Kim bizde baylyq az degen,

Kenpeyil qazaq – ataghym.

Sauda istep múnay, gazbenen

Arzangha bәrin satamyn.

Arbalap tasyp, arqalap,

Resey jalghyz qysqan-dy.

Soryndar endi antalap,

Mayshelpek Qazaqstandy!

Arzangha bәrin beremin,

Kýn-týni ashyq esigim.

Kelsin de alsyn keregin,

Bar qanday «Inter-neshnlin?»

Basqalar týgel jeringen

Din bolsa jatqan joldaghy.

Beremin oryn tórimnen

«Investor!» deseng bolghany.

Kelinder baylyq jetedi,

Jer, sudy týgel soryndar!

Senderge arnap ótedi

Jiyndar, sammiyt, forumdar!

Senbeseng kózben kelip kór,

Shekaram ashyq, kele qal!

«Samsung», «Panasonikter»,

«Shevron», «Britiysh», «Djeneral»!

Ózen, kól, orman, tau, әni!

Satpaghan nәrse qalmaydy.

Satar em su men auany,

Las dep eshkim almaydy.

Halqym bar anqau baladay,

(Qúldyqtyng qamytyn kiygender).

Shydaydy ýi-jay qalamay

Qazaqtar – aboriygender!

Janadan shyqqan sózderi -

«Mәngi el», «130 últym bar».

Óz tilin bilmey, ózgeni

Pir tútqan nadan júrtym bar.

Kelinder әli, әli de,

Demeymiz altyn, mysty aldyn.

Jetedi әzir bәrine

Baylyghy Qazaqstannyn.

Myrzan KENJEBAY

Abai.kz