Bizde nege ekeni belgisiz, tәuelsizdigimizding týghyryn nyghaytugha baghyttalghan qanday da shara birden sayasy sipatqa ie bola qalady. Sosyn «qara piardy» qaru etken niyeti búrys jandardyng әlemdik shabuyly bastalyp ketedi. Aqyry әlgi әp-әdemi bastalghan dýniyemiz  shala-jansar kýige enip, týptin-týbinde syiyrqúiymshaqtanyp bitedi. Ózgesin bylay qoyghanda bir kezde qyzu qolgha alghan latyn qarpine kóshu turaly bastamamyzdy mysalgha keltirsek te jetip qalar.

Bizding sekem alyp otyrghanymyz: jaqynda ghana otandyq aqparat kenistigin qorghaugha baghyttalghan elimizdegi kabelidi televiziyada sheteldik jarnamalardy shekteu turaly qolgha alghan sharuamyz osynday kepti kie me degen kónilimizde kýdik basym. Óitkeni, Parlament «Telehabar taratu turaly» zangha әlgindey bapty engizui sol-aq eken, elimizde oibaygha bergisiz aiqay bastalyp ketti. Álgi oibay osy kýni sayasy nauqangha ainalyp barady. Jergilikti BAQ-tardyn, tipti de Qúdayy berip qaldy. Olardyng oiynsha, búl shekteu  negizinen sheteldik telehabarlardy taratatyn televiziyanyng basyna qara búlt úyalatyp, týbi olardy jauyp tynatyn kórinedi. Qanshama adam júmyssyz qalyp, budjet milliondaghan ghana emes, tipti milliardtaghan tengeden qaghylady-mys. Múnyng syrtynda myndaghan kóreremender ýshin aqparattyq kenistik qatty tarylyp, teledidar óship qalady dep eniregende etegi jasqa tolyp otyr. Múnday «әdiletsizdikke» shydamaghan osyndaghylar Elbasyna ýshbu hat joldapty. Kórshimizding telehabarlaryn ghana taratyp, sol arqyly milliondaghan ghana emes, milliardtaghan tenge qomaqty qarjyny kýrep tauyp, qaghanaghy qarq, saghanaghy sarq bolyp otyrghan kabeldi telearna qojayyndarynyng   hatynan ótinishti emes, búiryqqa bergisiz qatang talaptyng sarynyn bayqau qiyn emes. Olardyng baghamdauynsha, múnday shekteuler dýniyejýzining eshbir elinde joq kórinedi. Búl tipti bizdegi  «últtyq operatorlardy» (ol qanday últtyq sonda?) ashyqtan-ashyq kemsitu eken. Osylardy aita kele bizdegi «sheteldik janashyrlar» Elbasyna búl sharadan tuyndaytyn әleumettik-ekononmikalyq silkinisterge (qalay-qalay sayraydy?) jol bermey, zannan tolyqtyrudy dereu alyp tastaudy súraydy. Qyza-qyza kele búlar tipti qyr kórsetip, ózderining talaptary oryndalmaghan jaghdayda ózderi basqaryp otyrghan kabelidi televiziyanyng qyzmetin jarty kýnge toqtatyndyghyn mәlimdeydi.

Shyny kerek, alghashqy kezde búlardyng ne sebepti asqan belsendilik kórsetip, Elbasyna deyin shaghym jasap jýrgenin onsha týsinbep edim. Sóitsem, «baqsam, baqa eken» degendey, búlardyng kórshi Reseyde qoldaushylary  jetip artylatyn kórinedi. Men múnyng syryn Denis Krivosheev degen myng bolghyr blogerding jazbasynan angharyp qaldym. Denis degen azamattyng jazuyna sensek, elimizge Resey ýkimeti men sol elding telearnalarynyng basshylarynan qúralghan arnayy «desant» kelip, deputtarymyzdy qatty «ýgittep» jatqan kórinedi. Tipti, búl jaghday anau Ukrainaday bolyp ketip, bizding tәuelsizdigimizge qater tóndiredi-mis. Qysqasy, shekteuge shekeley qalghan jergilikti telearnalardyng «tetigi» (basqaru puliti) kimning qolynda ekendigi belgili bolyp qalghanday... Denisting aituynsha, múnday qysymgha jol bermeuimiz kerek. «Prishlo vremya zanyati prinsipalinui pozisii» dep mәsele kótergen búl azamattyng ústanymyn angharaugha әbden bolatyn siyaqty. Shirkin, bizding elde osy Denistey azamattardyng qarasy kóbeyip,  solardyng arman-tilegi oryndalyp jatsa qane?.. Ókinishke qaray, bizde denisterding emes, tili men dilin qazaqstandyq patrotizmnen bólek salghan «dertti» jandardyng degeni bolyp túr. Alayda, ózderi basqaratyn BAQ qyzmetin kәsiby túrghydan damytudyng ornyna, kórshi memleketting aqparattyq dayyn ónimin taratyp qana otyrghandardyng endigi aiqayyna qúlaq týre beruding qajeti shamaly shyghar degen oidamyz.   

Múratbek Dәurenúly

Qostanay

Abai.kz