Düysenbi, 21 Qazan 2019
Käsip-tübi näsip 2590 0 pikir 11 Qazan, 2016 sağat 09:55

Q.BOLMANOV: «OYINŞIQ BALANIÑ ÖRESİN ÖSİREDİ»

Memleketten bölinetin qarjığa şetelden oyınşıq satıp alu tiimsiz. Onıñ ornına öskeleñ wrpaqtıñ tärbiesi men damuına qızığuşılıq tanıtıp otırğan jergilikti käsipkerlerdi barınşa qoldau qajet

Tanımal prodyuser jäne änşi Qıdıräli Bolmanov balalarğa arnalğan tauarlar öndirumen aynalısıp kele jatqanı belgili. Ol osı salamen aynalısatın käsipkerlerdiñ balalarğa arnalğan damıtu oyınşıqtarınıñ öndiriske arnalğan standarttarın jäne  balalar tauarı wlttıq brendin ilgeriletu mäselelerinde memleket tarapınan eşqanday naqtı kömek körmey otırğandığına qınjıladı.   

«Osı saladağı käsipkerlik qızmet eşbir subsidiyağa ilinbeydi. Körşilerimiz meniñ jwmısım men dissertaciyamdı nou-hau retinde qabıldap, meni ğılımğa eñbegi siñgen qızmetker retinde ataq beru üşin Reseyge şaqırıp otır. Osı uaqıtqa deyin älemde eşkim oyınşıqtı balalardı damıtu ädisi retinde paydalanbağan.  Ol jay ğana oyınşıq boldı. Qazirgi tañda balalarğa arnalğan önimderdiñ ornı bos.  «Balbala» – Qazaqstandağı osı saladağı birden bir brend. Balalardı tärbielep, damıtuımız kerek, alayda bizde tiisti zañnamalıq baza joq. Bilim men biznes qabıspay twr», – dep atap ötti Qıdıräli Bolmanov.

Ol memleketten bölinetin qarjığa körşi memleketterden oyınşıqtar satıp aludıñ tiimsiz ekendigin atap ötti. Öytkeni olar balalardı damıtuğa arnalmağan äri sapası kümändi. Bolmanovtıñ pikirinşe, tek aqşa tabudı ğana közdemeytin, öskeleñ wrpaqtıñ tärbiesi men damuına qızığuşılıq tanıtıp otırğan jergilikti käsipkerlerdi barınşa qoldau qajet.

«Atameken» WKP Astana qalalıq Öñirlik keñesiniñ müşeleri Qıdıräli Bolmanovtı qoldap, osı mäseleni egjey-tegjeyli qarap, atalğan sektordağı şağın jäne orta biznesti damıtuğa naqtı qanday şaralar qajet ekendigin tüsinu kerek degen pikirge keldi.

«Biznesmender köteretin barlıq tüytkildi mäselelerdi arnayı mäseleler tizilimine engizemiz. Olardı jergilikti atqaruşı jäne basqa da memlekettik organdarmen birigip otırıp, qalalıq deñgeyde şeşemiz. Eger mäsele respublikalıq sipatta bolsa, onı WKP ortalıq apparat deñgeyindegi Tizilimge kirgizemiz», – dep atap ötti Ğani Tasmağambetov.

Sonday-aq otırısta jeke käsipkerlik sub'ektilerin nığaytu, olardıñ qızmetterine qoldau körsetip, damıtu maqsatında investiciyalar tartuğa kömektesu mäseleleri talqılandı.

Esteriñizge sala keteyik, Astana qalası Käsipkerler palatası Öñirlik keñesi 2013 jıldıñ qazanında ekonomikanıñ käsipkerlik sektorın nığaytu, ösiru jäne damıtu üşin qwrılğan edi. Qadağalauşı organnıñ qwramına 30 müşe kiredi, sonıñ 5-ui biznes-qauımdastıqtardıñ ökilderi bolsa, 25-i öñirdegi ekonomikanıñ türli sektorındağı käsiporındardıñ basşıları.  Elordadağı Öñirlik keñestiñ törağası «Cesnabank» AQ direktorlar keñesiniñ törağası – Däuren Jaqsıbek. 

 Abai.kz

0 pikir