Jwma, 18 Qazan 2019
Qoğam 26235 2 pikir 29 Säuir, 2016 sağat 10:20

PREZIDENT MINISTR SAĞADIEVKE SÖGİS AYTIP, ESKERTU JASADI

Qazir qazaq qoğamında qızu talqılanıp jatqan Bilim jäne ğılım ministriniñ (Sağadiev Erlan – red.) jaña reformasına qatıstı Elbası Nwrswltan Äbişwlınıñ özi ün qostı. Prezident jaña bilim reformasın halıqqa dwrıs tüsindire almağan Sağadievke sögis aytıp, eskertu jasağan,-dep habarlaydı 31 arna.


Sonıman qatar, aldağı uaqıtta orta jäne jalpı bilim beretin mekemelerde Qazaq tili men ädebieti pänderi biriktirilui mümkin. Bwl turalı Prezident Nazarbaevtıñ özi habarlağan.

Osınday wsınıs aytqan memleket basşısı Nwrswltan Nazarbaev  Bilim jäne ğılım ministrine pänder sanın qısqartudı tapsırıptı.

«Halıqqa tüsindire almaysıñdar!» Prezident ministr Sağadievti osılay sınadı. Bilim ministrimen birge jüz özgeretin bilim salasındağı reformalardı halıq dwrıs tüsinbegen eken. Daudıñ bası osı, dedi Prezident.

Söytip, Prezidentten sögis estigen Sağadiev mırza, «üş tildi oqıtu», «beskündikke köşu» sekildi bastamalar meniñ emes, 15 jılğı ükimettiñ jwmısı»,-dep aqtalıptı.

«Qazir tüsindirip jatırmız, men söylep jatırmın kün sayın. Erteñ halıqpen söylesip bir tüsindirip beremin dwrıstap», - depdi ministr.

«Beskündik bilimge köşu üşin oqudı wzartu emes, pänderdi qısqartu kerek. Naprimer, qazaq tili men ädebieti mojno odin predmet sdelat'? Literatura i grammatika russkogo yazıka, istoriya i geografiya. Mı detey piçkaem ujasno mnogo, takogo net v mire», - dedi Nazarbaev.

Qazaq tili men ädebietin bir pän retinde oqıtudı ministr de qwptap otır.  Prezidenttiñ pärmenin eki etpeytin Erlan Sağadiev joğarı sınıptardağı pänderdiñ 30 payızı qısqaratının ayttı. Bwl ayaq astı emes, tört jılda jüzege asadı degen ministr bes balanıñ äkesi retinde «barlıq reforma bala üşin» dep uäde etti. Ata-analardı uayımdamauğa şaqırdı.

Sonday-aq prezident älem tarihın orıs, özge tehnikalıq, jaratılıstanu pänderin ağılşın tilinde oqıtudı qazir auaday qajet dep otır. "Közge qwm qwyğan" dep keñes kezin ayıptağan Nazarbaev tamaq tauıp jegiñ kelse til bilu mindetti dep kesti.

Sonday-aq prezident byudjetten aqşa wrlap, jemqorlıqqa barğan şeneunikterdi temir torğa qamaudıñ qajeti joq dedi. Jegenderin on ese qaytarıp, mülikterin tartıp alğan soñ olardıñ qol-ayağın baylaudıñ qajeti ne degen Nwrswltan Nazarbaev türmeniñ tärbieleytinine kümänmen qaraydı.

Tipti olardı abaqtığa otırğızıp, asırau üşin aqşa şaşudıñ keregi joq degen prezident türmedegi adam sanınıñ 40 payızğa azayğanın ayttı.

Eskerte keteyik, osığan deyin «Abai.kz» portalı Bilim jäne ğılım ministri Erlan Sağadievtiñ orta mektepterge üş tildilik jüyeni engizu turalı bastamasına qatıstı dürkin-dürkin maqalalardı öz alañında jariyalap keledi. Qazaqstan Prezidentiniñ atına Aşıq hat joldap, sözi joğalğan wlttıñ özi de joğalatının ayttı.

PS:Qazaqstandıq bilim beru jüyesindegi negizgi problema – etnolingvistikalıq faktor ekeni ras-aq.

Ötken jolı ministr Erlan Sağadiev mırza mısal keltirip aytqanı da osı ayırmaşılıq bolsa kerek. Öz sözinde Qazaqstandağı qazaq tildi mektepterdegi oquşılardıñ bilimi orıs tildi mekteptermen salıstırğanda 2 esege artta qalğan dep edi. Qazaq tilininiñ esebinen ağılşın tilin üyretu sayasatın mıqtap qolğa alğan ministrdiñ endigi qadamı qanday bolmaq?

Nwrgeldi Äbdiğaniwlı

Abai.kz

2 pikir