jú­mys isteytin órkeniyetti zamanda tәuelsizdigimizdi óz qolymyzdan bergenimiz – baryp túrghan qasiret bolmay ma! Osy sebepti, biz, Qazaq elining ziyaly qauym ókilderi men qogham qayratkerleri Euraziyalyq ekonomikalyq odaqqa kiruden bas tartudy talap etemiz!
Kremliding integrasiyalyq jobalary turaly búghan deyin de talay sayasatkerler, sayasattanushylar, qogham qayrat­kerleri, jurnalister, qatardaghy azamattar kóp aitty, onyng qateri turaly talay dәlel-dәiekter keltirildi. Qoghamda “búl odaqqa qarsy narazylyq tanytayyq!” degen pikirler de aitylyp jatyr. Onyng barlyghyn da estip, bilip otyrmyz. Osynday ýndeuler­ding ishinde shoqtyghy biyik bolyp kórinip túrghany – 12 sәuir kýni Almatyda ótetin Antieuraziya­lyq forum. Úiymdastyrushy azamattardyng aituynsha, búl forumgha qazaqtyng aldynghy qatarly oishyldary, sayasat­kerleri, ekonomisteri, sayasattanushylary, qayratker­leri men patriot azamattary jinalmaq eken. Kedendik odaqqa kiru qaupinde túrghan Qyrghyzstan men osy úiymgha bizben birge kirgen Belorussiya ókilderi de kelmek eken. Biz múnday keleli, manyzdy әri óte qajetti jiyngha óz qoldauymyzdy bildiremiz! Antieuraziyalyq forumgha ózimizding qatysatynymyzdy mәlimdey­miz jәne oghan sizderdi de shaqyramyz!
Búl jiynda qogham qayrat­kerleri ózining biyik intellek­tual­dyq dengeyin, bilgirligin kórsetedi dep senemiz. Eng bas­tysy, qazaqtyng basyna kiygizilgeli túrghan qamyttan qalay qútylamyz degen saualdyng jauabyn birge tabamyz ba degen ýmit zor. Ári qaray ne isteymiz, tәuelsizdikti saqtau ýshin qanday qadamdargha baramyz degen mәsele tó­nireginde de oilansaq eken, qúrmetti aghayyn.

Qabdesh Júmadilov,
Temirhan Medetbek,
Sofy Smataev,
Jasaral Quanyshәliyn,
Baqtiyar Albaniy,
Ermúrat Bapiy,
Jarylqap Qalybay,
Erbol Júmaghúlov,
Marianna Gurina.

Úiymdastyrushylardan: Antieuraziyalyq forum 12 sәuir kýni saghat 11:00-de Almaty qalasy, Qazjol qonaqýiining konferensiya zalynda (Gogoli men Seyfullin kóshelerining qiylysy) bastalady.

 ABAI.KZ