Keshe Almaty qalasyndaghy Qazaqstan Jazushylar odaghynda «Aq jol» partiyasy men Qazaqstan tarihshylar qauymdasyghy birlesip úiymdastyrghan Qazaq Handyghynyng 550 jyldyghyna arnalghan halyqaralyq “EL men ER”  mýshәirasy ótti. Búl turaly abai.kz portaly habarlaydy.

Qazaqstan Jazushylar odaghynyng Ádebiyetshiler ýiinde ótken jiyngha «Aq jol» partiyasynyng tóraghasy, QR Parlamenti Mәjilisining deputaty Azat Peruashev jәne әdebiyetshi qauym ókilderi qatysty.

Jiynnyng ashylu saltanatynda sóz alghan deputat Azat Peruashev myrza, handyqtyng toyyna oraylastyrylyp úiymdastyrylghan mýshәiranyng manyzy jóninde bayandady. Deputat Azat Peruashevting sózine sýiensek, búnday bastamalar keler jyly da jalghasyn tabatyn bolady.

«Biz «Aq jol» partiyasy – Alash qayratkerlerining izin jalghaushy partiya retinde últtyq ruhty kóteretin, jastargha patriottylyqty nasihattaytyn osynday sharalardy jii úiymdastyryp otyratyn bolamyz. Biz Handyghymyzdyng toyyn bekerden-beker toylaghan joqpyz. Anau Resey Preziydenti, bizderdi, «qazaqtarda memleketi bolmaghan» dep aita saldy. Al, biz aspannan týse salghan el emespiz. Biz – Deshti Qypshaqtyn, Týrik qaghanatynyn, Altyn ordanyng múragerimiz. Osynday aibarymyzdy kórsettik. Endi keler jyly, Alash qozghalysynyng kósemi bolghan Álihan Bókeyhannyng 150 jyldyghy kele jatyr. Odan keyin Alashtyng 100 jyldyghy bar. Biyl YuNESKO degen dýniyejýzilik úiym Álihannyng 150 jyldyghyn halyqaralyq dengeyde toylau turaly sheshim shyghardy. Osy rette aita keteyin, Men Parlament qabyrghasynda Álihan Bókeyhannyng osy mereytoyyn layyqty dengeyde atap ótuimiz kerek degen deputattyq saualymdy Ýkimetke  joldadym. Kóp úzamay olardan jauap keldi. Ýkimet búl bastamany tolyqtay qoldap otyr», - dedi Azat Peruashev.

Sonymen qatar, jiyn barysynda últtyq ruhty kóteruge, Alash qayratkerlerining enbekterin halyqqa nasihattaugha, әdebiyet pen ghylymgha enbek sinirgen birqatar azamattargha Qazaq handyghynyng 550 jyldyghyna arnalghan estelik tósbelgisin taqty.

Múnday marapatqa layyq dep tabylghandar sapynda Dulat Isabekov, Beksúltan Núrjekeev, Ómirzaq Aytbaev, Israil Saparbay, Rafaeli Niyazbekov, Qazybek Isa, Bauyrjan Jaqyp, Qadirbek Qúnypiyaúly jәne t.b. bar.

Al merekelik medalidardy Qazaqstan tarihshylar qauymdastyghynyng tóraghasy Mәmbet Qoygeldi men deputat Azat Peruashev myrzalar tabystady. 

Jiynnyng negizgi bóliginde mýshәiragha qatysqan 156 aqynnyng 568 shygharmasynyng ishinen әdil qazylar iriktegen 25 aqyngha jýlde berildi.

Mýshәiranyng jýldeli birinshi oryny men 700 myng tenge aqshalay syilyqty jas aqyn Azamat Tasqaraúly iyemdendi. Al “EL men ER”  mýshәirasynyng bas jýldesi men 1million tenge aqshalay syilyq aqyn, Abay atyndaghy syilyqtyng túnghysh iyegeri Ghalym Jaylybay myrzagha tabystaldy.

«Men songhy 15 jyldan beri túnghysh ret mýshәiragha qatysyppyn. Mýshәirany biz kóbinese ózimiz úiymdastyramyz. Bizding de artymyzdan erip kele jatqan jas qalamgerler bar. Sondyqtan, men osy jerde, Azat bastaghan «aqjoldyq» azamattargha rahmetimdi aita kelip, myna jýldege eki jas aqynnyng kitabyn shygharyp beruge uәde etemin», - dedi Ghalym Jaylybay myrza.

Sonday-aq, jýirikterding jyr bәigesine dýldýl aqyndar men búlbúl әnshiler jәne óner júldyzdary qatysty.

Núrgeldi Ábdighaniyúly

Abai.kz