Býgin Astanada Qazaqstan Respublikasynyng Tәuelsizdik kýnine arnalghan saltanatty jiynda QR Preziydenti Núrsúltan  Nazarbaev ózining «Tәuelsizdik tolghauyn» jariyalady.

«Halqymyzdyng qasterli Tәuelsizdigi men Mәngilik Elimizding bolashaghy meni ýnemi tolghandyrady. «Tәuelsizdikting ómirlik filosofiyasy qanday boluy kerek?» degen saualdy men ózime sәt sayyn qoyyp otyramyn. Osy jayyndaghy oy oramdaryn qaghazgha týsirip «Tәuelsizdik tolghauy» dep ataghym keldi. Ol azat elimizding kýlli azamattaryna, jalyndy jastargha býgingi buynnyng eren isterin layqyty jalghastyryp, ertengi úrpaqqa arnalady», - dey kele sol tolghauyn da jariyalady.

«Zaman aghymy bizdi Qazaqstan Respublikasy túnghysh ret tәuelsiz el retinde әlemge әigilengen tarihy data - 1991 jyldyng 16 jeltoqsanynan kýn sayyn, saghat sayyn alystatyp barady. Biz jyl ótken sayyn sol bir tarihy tandaudyng sarqylmas qúdyretin jan jýregimizben týsinemiz. Ol - egemen memlekette beybitshilik pen kelisimde, ózara senimde azat ómir sýru tandauy. Ol tughan jerimizding qazynasy men qazba baylyghyna derbes iyelik etip, barsha qoghamnyng iygiligi ýshin óz qalauymyzben júmsau tandauy. Ol - óz taghdyrymyzdy ózimiz aiqyndau, bolashaghymyzdy óz qolymyzben jasau tandauy. Bizding jana Qazaqstanymyz jaryq júldyz bolyp dýniyege keldi. Barshamyzdy Tәuelsizdikting Úly ruhy jebeydi, biriktiredi, boyymyzgha quat berip, senimimizdi nyghaytady», - dep tolghaydy Elbasy.

Búdan bólek, Elbasy Tәuelsizdik - san buyn babalardyng qasiyetti jerimizding әrbir qadamyn qorghau ýshin tógilgen ólsheusiz qany men terining óteui ekenin, Tәuelsizdik keshegi batyr babalar ósiyet etkenindey, Qazaqstandy qasyq qany qalghansha qorghau jónindegi әrbir azamattyng qaysar sheshimi ekenin de atap ótti.