سارسەنبى, 17 شىلدە 2019
كاسىپ-ءتۇبى ءناسىپ 2479 0 پىكىر 11 قازان, 2016 ساعات 09:55

ق.بولمانوۆ: «ويىنشىق بالانىڭ ورەسىن وسىرەدى»

مەملەكەتتەن بولىنەتىن قارجىعا شەتەلدەن ويىنشىق ساتىپ الۋ ءتيىمسىز. ونىڭ ورنىنا وسكەلەڭ ۇرپاقتىڭ تاربيەسى مەن دامۋىنا قىزىعۋشىلىق تانىتىپ وتىرعان جەرگىلىكتى كاسىپكەرلەردى بارىنشا قولداۋ قاجەت

تانىمال پروديۋسەر جانە ءانشى قىدىرالى بولمانوۆ بالالارعا ارنالعان تاۋارلار وندىرۋمەن اينالىسىپ كەلە جاتقانى بەلگىلى. ول وسى سالامەن اينالىساتىن كاسىپكەرلەردىڭ بالالارعا ارنالعان دامىتۋ ويىنشىقتارىنىڭ وندىرىسكە ارنالعان ستاندارتتارىن جانە  بالالار تاۋارى ۇلتتىق برەندىن ىلگەرىلەتۋ ماسەلەلەرىندە مەملەكەت تاراپىنان ەشقانداي ناقتى كومەك كورمەي وتىرعاندىعىنا قىنجىلادى.   

«وسى سالاداعى كاسىپكەرلىك قىزمەت ەشبىر سۋبسيدياعا ىلىنبەيدى. كورشىلەرىمىز مەنىڭ جۇمىسىم مەن ديسسەرتاتسيامدى نوۋ-حاۋ رەتىندە قابىلداپ، مەنى عىلىمعا ەڭبەگى سىڭگەن قىزمەتكەر رەتىندە اتاق بەرۋ ءۇشىن رەسەيگە شاقىرىپ وتىر. وسى ۋاقىتقا دەيىن الەمدە ەشكىم ويىنشىقتى بالالاردى دامىتۋ ءادىسى رەتىندە پايدالانباعان.  ول جاي عانا ويىنشىق بولدى. قازىرگى تاڭدا بالالارعا ارنالعان ونىمدەردىڭ ورنى بوس.  «Balbala» – قازاقستانداعى وسى سالاداعى بىردەن ءبىر برەند. بالالاردى تاربيەلەپ، دامىتۋىمىز كەرەك، الايدا بىزدە ءتيىستى زاڭنامالىق بازا جوق. ءبىلىم مەن بيزنەس قابىسپاي تۇر»، – دەپ اتاپ ءوتتى قىدىرالى بولمانوۆ.

ول مەملەكەتتەن بولىنەتىن قارجىعا كورشى مەملەكەتتەردەن ويىنشىقتار ساتىپ الۋدىڭ ءتيىمسىز ەكەندىگىن اتاپ ءوتتى. ويتكەنى ولار بالالاردى دامىتۋعا ارنالماعان ءارى ساپاسى كۇماندى. بولمانوۆتىڭ پىكىرىنشە، تەك اقشا تابۋدى عانا كوزدەمەيتىن، وسكەلەڭ ۇرپاقتىڭ تاربيەسى مەن دامۋىنا قىزىعۋشىلىق تانىتىپ وتىرعان جەرگىلىكتى كاسىپكەرلەردى بارىنشا قولداۋ قاجەت.

«اتامەكەن» ۇكپ استانا قالالىق وڭىرلىك كەڭەسىنىڭ مۇشەلەرى قىدىرالى بولمانوۆتى قولداپ، وسى ماسەلەنى ەگجەي-تەگجەيلى قاراپ، اتالعان سەكتورداعى شاعىن جانە ورتا بيزنەستى دامىتۋعا ناقتى قانداي شارالار قاجەت ەكەندىگىن ءتۇسىنۋ كەرەك دەگەن پىكىرگە كەلدى.

«بيزنەسمەندەر كوتەرەتىن بارلىق تۇيتكىلدى ماسەلەلەردى ارنايى ماسەلەلەر تىزىلىمىنە ەنگىزەمىز. ولاردى جەرگىلىكتى اتقارۋشى جانە باسقا دا مەملەكەتتىك ورگاندارمەن بىرىگىپ وتىرىپ، قالالىق دەڭگەيدە شەشەمىز. ەگەر ماسەلە رەسپۋبليكالىق سيپاتتا بولسا، ونى ۇكپ ورتالىق اپپارات دەڭگەيىندەگى تىزىلىمگە كىرگىزەمىز»، – دەپ اتاپ ءوتتى عاني تاسماعامبەتوۆ.

سونداي-اق وتىرىستا جەكە كاسىپكەرلىك سۋبەكتىلەرىن نىعايتۋ، ولاردىڭ قىزمەتتەرىنە قولداۋ كورسەتىپ، دامىتۋ ماقساتىندا ينۆەستيتسيالار تارتۋعا كومەكتەسۋ ماسەلەلەرى تالقىلاندى.

ەستەرىڭىزگە سالا كەتەيىك، استانا قالاسى كاسىپكەرلەر پالاتاسى وڭىرلىك كەڭەسى 2013 جىلدىڭ قازانىندا ەكونوميكانىڭ كاسىپكەرلىك سەكتورىن نىعايتۋ، ءوسىرۋ جانە دامىتۋ ءۇشىن قۇرىلعان ەدى. قاداعالاۋشى ورگاننىڭ قۇرامىنا 30 مۇشە كىرەدى، سونىڭ 5-ءۋى بيزنەس-قاۋىمداستىقتاردىڭ وكىلدەرى بولسا، 25-ءى وڭىردەگى ەكونوميكانىڭ ءتۇرلى سەكتورىنداعى كاسىپورىنداردىڭ باسشىلارى.  ەلورداداعى وڭىرلىك كەڭەستىڭ توراعاسى «تسەسنابانك» اق ديرەكتورلار كەڭەسىنىڭ توراعاسى – داۋرەن جاقسىبەك. 

 Abai.kz

0 پىكىر