Düysenbi, 16 Jeltoqsan 2019
Bilik 2987 0 pikir 23 Mausım, 2016 sağat 13:12

«MEMLEKETTİK TİL JÄNE BAQ» RESPUBLIKALIQ BAYQAUI MÄREGE JETTİ (foto)

Qazaqstan Respublikası Mädeniet jäne sport ministrliginiñ Tilderdi damıtu jäne qoğamdıq-sayasi jwmıs komiteti memlekettik til sayasatın bwqaralıq aqparat qwraldarında nasihattalu belsendiligin arttıru maqsatında Baspasöz künine oray ötkizgen «Memlekettik til jäne BAQ» attı respublikalıq bayqauı öz märesine jetti, - dep habarlaydı Abay-aqparat.

Bügin osı bir aytulı şaranıñ jeñimpazdarın saltanattı marapattau räsimine ministr A.Mwhamediwlınıñ özi qatıstı. 

İs-şara Qazaqstan Respublikası Mädeniet jäne sport ministri A.Mwhamediwlınıñ qwttıqtau sözimen aşıldı. Ministr jurnalistika salasındağı birqatar sala mamandarın qol jetkizgen tabıstarı men jemisti şığarmaşılıq qızmetteri üşin qwrmet gramotalarmen jäne alğıs hattarmen marapattadı.

Baylanıs jäne aqparat qızmetkerleri künine oray wyımdastırılğan
is-şara «Memlekettik til jäne BAQ» bayqauınıñ jeñimpazdarın marapattaumen jalğastı.

Respublikalıq bayqauğa elimizdiñ öñirlerinen 200-den asa astam material kelip tüsti. Bayqauğa memlekettik tildiñ qızmet etu ayasın keñeytu men märtebesin nığaytu jäne onıñ ahualı turalı özekti materialdar jariyalağan tilşiler qatıstı.

Bayqauğa 2015 jılğı 10 mausım men 2016 jılğı 9 mausım aralığında qazaq jäne orıs tilderinde jarıq körgen jariyalanımdar, efirden ötken habarlar qamtıldı.

Bayqaudıñ erejesine säykes kelip tüsken materialdar «Üzdik maqala», «Üzdik telearna bağdarlaması», «Üzdik radio bağdarlaması», «Üzdik sayt maqalası» nominaciyaları boyınşa 4 bağıtta bağalandı.

Bayqauğa kelip tüsken materialdardı elimizge belgili jazuşılar men jurnalisterden qwralğan qazılar alqası qarap, jüldegerlerdi anıqtadı.

Bayqau qorıtındısı boyınşa «Üzdik maqala» nominaciyası boyınşa

1-orındı «Ayqın» respublikalıq qoğamdıq-sayasi gazeti «Sayasat» böliminiñ şoluşısı Wlıqbekov Seysen Ämirbekwlı, 2-orındı «Industrial'naya Karaganda» gazetiniñ tilşisi Şipunov Valentin Konstantinoviç, 3-orındı «Jetisu» oblıstıq gazetiniñ tilşisi Moldağalieva Meruert Serikqızı jeñip alsa, «Üzdik sayt maqalası» nominaciyası boyınşa 1-orındı «Qazkontent» AQ «e-histori.kz» saytınıñ tilşisi Altınbek Qwmırzaqwlı, 2-orındı «Ürker.kz» saytınıñ tilşisi Nwrlan Qwmar Bağdäuletwlı, 3-orındı «Abay.kz» saytınıñ tilşisi Şamwratov Meñdolla Nwrımwlı ielendi.

Sonday-aq «Üzdik telearna bağdarlaması» nominaciyası boyınşa  1-orındı «Almatı» telearnasınıñ tilşisi Qwsayınwlı Ämirbolat, 2-orındı «Qazaqstan» RTRK» Aqmola oblıstıq telearnasınıñ tilşisi Rauşan Saylauqızı, 3-orındı Aqtöbe oblıstıq «Rika-TV» telearnasınıñ tilşisi Şämişova Äliya Äbişqızı jeñip alsa, «Üzdik radio bağdarlaması» nominaciyası boyınşa 1-orındı Qazaq radiosınıñ «Almatı» studiyasınıñ tilşisi Jwmabek Aqtotı Erdäuletqızı, 2-orın «Halıq» radiosınıñ tilşisi Sıbanjanova Rauşan Seyithanqızı, 3-orındı Qazaq radiosınıñ redaktor-şoluşısı Janwzaqov Janat Jüsipwlı ielendi.

Qwljanova Äsem Wlanqızı, Wlıqpan Mwratbay Äbilhanwlı, Mayközova Aqmaral Tilekqızı, Li Anjela Mihaylovna, Mamırbaeva Nwrgül Jambılqızı, Däribaev Nälibay Üsenwlı, Masakova Dinara Däuletqızı, Qosıbaev Aydos Twrsınbekwlı, Mwqaev İliyas Düngenbaywlı, Abitaeva Meruert Mwratbekqızı, Asılbekova Jañılhan Mämejanqızı, Baytasov Törebek Törekeldiwlı sındı jurnalister ıntalandıru sıylığımen marapattaldı. Barlıq jeñimpazdarğa diplom, alğıshattarmen qatar aqşalay sıylıqtar berildi.

Dästürli türde jıl sayın ötkizilip jürgen bwl is-şara memlekettik til sayasatın nasihattau belsendiligin arttırıp, tiisinşe tilimizdiñ damuına septigin tigizetini sözsiz.

Abai.kz

0 pikir