Senbi, 19 Mausym 2021
Qogham 5824 0 pikir 2 Jeltoqsan, 2014 saghat 09:46

MEMLEKET NESIBESI – MENMENDERDING QALTASYNA

2013 jyly 1 trln. 65 mlrd. tenge taza tabys tapqan «Samúryq-Qazyna» últtyq әl-auqat qory  conyng 9 mlrd. tengesin ghana diviydent retinde budjetke audarypty.

Mәjilistegi jas deputat Ayqyn Qonyrovtyng Últtyq kompaniyalardyng qoyasyn qoparyp, olardyng memlekettik budjetke diviydent retinde týk te tólemeytindigi jóninde juyrda Abai.kz saytynda jazyldy. Endi osy deputat Premier-Ministr Kәrim Mәsimovke resmy týrde saual jasap, eldegi «barmaq basty-kóz qystylyqtyn» eng ýlkenin әshkerelep otyr. Bizding sarabymyzgha qaraghanda, eldegi memlekettik (últtyq) kompaniyalar memleketke eshqanday kiris kirgizip otyrghan joq. Búl jayt memleketting baqylau funksiyasynyng joqtyghyna dәlel. Sonyng ishinde diviydent tóleu boyynsha olardyng bәri birdey tóleuge tiyisti ortaq tәrtip qabyldanbaghan. Mәselen, «Parasat» jәne «Zerde» atty memlekettik holdingterding diviydent tóleu mәselesin aksioner dep tabylghan memlekettik organnyng ózi sheshedi. Al «QazAgro» holdingi budjetke taza tabystyng 10 payyzyn ghana tóleydi. «Bәiterek» holdingi búl tólemnen 2017 jylgha deyin taza bosatylghan, dey kelip deputat «Samúryq-Qazyna» últtyq әl-auqat qorynyng diviydent tóleui ókimetting arnayy qaulysymen personaldy týrde anyqtalatynyn aitady. Al endi osy jerde oryndyghynyzdan qúlap ketpeytindey bolyp qatty ústanynyz:

Deputattyng aituyna qaraghanda,  2013 jyly «Samúryq-Qazyna» últtyq әl-auqat qory  1 trln. 65 mlrd. tenge taza tabys tapqan. Sonyn... 9 mlrd. tengesin ghana diviydent retinde budjetke audarypty. Yaghny budjetke taza tabystyng 1 payyzynan az kólemde ghana aqsha tólegen. Qalghan somany týgelimen ózining qúzyrynda qaldyrypty...

            Búl netken erkelik?  Kimdi bayytyp jatyrmyz? Búl jerde memleketti, halyqty emes, jeke adamdardy bayytyp jatqanymyz kórinip túr. Shirkin, ashyq, demokratiyaly el bolyp, osynyng diyrektorlar kenesining qúramyna kimder kiretinin jәne olardyng sausaqtaryn qimyldatpay qanshadan syiaqy alatynyn bilse ghoy... 

            Kommunister fraksiyasynyng barlyq mýshesi qol qoyghan búl saualda deputat A.Qonyrov Ýkimet basshysyna memlekettik mýlikti basqaruda shynshyl memlekettik diviydenttik sayasat boluy kerektigin eske sala otyryp, býgingi kýni onyng formalidi týrde ghana jýrgiziletinin atap ótti. Damyghan elderding tәjiriybelerine qarasaq, últtyq kompaniyalar tiyimdi diviydenttik sayasat jýrgizedi, sonyng arqasynda salyqty da, diviydentti de budjetke dúrys tólep otyr. Al bizdegi diviydenttik sayasat memlekettik kompaniyalardyng memleketke emes, tek ózderine ghana qyzmet etuine mýmkindik berude. Sondyqtan barlyq últtyq kompaniyalargha ortaq tiyimdi diviydenttik sayasat qoldanudy talap etemiz, deydi A. Qonyrov. Dúrys-aq, Ýkimet onday batyldyqqa bara alar ma eken, kórelik.  

Marina KAKIMAKI, jurnalist.

Abai.kz  

0 pikir