Jelini ashsan, jeldey esip jelpingen júrt. Bir toby biylik basyndy alsa da onyng әreketin qúp kóremiz deydi. Olargha sensen, auruymyzdy jasyra túrayyq, bәribir ólemizge sayady. Endi bir toby aurugha em tabayyq, óstip jýrip ólemiz be dese, taghy bir top búlardyng emi bizding dertimizge daua bolmaydy dep dauryghady. Shu-shu, gu-gu. Onyng ýstine kezekti ret jer mәselesi shyqqanda jelining týnligi tipti jelpildep ketti. Týnlik bylay túrypty, ýy shayqalyp kete jazdaghanda jogharydan әdettegiden ózgeshe júmsarghan dauys estilip, әreng basyldy. Basyldy-au degen kezde jelining týnligi jelpildep jatqan kezde әdettegi belsendilikteri kýrt bәsensip, jer jútqanday joghalghan bir topqa qayta jan kirdi. Olar syrt qaraghan adamgha, memlekettik qúrylymdardyng qyzmetin әp-sәtte ózderi atqara bastady. Zandy týsindirdi – prokuraturanyng qyzmetin aldy; resmy sayasatqa qarsy shyghugha bolmaytynyn týrli joldarmen jetkizdi - memlekettik BAQ-tyng qyzmetin aldy; ishki-syrtqy arandatushy jaudy izdep – ÚQK men qúqyq qorghau organdarynyng qyzmetin aldy. Olargha múnday qúqyqty kim bergenin Qúdaylary biledi... Qogham bolghan son, әrtýrli pikir bolatyny zandylyq. Bәlkim, bir oilaghandary, óz esepteri bar shyghar... Ózderine salsanyz, búl olardyng otanshyldyq, memleketshildik, beybit ómirdi sýigish azamattyq kózqarasy, ústanymy-mys. Biraq, jelidegi qazirgi qarqyndary "biylikti sýisen, menshe sýi" degen sózge dóp kelip túr. Qaydan bileyik, mýmkin múnday qogham mýshelerine Otan, Memleket, Halyq degen úghymdar bir adamnyng beynesinde ghana elesteytin shyghar...

Núra Matay

Abai.kz