Astananyng irgesinen 27 myng gektar jerdi iyemdenip, qojalyq etip otyrghan Germaniya azamaty Robert Shumaher turaly búghan deyin de jazghan edik. Alayda, saudager Shumaherding tóniregindegi shu tolastar emes. Kýni keshe Shumaherding ókilderi Almaty kelip, jurnalisttermen jýzdesip, Aqmola oblysynyng aumaghynan 34 myng gektar jerdi qalay basyp alghany jәne «QazGerStroy» qúrylys holdingi tóniregindegi daugha qatysty óz uәjderin aitty.

Kezdesuge Robert Shumaherding ózi kelmepti. Germaniyada eken. Biraq, óz elinde otyryp-aq, qazaq jerin iyemdenip, qojalyq jýrgizuge qúdireti jetip túr eken... Sonymen, investor, biznesmen delinip әspettelip jýrgen Shumaherding ókili, zanger Sergey Struchkov bylay deydi: «Shumaher myrza ol jer telimderining iyesi emes. Jer telimderi qazaqstandyq «Aq-Qúlyn» JShS ne tirkelgen. Al, Shumaher «Aq-Qúlyn» JShS-nyng negizgi әri jalghyz iyesi». Zangerding sózine qaraghanda, ol Robert Shumaherding jeke basyn jerden arashalap alghysy keletindey. «Shumaher myrza ol jer telimderining iyesi emes» dep alady da, jer telimderi tirkelgen «Aq-Qúlyn» JShS nyng qojayyny Shumaher ekenin aitady. Aynalyp kelgende, jer iyesi Shumaher bolyp shyghady. Demek, Shumaher 34 myng gektar jerdi Qazaqstanda tirkelgen seriktestik arqyly iymendenip otyr. Zanger sózin qalay qúbyltsa da jer sheteldikting iyeliginde bolyp túr. Búl az deseniz, «qazirgi kezde jerding jartysy jalgha berilgen. Onda adamdar júmys isteydi. Biday ósirip jatyr» deydi zanger Struchkov. Al kerek bolsa! Germaniya jatyp, 34 myng gektar jerdi «Aq-Qúlyn» JShS arqyly iyemdenip alghanymen qoymay, onyng jartysyn jalgha berip shyghynsyz paydagha kenelip jatqan Shumaherdi sonsha tayrandatyp qoyghan qanday kýsh?..

Aytpaqshy, Shumaherding ókilderine Bolat Musin degen júmysshy ere kelipti. Jer tónireginde әngime bastalghanda Bolat ta sózge aralasyp «Shumerding júmys istegen tústa kompaniyanyng jaghdayy jaqsy bolghan. Júmysshylargha jataqhana salyp bergen. Eng bastysy, tamaqtandyru óte jaqsy boldy» depti. Qaytsin endi... Qarapayym júmysshygha jerge kim iyelik etkeni emes, qarnyng toyghany kerek qoy.

Al, Shumaher iyelik etetin jerding ainalasyna nege ýshin or qazylghan degen saualgha Struchkov býy deydi: «Ol jerge jylqy ósiriledi. Jergilikti túrghyndargha mal ósirgennen góri «Aq Qúlynnyn» malyn úrlau jenil edi. Mal úrlyghyn boldyrmay ýshin or qazylghan edi». Mine, aighaq-dәlelsiz jergilikti qazaqtardy úry atandyryp otyr. Sol «úrylardan» qorghanyp or qazypty. Sonda Qazaqstanda zang joq pa? Malyndy úry alghan adam shaghymdanyp, zanmen izdensek kerek. Joq, Shumaher óz bilgenin isteydi – әldeqalay iyemdenip alghan qazaq jerining bir púshpaghyn qorshap, onyng ainalasynan qazaqtar malymdy úrlaydy dep qorghanyp or qazady. Shumaherding búl jerge qatysty ghana bylyghynyng bir parasy. Al, onyng «QazGerStroy» qúrylys holdingine qatysty bylyghy óz aldyna bólek әngime. Sheteldikting shygharghan shuyn týsindirmekke kelgender aqyry jarytyp eshtene aita almay, jogharyda jazghanymyzday kýdikti odan әrmen qoylatyp, aitqandary qarama-qayshylyqqa toly boldy. Degenmen, Shumaherding shuy ayaqsyz әri tekserusiz qalmaydy dep senemiz!

Materialdaghy derekter "Vremya" gazetining veb-saytynan alyndy.

Núra Matay

Abai.kz