Senbi, 19 Qırküyek 2020
COVID-19 QAZAQSTANDA. Jwqtırğandar — 107134. Jazılğandar — 101610. Qaytıs bolğandar — 1671
Alasapıran 5001 0 pikir 12 Mamır, 2016 sağat 15:16

JER KOMISSIYASI QWRAMINA 75 ADAM KİRETİN BOLDI

Prezidenttiñ tapsırmasımen elimizde Jer reforması jönindegi komissiya qwrıldı. Onıñ alğaşqı otırısı 14 mamırğa josparlanğan. Komissiyağa QR Prem'er-ministriniñ birinşi orınbasarı Baqıtjan Sağıntaev törağalıq etpekşi. Bwl jöninde bnews.kz saytı habarladı.

«Elbasınıñ tapsırmasına säykes, Jer reforması jönindegi komissiya qwrıldı. Komissiya qwramına 75 adam kiredi, olardıñ işinde Senat jäne Mäjilis deputattarı, Ükimet müşeleri, memlekettik organdardıñ, sayasi partiyalardıñ, agrobiznes ökilderi, ğalımdar, qoğam belsendileri bar. Komissiyada barlıq öñirlerdiñ ökilderi qamtılğan. Biz elimizdi, onıñ beybit bolaşağı üşin alañdaytın azamattardı ıntımaqtasuğa şaqırdıq», - deydi komissiya törağası B.Sağıntaev.

Onıñ aytuınşa, halıqtı barınşa qamtu üşin oblıstıq äkimdiktiñ janınan qwrılğan qoğamdıq keñester de osı jwmısqa jwmıldırılmaqşı.

«Komissiya bizdiñ azamattarımızdıñ pikirtalastarınıñ barısı turalı barınşa şınayı aqparattı bwqaralıq aqparat qwraldarı arqılı aşıq türde aluı üşin jwmıs isteydi», - deydi B.Sağıntaev.

Bwdan bölek, arnayı «Jerturaly.kz» portalı iske qosılıp otır. Portalda komissiyanıñ jwmısı turalı barlıq aqparat jariyalanadı.

«Bwl saytta adamdar kökeytesti swraqtarın qoyıp, öz wsınıstarın qaldıra aladı. Qosımşa arnayı Call-center jwmıs isteydi», - deydi komissiya törağası.

Jer reforması jönindegi komissiyanıñ alğaşqı otırısı 14 mamır küni Astanada ötedi. Sonday-aq komissiya müşeleri öñirlerge barudı josparlap otır.

Abai.kz

0 pikir