Oblys әkimi A.Myrzahmetovting audandargha sapary jalghasuda dep habarlaydy OQO baspasóz qyzmeti. Shardarada ótken keneytilgen jiynda aimaqta alghashqy jartyjyldyqtaghy atqarylghan júmystar men hattamalyq tapsyrmalardyng oryndaluy turaly audan әkimi Q.Aytóreevting esebi saralandy. Mәjiliske oblystyq mәslihattyng hatshysy Q.Erjan men basqarma basshylary jәne audandaghy bólim mengerushileri, auyl әkimderi qatysty.

2013-2014 jyldary Shardara audanynda 19 әleumettik nysan paydalanugha berilgen. Osy ghimarattardyng býgingi kýii qanday, olardy salghan merdigerlik úiymdar bergen kepildik merzimi ishinde qanday júmystar atqaryluy kerek? Osy saualdar әrbir auyl әkimin, jauapty sala basshysyn mazalauy kerek degen ónir basshysy qazirding ózinde Jaushyqúm auyldyq okruginde ashylghan mektep-internatynda, Shardara qalasyndaghy orta mektep pen sport kesheninde qúrylys barysynda jiberilgen kemshilikterding anyqtalghanyn mәlimdedi. Al, jergilikti biylik oblystyq basqarmagha búl jóninde birde-bir aqpar joldamaghan. Auyl әkimderi men jauapty sala basshylaryna qúrylysy ayaqtalghan jәne qúrylysy jýrip jatqan әleumettik nysandardy ýnemi qadaghalau kerektigin aitqan ónir basshysy qatang baqylaudyng arqasynda merdiger men tehnikalyq qadaghalau mekemelerin tәrtipke shaqyrugha bolatynyn jetkizdi. Odan bólek merdigerler memleket esebinen salynghan nysandarda qazaqstandyq qúrylys materialdaryn qoldanu kerektigine basa nazar audardy. Býginde Shardara qalasynyng «Ásem» shaghynaudanyndaghy 23,6 gektar aumaqta túrghyn ýy qúrylysyn jýrgizu ýshin jer telimderi qarastyrylyp, qajetti infraqúrylym tartylghan. Múnda 46 arendalyq ýy salu josparlanyp, on ýy paydalanugha berilgen. Qalghan 33 ýiding qúrylysy kesheuildeude. Osy kemshilikter boyynsha audan әkimining orynbasaryna eskertu berildi.

Sәulettik jobalar boyynsha audan әkimining tóraghalyghymen jyl basynan beri nebәri bir-aq mәjilis ótkizilgen. Audan ortalyghy men aimaqtaghy halqy kóp shoghyrlanghan eldi mekenderdi abattandyru, sәulettik kelbetin aiqyndau boyynsha múnday kenester túraqty ótui kerektigi eskertildi.

Eseptik jiynda túrghyn ýi-kommunaldyq salasyna qatysty júmystar taldanyp, janghyrtu baghdarlamasy ayasynda jóndeu jýrgizilgen 9 kópqabatty túrghyn ýige bólingen qarjyny qaytaru jóninde naqtyly keste jasau jýkteldi. Audanda turizm mýmkindigin arttyru baghytynda әuejaydy iske qosu jóninen әzirlengen jobalardy tereninen taldap, saralau, tiyimdiligin naqtyly esepteu tapsyryldy.

Býginde Shardaradaghy auyzsu qúbyrlary tozghan ýsh eldi mekenge qarjy bólinip, qúrylys júmystary bastalghan. Al, Jaushyqúm eldi mekeninde jerasty su kózderine geologiyalyq barlau júmystary qolgha alynghan. Osy orayda A.Myrzahmetov su aidyny kózderin tiyimdi paydalanuda, ony auyzsu retinde qoldanuda su tazalau qondyrghylaryn ornatudyng jobalyq esebin jýrgizudi tapsyrdy. Salada jol berilgen kemshilikter jóninde túrghyn ýi-kommunaldyq sharuashylyq jәne avtomobili joldary bólimining basshysyna eskertu berildi.

Audandaghy balyq resurstaryn qorghap, tiyimdi paydalanugha, súghanaqtyqtan qorghaugha baylanysty standartqa say kelmeytin balyq aulau qúraldaryn shekteu jóninde bir apta ishinde arnayy talaptar qabyldaudy mindettedi.

Auyl sharuashylyghy salasynda jylyjay keshenderine taldau jýrgizip, óndirilgen ónimning ózindik qúnyn tómendete otyryp, bәsekelestik qabilettiligin arttyru jýktelgen. Audanda búl júmystar atqarylmaghan. Sonymen qatar shalghayda bos jatqan jerlerdi iygeru maqsatynda 25 qúdyq qazu mejelengenimen, uaqtyly qolgha alynbaghan. Úzyndyghy 83 shaqyrymdy qúraytyn 7 kanal jóndeudi qajet etedi.

Audanda 4,7 myng gektar jer iygerilmegen. Bau egu júmystary 31 payyzgha ghana oryndalyp, 20 gektarda qarqyndy bau egu júmystary qolgha alynbaghan. Shaghyn mal bordaqylau alandaryn ashu jospary 65 payyzgha, otbasylyq sýt aulalaryn qúru mejesi 60 payyzgha ghana oryndalghan. Veterinariya qyzmetinde qauipti aurulardyng aldyn alu baghytynda zalalsyzdandyru júmystary sapasyz atqarylghan. Saladaghy osy jәne ózge de kemshilikter boyynsha veterinariya bólimining basshysy men eki auyldyq okrugting әkimine sógis berildi.

Songhy jyldary auyl әkimderining atqaratyn qyzmeti keneytilip, qazirding ózinde olargha 68 funksiya berildi. «Búl auyl әkimderine jýktelgen jauapkershilikting artqanyn kórsetedi» degen A.Myrzahmetov eng aldymen olargha aumaqta atqarylyp jatqan júmystargha baqylaudy kýsheytudi tapsyrdy.

 Abay-aqparat