Ótkende bir top óner adamdary jinalyp, «31 arna» janalyqtarynan jer mәselesine qatysty óz pikirlerin, kózqaras, ústanymdaryn aitqan edi. Sol viydeony әldebireuler basqa maqsatta paydalanyp, akterlar men әnshilerding sózderin kesip, óz ynghaylaryna keltirip internet arqyly taratqan. Osy jaghdaygha baylanysty ýn qatqan akter Bekjan Túrystyng aitqanyn sózbe-sóz jariya etip otyrmyz.

Abai.kz

Bekjan Túrys, akter:

- 26 sәuir kýni «31-arna» janalyqtarynan bir top óner adamdarynyng (Sәken Mayghaziyev, Baqyt Tushaev, Rinat Zayytov jәne men) jinalyp, Qazaqstannyng azamaty retinde býgingi kýni ushyghyp túrghan Jer taqyrybyna qatysty ózimizding azamattyq oiymyzdy, óz kózqarasymyzdy bildirgen 2 minut 51 sekundtyq (https://www.youtube.com/watch?v=1BpwxiUYOlQ) kórsetildi. Al yutub arqyly taralghan beynejazbanyng tolyghyraq núsqasynyng úzaqtyghy – 6 minut 52 sekund. Taqyryby: «Jerdi jalgha beru – Qazaqstannyng óner adamdarynyng pikiri» / «Mnenie kazahstanskih artistov» (https://www.youtube.com/watch?v=P93_JUEcAyE). 
Múnda jinalghandardyng bir ghana: «Jer satylmasyn, jalgha da berilmesin!» degen úsynys-tilegi boldy. Biylik tarapynan osy mәsele qaytadan qaralsa, basqa sheshim qabyldansa degen tilegimizdi «31-arna» arqyly bildirdik. Eshqanday qol jinamaghanymyzdy, arandatugha jol bergimiz kelmeytinin aittyq... Biylikke senim artyp ýmittenip otyrghanymyz da shet qalmady. 
Óner adamdarynyng búl úsynys-tilegi Qazaqstan halqy assambleyasynyng kezekti HHIV sessiyasynda sóz sóilegen Elbasymyzdyng sózimen ýndes bolatyn. Sessiyada Jer – ata-babamyzdan bizge miras bolyp qalghan eng basty qazynamyz, últymyzdyng úly baylyghy, qazaqtyng dalasy halyqtyng menshigi ekenin Preziydentimiz qadap aitty. «Degenmenen osy mәselege kónil bólgeni ýshin men aghayyngha, bir jaghynan, quanamyn. Layym әrqashan Jerge degen qasiyetti kónil osynday bolatyn bolsa, bizding halyq qasyq qany qalghansha osy Jerdi qorghaydy dep bilemin», – dedi Elbasymyzdyng ózi de (26.04.16).
...Qazir kez kelgen adamnyng internetti paydalanugha mýmkindigi bar. Áleumettik jeliler arqyly kez kelgen Qazaqstan azamaty kez kelgen mәselede ózderining oilaryn, kózqarastaryn bildirip te jatyr. Dýiim júrtty dýrliktirgen Jer mәselesine baylanysty әleumettik jeliler arqyly «Alash joly» qozghalysynyng qúrylghanynan da ghalamtor paydalanushylary habardar. Osy qozghalys arqyly mamyr aiynyng 21-i kýni beybit sheru úiymdastyrylghaly jatqanyn da kózi ashyq oqyrman bilip otyr.
Al býgin... Bizding sol sózderimizding ózderine «tiyimdi» tústaryn ghana kesip alyp, oi-pikirimizdi mýlde basqa baghytqa, yaghny bizdi qarapayym halyqqa qarsy, biylikke jeksúryn etip kórsetken әldebir toptyng arnayy dayarlaghan beynejazbasy (sujet) әleumettik jelilerge taralghanyn bildik. Múndaghy maqsat ne? Halyq pen biylikting arasynda altyn kópir bolyp, elding múnyn Ýkimet basynda otyrghan el aghalaryna jetkizgimiz kelgen niyetimizdi teris baghytqa búryp, óner adamdaryn arandatushy top retinde tanytpaq bolghan búlardyng pighyldaryn qalay týsinemiz? Múny kórgende qarapayym halyq, bizding sýiikti kórermenderimiz kimge senedi? Bizding – Serikzat Dýisenghazy, Qalqaman Sarin jәne mening vatsap arqyly aitqan sózderimiz (ony da ózderine tiyimdi etip kesip paydalanghan, tolyq emes) búlardyng qolyna qalay týsti? Bәrinen búryn әlgi beynejazbadaghy janymyzgha batqany – 21-i kýni beybit sheruden tys qalmaytynymyzdy menzep, soghan elding nazaryn audartyp, sol kýni әldebir kelensizdik oryn alsa tikeley bizding kinәli bolyp tabylatynymyzdy, búqaranyng bizdi aiyptaytynyn jetkizgenderi. Qalay bolghanda da, teris pighyldy bireulerding kesirinen jamanshylyq oryn alsa, oghan tikeley bizdi jazghyratynyn ashyq aitqandary... Búl beynejazba arqyly óner adamdaryn arandatushy retinde kórsetip otyrghandardyng ózderi – naghyz arandatushylar! Óner adamdaryn óz kórermenine, óz halqyna jeksúryn etip kórsetip otyrghandar da, halyqtyng birliginin, elding yntymaghynyng arasyna iritki salushylar da – osylardyng ózderi!
«Jany ayauly jaqsygha qosamyn dep, әrkim bir it ústap jýr yryldatyp» dep Abay atam aitpaqshy, búl qogham aldynda iyilgisi kelmeytin minezi bar shyn talanttargha jasalghan әldbir aghymdardyng arandatushylyghy dep bilemin. Bizge Tәuelsizdigimizding túghyrynan qúlamaghany, halqymyzdyng aman bolghany, qalamyzdyng qiramaghany kerek. Biz beybit eldin, qarapayym halyqtyn, jigerli jastarymyzdyn, baqytty balalarymyzdyng arandatushylardyng arbauyna qalyp, naqaqtan zardap sheguine jol bergimiz kelmeydi. 
Sondyqtan júrtshylyqqa jetpey, sujetten kesilip qalghan sózimdi qaytalap aitamyn, býgingi eldik – TYNYShTYQ, býgingi erlik – SABYR, býgingi otanshyldyq – TÓZIM! El bizdi – óner adamdaryn býlikke shaqyrushy emes, birlikti saqtaushy retinde tanidy, endeshe, tynyshtyghymyzdy oilap, arandatushylardan saq bolayyq, aghayyn!