Parlament deputaty bolu – halyqtyng mún-zaryn eskerip, mýddesin kózdeytin qoldaushysy bolu ekeni әlmisaqtan belgili. Halyq saylaghan song qabyldanatyn zandardyng adamdardyng mýddesine say boluyn deputat aldymen eskergeni jón. Búl – barlyq demokratiyalyq qúrylystardyng mindeti.

Demokratiyalyq memleket degenning ózi – halyqtyq biylik degen sóz ekenin mektep qabyrghasynan bilemiz. Al bizding múratymyz – demokratiya ekendigi Ata zanymyzda jazylghan. Halyqtyng mún-zaryn joqtap, qúqy men mýddesin qorghau, tilegin ókimetke jetkizu, talap-tilegin qoldaytyn, amanatyn oryndaytyn zannamalyq qújattar qabyldau arqyly deputattar ózderining esimderin de halyq arasyna tanymal qylady. Tanymal bolu da deputat ýshin óte manyzdy, olardy halyqtyq ashyq qayratkerler (publichnyi)  deytinimiz de sodan.

Alayda, «bizding deputattarymyz osynday talaptardyng ýrdisinen tabylyp otyr ma?» degen súraqqa birjaqty jauap aita almaysyn. Ilgeshek izdeytinder deputattarymyzdy mýlde iske alghysyz qylyp «dauys beru ýshin ghana otyrghandar» dep shenep tastaytyny da bar. Olardyng sózining de jany bar, kóptegen deputattarymyz ýndemegen qalpy әiteuir sessiyanyng ayaghyna deyin aman jetip, kózden ghayyp bolady. Biraq bizde halyqtyng joghyn joqtaytyn, múnyn eskeretin deputattar da, qúdaygha shýkir, bar. Ondaylar ózderining belsendi әreketterimen kórinip jýredi. Ásirese, Qazaqstan Halyqtyq kommunistik partiyasy fraksiyasynan saylanghandar búl tarapta ýlken belsendilik tanytuda. Osy fraksiyanyng mýshesi Ayqyn Qonyrov, «Aq joldan» Meruert Qazbekova, «Núr Otannan» Zaghipa Baliyeva, Núrtay Sabiliyanov, Senattan Quanysh Aytahanov, Sәrsenbay Ensegenov jәne t.b. halyqshyl deputattardyng enbegin joqqa shygharugha bolmaydy. Osy iste barynsha tanymal bolyp, qay kýnde halyqtyng múnyn batyl aityp jýrgendigimen este qalghan búrynghy senator Svetlana Jalmaghanbetovany da qazir saghynyshpen eske alasyn. Sonday-aq Amangeldi Aytaly aghamyz da deputat bolghandyghynyng arqasynda halyqqa әdiletti, bilikti sózimen keninen tanymal bolghan edi. Olar Ýkimet әzirlep әkelgen zang jobalarynyng jetimsiz tústaryn batyl synap, ashyq qarsy shyghatyn. Halyqtyq is bolghan song bireuge únamay qalarmyn, әldekimderdi renjitip alarmyn deytin әsiresaqtyqtan olar mýlde aulaq edi.

Qazir altynshy shaqyrylym ekinshi sessiyada júmys istep jatyr. Deputtardyng negizgi bóligi «Núr Otan» partiyasynyng tizimimen saylanghandar ghoy. Olardyng birazy óz aimaqtarynda bir salanyng basshylary, mamandary bolyp, sheneuniktik oryntaqtan auysqandar. Múndaylar enbek tәrtibine (dissiplinagha) әbden keptelip, artyq-auys pikirden, sózden qashyp, bastyqqa qarap jaltankóz bolyp ýirenip qalghandar. Talqylanyp jatqan zang jobalaryndaghy kózge týsken kemistikterdi bireuding ayaghyn basyp ketuden saqtanyp, aitpay qalatyn sebebi de sol. Sondyqtan da salanyng bilgiri dep tandalynghan mamandardan zang jobasyn jetildiruge payda bolmay qala ma dep kýmәndanasyn. Al endi sondaylar halyqaralyq kelisimderdi ratifikasiyalau siyaqty ózgerissiz  maqúldanatyn zang jobalaryn talqylaghanda ayaq astynan belsendi bola qalady. Múnysy endi kózge týsuding amaly, arzan úpay jinap, ózining bar ekenin bildiru siyaqty. Plenarlyq otyrystardy basqa zaldan kórip otyratyn jurnalister bizde mynanday da deputat bar eken-au dep olardy jana kórip, tanyrqap qalyp jatamyz.

Taghdyrdyng jazuymen basyna «halyq qalaulysy» degen baq qonghanda baryndy salyp, halyqtyq iske ayanbay kirisu kerek qoy. Sonda tanymal bolyp, halqyng erteng basyna kóteretin bolady, deging keledi býgingi jana deputattargha. Deputattyng paryzy da sol – halyqtyng múnyn aitumen, mýddesin qorghaumen tanymal bolu ghoy.  

Jaqsybay Samrat

Abai.kz