Sәrsenbi, 30 Qyrkýyek 2020
COVID-19 QAZAQSTANDA. Júqtyrghandar — 107908. Jazylghandar — 102874. Qaytys bolghandar — 1725
Biylik 4064 0 pikir 28 Nauryz, 2014 saghat 18:13

NÚRSÚLTAN NAZARBAEV: ÁLEM BIZDIN IZGILIGIMIZDI SYILAYDY

Memleket basshysy Núrsúltan Nazarbaev Gaagadaghy ýshinshi jahandyq yadrolyq qauipsizdik sammiytinde Batystyn Reseyge qatysty sanksiyalarynan Qazaqstannyn zardap shekpeytinin mәlimdedi. Sonday-aq, Elbasy elimizdin kópvektorlyq sayasatyn odan әri jalghastyryp, Gaagadaghyday sammitti Qazaqstanda da ótkizuge kýsh-jigerin salatynyn jetkizdi.
Álemdik sammittin biz ýshin tabysty bolghany, Qazaqstan Preziydentinin jahandyq dengeydegi ómirshen bastamalary birauyzdan qoldap tapty. Osyny tarqatyp kórelik. Atap aytsaq, Núrsúltan Nazarbaev sammit barysynda «Ýlken jetiliktin» barlyq elderinin basshylarymen kezdesip, kelissózder jýrgizdi. Solardyn biri – AQSh preziydenti Barak Obamen aradaghy jarqyn jýzdesui. Eki eldin preziydentteri eki jaqty sauda-ekonomikalyq qarym-qatynastardy odan әri damytu mәselelerin keninen talqylady. Núrsúltan Nazarbaev amerikalyq kompaniyalardyn elimizdegi industrialdyq-innovasiyalyq damu baghdarlamasyna belsenip aralasuyna mýddeli bolyp otyrghanymyzdy mәlim etti. Barak Obama Qazaqstannyn yadrolyq qarusyzdanu ýderisine aytarlyqtay ýles qosqanyn, bizdin elimizdin búl baghytta basqa memleketterge ýlgi kórsetip otyrghanyn atap aytty. Sonday-aq, ol Aughanstandaghy jaghdaydy túraqtandyru ýshin Qazaqstannyn kórsetken kómegine alghysyn jetkizdi.
Jýzdesudin ýlken jetistigi – eki el basshylary yadrolyq qarudy taratpau jәne qauipsizdikti nyghaytu salasyndaghy yntymaqtastyq turaly birlesken mәlimdeme qabyldady. Búl qújatta Qazaqstan men AQSh-tyn qauipsizdikti birlesip bәsendetu jónindegi baghdarlamanyn tabysty iske asyryluyn quattaytyny jazylghan. Sonday-aq, eki el búrynghy Semey synaq poligonyndaghy naqty qauipsizdikti nyghaytu baghytyndaghy júmystaryn jalghastyra bermek. En bastysy, biz zertteu reaktorlarynan qalghan joghary bayytylghan uran qorlaryn mýmkindiginshe tolyq joyuda amerikalyqtarmen birlesip әreket etemiz. Resmiy týrde jariya bolghanynday, qos tarap joghary bayytylghan otynmen júmys isteytin reaktorlardy az bayytylghan otyngha qayta jabdyqtaugha da birlesip kirisedi. AQSh Qazaqstannyn VVR-K (su qaynatatyn reaktor) zertteu reaktoryn az bayytylghan otyngha auystyru, joghary bayytylghan yadrolyq materialdy súyyltu jәne Yadrolyq fizika institutynyn reaktory paydalanghan joghary bayytylghan otyndy el aumaghynan shygharu siyaqty is-әreketterin qoldaytynyn mәlimdedi. Sonymen qatar, Qúrama shtattar Qazaqstannyn óz aumaghynda MAGATE-nin az bayytylghan uran bankin ornalastyru jәne yadrolyq qauipsizdik jónindegi aymaqtyq oqu ortalyghyn qúru turaly bastamalaryn da rizashylyqpen qabyl aldy.
Mineki, múhittyn arghy jaghyndaghy alpauyt eldin bizben sanasuynyn ózi yadrolyq qauipsizdikti nyghaytuda Qazaqstannyn bedelinin artyp túrghanyn kórsetedi. Óytkeni biz, Elbasymyz atap aytqanday, der kezinde Semeydegi yadrolyq synaq poligonyn jauyp, qolymyzdaghy yadrolyq qaru arsenalynan óz erkimizben bas tarttyq. – Osy әreket arqyly Qazaqstangha degen senim tudy, kýlli әlem bizdi osy batyldyghymyz, beybitsýygishtigimiz ýshin syilaydy,- dedi N. Nazarbaev. Aytpaqshy, Elbasy jahandyq qauipsizdikke arnalghan sammitterdin birin Qazaqstanda ótkizuge úsynys jasady.
Batys elderi men Reseydin teketiresine kelgende ayyptaulardan, qoqan-loqy kórsetuden, sanksiyalardan bas tartyp, sabyrgha jendirgen jón. Gaaga alanynda әlemdik iri-iri memleketterdin kóshbasshylarymen, halyqaralyq úyymdardyn jetekshilerimen kezdeskennen keyin Núrsúltan Nazarbaev osynday mәlimdeme jasady. Preziydenttin aytuynsha, Qazaqstan tәuelsizdik jyldarynda kýlli әlemge tanylghandyqtan resey-ukrain daghdarysynda bizdin araaghayyndyq ról atqaruymyzdy qalaytyndar kóp kórinedi. Sonyn dәleli, basqa taraptardyn bastamasymen bolghan kezdesulerdin bәrinde Ukraina mәselesi jan-jaqty talqylanghan. Alayda, Elbasy búl joly da Qazaqstannyn resmiy ústanymyn ashyq aytty. Yaghni, ukrain daghdarysyna birjaqty aq nemese qara dep qaraugha bolmaydy. En abzaly, janjaldy beybit jolmen sheshudin tәsilderin izdeu kerek.
Núrsúltan Nazarbaevtyn payymdauynsha, kópvektorlyq sayasat pen ishki túraqtylyq bar jerde ghana memleket damidy. Múnyn dúrystyghyn Ukrainadaghy daghdarys kórsetip berdi. Sovet Odaghy kýyregennen kýnnen beri Ukraina biyliginin syrtqy sayasatynda túraqtylyqtyqtyn bolmauy eldi jikke bóldi. Ekonomikany damytugha qajetti dengeyde kónil bólinbedi. Qoghamdaghy túraqtylyq pen tózimdilikti saqtaugha den qoyylmady. Tipti, ukraindar әli kýnge deyin Reseymen shekerasyn shegendegen joq. Al, Qazaqstan kerisinshe, yjdahattylyq tanytyp, Reseymen, Qytaymen jәne basqa da kórshilerimen shekarasyn ayqyndap, bekitip aldy. Damu ýshin beybitshilik, kelisim jәne halyqtyn birligi kerek. Bizdin birligimiz osynday qaghidattargha negizdelgen. Búl – bizdin sayasatymyzdyn dúrystyghyn, kemeldigin dәleldeydi,- dedi Elbasy.
Aldaghy uaqytta әlem qalay ózgeredi jәne jahandyq dengeydegi túraqsyzdyq oqighalar әlemdik ahualgha qanday yqpalyn tiygizedi? Elbasymyzdyn pikirinshe, býgingi әlemdegi túraqsyzdyq jappay jahandyq jaulasugha nemese jana ghalamdyq soghysqa alyp barmaydy. «Men kóppolyarlyq turaly jii aytamyn. Júrttyn bәri Sovet Odaghy qúlaghannan keyin bir ghana úly derjava – Amerika Qúrama shtatttary qalyp, әlem birpolyarly bolady dep payymdady. Songhy oqighalardan bayqaghanymyzday, әlem kóppolyarly qalpynan ózgergen joq. G-8 ben G-20-nyn ne sayasi, ne ekonomikalyq daghdarysty sheshuge qauqary jetpedi. Sondyqtan, men kez-kelgen mәseleni 190 el interaktivti kenistiktikte talqylaytyn G-Global alanyn úsyndym. Búl alan barlyq jahandyq mәselelerdi әri ortaq, әri ashyq talqylaugha jol ashady. Eger biz halyqaralyq qúqyq saqtalsyn desek, BÚÚ-nyn shenberinde osy mәseleni tikesinen qoyuymyz kerek»,- dedi N. Nazarbaev.
Memleket basshysy óz sózinde Yadrolyq qarudy taratpau jónindegi kelisimnin jii búzylatynyn, ony búzghandargha eshqanday da sanksiya salynbaytynyn qadap aytty. Sondyqtan, ol BÚÚ-nyn shenberinde jalpygha ortaq yadrolyq qarusyzdanu turaly  Pakti qabyldaudy úsyndy. – Bizdin ortaq ghalamsharymyzda beybitshilik mәngi saltanat qúruy ýshin, biz barlyq mәselelerdi ashyq, jariya talqylap, sheship otyrghanymyz abzal,- dedi N. Nazarbaev.

Tanatar TABYNÚLY.

Abai.kz

0 pikir