Sheteldik filimder tútas memlekettik tilge tәrjimalansyn degen deputattardyng bastamasy olardy, tipti, shoshyndyryp otyr. Óitkeni onday kinonyng qalada kórermeni joq eken. Qazaq tildi qauym, kóbine, auyldarda dep syltauratqandar qarapayym audarmany da «qazaqtyng sózi kóp» dep auyrsynuda.
Búl turaly KTK habarlap otyr.
Núrtay Sabiliyanov, Mәjilis deputaty:
-Qalay audarady, qalay isteydi ol ózderine baylanysty bolu kerek dep oilaymyn! Qarjyny tabu kerek! Óitkeni bizde memlekettik tili-qazaq tili! Ol mindetti týrde audaryluy kerek! Dublyaj jasaudy sol 2012-shi jyldan bastap engizgen kezde, kóbi qarsy bolatyn osyghan.
Qazir de qarsy! Núrtay Sәbiliyanovtyng sózderi til janashyrlaryna jaqqanymen, kinoprokatshylargha jaqpay qaldy. Óitkeni, syrttan keletin filimderdi qazaqsha sóiletu qalada tiyimsiz eken. Al kinoteatr ishi tolmaghan son, olardy tәrjimalaudyng da qajeti joq deydi.
Vadim Golenko, kinoprokatshy:
-Búl algha dep úrandata beretin patriottardyng әlegi. Qazaqsha qajet degenimen, onyng qiyndyqtaryn aityp tauysu mýmkin emes. Bir kinony dublyajdau ýshin milliondaghan qarjy júmsalady,dauys sonau Londonda jazylady. Al onday kinolardyng kórermeni joq. Sondyqtan, búl baryp túrghan shyghyn.
Kinoprokatshylar Gollivud filimderine qazaqsha subtitrdi de jolatqysy joq. Aytularynsha, aghylshyn tilinen audarghanda qazaqtyng sózi kóbeyip ketetin kórinedi. Ári ony dybystaytyn akterler de tym kóp aqy súraydy eken. Osylay dep san syltaudy algha tartqandar týptep kelgende tәrjimalau ýshin memleketten tenge súrap otyr. Búl qazaq tiline audarylghan ilude bir filim ghana. Onyng ózinde «Malefiysenta» ertegisi memlekettik esebinen tәrjimalanghan. Múnday tuyndylar kinosynshylargha da únap otyr. Biraq, qazaq kinosyna da qoldau bolsa eken deydi.
Gýlnar Ábikeeva, kinotanushy:
-Osynday qúlshynyspen deputattar qazaq kinosyn qoldasa ghoy. Otandyq kartinalardy prokatqa kóbirek shygharyp, olardy qarjylandyryp, sonda qazaq tildi kartinalar órkender edi. Memlekettik tilding de mereyi ýstem bolar edi.
Tanymal kinosynshynyng aituynsha elimizde jylda qazaq tilinde 20 shaqty kino týsiriledi eken. Biraq birde-bireui qoldau tappay, sol kýii kinoprokatqa shyqpay qalady. Al mәselen, Fransiyada kerisinshe. Fransuz tilindegilerinen basqasy mýlde kórsetilmeydi.
Rashid Núghmanov, rejissyor:
-Fransiyada eger filim fransuz tilinde bolmasa, onda ol mýldem kórsetilmeydi. Sondyqtan, kinony kórsetkisi kelgender ony ýnemi subtitrge audaryp otyrady.
Shetel tuyndylaryn qazaqshalau turaly Zang osydan tórt jyl búryn da qabyldanghan. Biraq, ol kezde eshkim de pysqyryp qaramady. Alayda búl joly deputattar kinoprokatqa shyndap kiriskeli otyr.
Bekbolat Tileuhan, Mәjilis deputaty:
– Joq ,ony subtitrgha beresiz, biraq kýndizgi uaqytqa qoyyp qoyady. Ony bylaysha aitqanda it júlymyn shygharayyn dep otyr ghoy.
