Tanymal telejýrgizushi Dana Núrjigit ótkir synnyng astynda qalghan "91" tobyna qatysty Instagram jelisinde óz kózqarasyn bildirdi.

"Erbolat Bedelxangha aitarym: On jyldan astam tandaghan jolynan janylady, tabandy enbek etip, bir kýn kól, bir kýn shól bolatyn nәsibin býkil tobyna júmsap jýrgen Erbolatqa ornymnan túryp qol sogham. Oghan da kezinde qansha adam lap berip, "myna istep jýrgening qate" degen edi, ol ózining maqsatynan bas tartqan joq. Birjaqty qynyrlyq, stereotiptik sana-damudyng joly emes. Ásirese ónerde!", - dep jazdy Dana Núrjigit.

Búdan keyin telejýrgizushi Rinat Zayytovtyng óktem sózderine sabyrlyq tanytqan Erbolatty qoldaytynyn aitty.

"Zayytovtyng "91" tobynyng syrt kelbetin synap, til tiygizip, "jiyirkenemin" degen auyr sózin sabyrlyqpen tyndap, júdyryq ala jýgirmey (ony istese de týsiner edim) miyghynan ghana kýlip qoyyp emosiyagha, ashugha jol bermey jauap berip otyrghan Erbolat men ýshin opponentinen әldeqayda joghary, mәdeniyetti", - dep oiymen bólisken jýrgizushi kópshilikting syny arqyly produser tobyn shyndap aldy degendi menzedi.

"Ol qol astyndaghy topty osylaysha sparingke shygharyp aldy. Múzday dushtyng astyna túrghyzdy. Synady. "...Shydaysyng ba menimen dostasugha, Jalang ayaq su keship, tas tasugha", dep Múqaghaly aqynsha seriktesterine súraqty tótesinen qoydy. Shash óser, boyauy juylar, triko shalbar bop ózgerer. Biraq, araq iship, esirtki tartyp esirmegen, ónerde óz jolyn izdep, ósip kele jatqan jastardy osynshama talap, mýsirketip "men siyaqty kostum shalbar kiymeysing be, shashty dúrystap qysqartpaysyng ba?" - dep jer shúqytyp qong, qaz-qaz túryp kele jatqan balagha,"nege jýgirip ketpeysin?" degenmen ten", - deydi telejýrgizushi.

Avtor kórermen bir kezderi Ninety one toby siyaqty  "A-studio" tobyn da týsinbegenin mysalgha keltirdi.

"Konformister qashan da bolghan, bola da beredi. Olardy tyndasaq, elden erek, alystan asau minezin bildiretin úzyn shash qoyghan әnshi, aqyndarymyz - Batyrxan, Jarasqandar, Qadirlar qayda bizge? Konformisterdi tyndasaq, syghan qyzy Karmendi operanyng bas keyipkeri etip, kórermenning yzasyn tudyrghan Biyze tumas edi. "Jalang ayaq syghannyng sayqalyn operagha arqau etken darynsyz" degen jaman atqa qalghan Biyze - býgin el auyzyndaghy klassiyk. "Araydan" ketip, "Alma-Ata studio" bolghan Serkebaev Bayghaliyding ózi múndaydy bastan ótkergen. AHBK sarayynyng konsert zalyndaghy alghashqy premierasynan xalyq túryp-túryp ketip qalghan. Týsinbegen. Shashy jalbyraghan jigitter, mәikisheng túryp әn salghan Batyrxandy bireu eske alsa, sol bizder. Bizding úrpaq. Ayta berse kóp qoy", - dep jalghastyrdy oiyn jurnalist.

Sonday-aq Dana Núrjigit qogham ókilderine jas әnshi jigitterdi synasa, namysqa tiyip emes, mәdeniyetti synaudy úsyndy.

"Ónerde úqsastyqtan jamany joq! Synasaq "jiyirkenemin" degen adamy namysqa tiyetin, kóshedegi betjyrtystyng leksikonyna sýienip emes, konstruktivti, mәdeniyettanu degen ghylymgha jýginip otyryp dәiekti dәlel keltirip otyryp synayyq!" - dedi Núrjigit.

Derekkóz: Nur.kz

Abai.kz