Senbi, 27 Aqpan 2021
Qúiylsyn kóshing 7306 0 pikir 11 Qyrkýiek, 2014 saghat 13:09

«ORALMANDAR ON TÓRT OBLYSQA DA ORNALASTYRYLADY»

Sheteldegi qazaqtardy atajúrty – Qazaqstangha tezdetip kóshirip alu memleket ýshin kýn ótken sayyn manyzdy mәselege ainalyp keledi. Basynan dau arylmay, shendi-shekpendiler qyly qarap kelgen kóshi-qon mәselesi Ukraina men Resey arasyndaghy ahualdan keyin basqa arnagha auysty. Biylik te qazaq kóshine qatysty ústanymyn kýrt ózgertti. Qysylghanda qazaq kerek ekenin bek týsindi. Memleket territoriyasyn qazaqqa toltyrmay, Tәuelsizdik pen tútasttyqqa tóngen qauipten arylu mýmkin emestigin bildi. Bilgenine búqarasy quanuly. Biylik ә degende "Kóshi-qon turaly zandy" qayta qaraudan bastamaq. Memlekettik manyzdy mәselening jedel sheshilui qajettigine deputattar da ýn qatty.   

Keshe Ortalyq kommunikasiyalar qyzmetinde kóshi-qon mәselesi boyynsha brifing ótkizgen Mәjilisi deputaty Núrtay Sabiliyanov: «Qazirgi kóshi-qon zanyna sәikes, syrttan kelgen qazaqtargha azamattyq berudi 4 jylgha deyin sozu dúrys emes. 2014 jyldyng sonyna deyin búl zangha ózgerister engiziledi. Sonymen qatar, oralmandargha әrtýrli jenildikter de qarastyrylady. Syrttan kelgen aghayyndar Qazaqstannyng on tórt oblysyna da ornalastyrylady. Ayta ketu kerek, ShQO-da oralmandar auylyn salugha bólingen qarajat talan-tarajgha týsti, ýiler dúrys salynghan joq. Endi múnday kemshilikterdi qaytalamauymyz kerek. Qandastarymyzdy azamattyqpen birge ýy jәne júmyspen qamtu mәselesin de sheship beruimiz kerek» - dep, kóshi-qongha baylanysty oiyn jetkizdi.

Núrtay myrzanyng ýlken minberde aitqan sózine oray qazaq kóshi mәselesinde týn úiqysyn tórt bólip, jarghaq qúlaghy jastyqqa tiymey jýrgen aqyn, qogham qayratkeri Auyt Múqiybek óz pikirin aitqan edi.

 

Auyt Múqiybek, aqyn, qogham qayratkeri:

- Óte dúrys aitylghan pikir. Endi osyny tezdetip jýzege asyru kerek! Bizdegi qorqynysh - shet aimaqtardyng bos qaluy emes. Auyldardyng da jabylyp qalghanynan alandap túrghamyz joq! Ony toltyratyn halyq bar. Ol – shettegi 5 million qazaq.

Eng basty ýreyimiz - jaqynda Parlamette qaralatyn "Kóshi-qon Zanynyn" sapasy, mýltiksizdigi, shetten keletin aghayyndargha tiyimdiligi!

Jeti emes, jetpis oblysty belgileseng de shetten keletin qandastarymyzdy qújattandyruda bir kedergi bolsa, mysaly, "kelgen elinnen tirkeuden shyghyp kel", "sottalmaghanyng jayly anyqtama әkel" degen sekildi, onda bar sharuang kók tiyngha esep! Enbeging selge ketedi!

Ekinshi bir aitarym, men ontýstikting halqyn soltýstikke kóshiru kerek degendi týsinbeymin. Elbasy Shymkent qalasyn Almaty, Astanadan keyigi ýshinshi megapolis etip qúrudy qolgha aldy. Ol ýshin onda halyq mol bolu kerek emes pe?! Al, JOO-n bitirgen jastardy sol shalghay auyl men Soltýstik oblystargha tartyp jatsa, qúba-qúp. Eng tiyimdi, ónim beretin jol - shetten keletin qazaqtardy qonystandyru!

Abai.kz

0 pikir