Beysenbi, 17 Qazan 2019
Käsip-tübi näsip 3745 1 pikir 1 Qazan, 2016 sağat 14:38

"QAZAGRO" QARJI BÖLEDİ

 

Bwl qarajat iri qara mal, wsaq mal, jılqı jäne t.b. üy januarları men üy qwstarın, sonday-aq, jem-şöp satıp aluğa bölinbek.

Qordıñ baspasöz qızmetiniñ habarlauınşa, biıl Auıl şaruaşılığın qarjılay qoldau qorı jeke şarua qojalıqtarı negizinde 55 mıñ bas malı bar 7 mıñ şağın mal bordaqılau alañdarına arnap 10, 9 mlrd teñge bölmek.

«Osılayşa, jeke mal bordaqılau şaruaşılığı jeke käsipkerlikke aynalıp, ay sayınğı aylıq tabıspen qamtamasız etiledi. Sonday-aq, twraqtı jwmıs orındarı qwrıladı, bağdarlama jergilikti byudjet esebine jıl sayın salıq tölep otırudı qamtamasız etetin boladı», – delingen enşiles «KazAgro» wyımınıñ baspasöz habarlamasında.

Osı tapsırmanı orındauğa arnalğan qarajat ««Jwmıspen qamtudıñ jol kartası-2020» bağdarlaması boyınşa bölingen. Sonday-aq, «Bereke» nesie beru bağdarlaması bar. Jıl basında Auıl şaruaşılığın qarjılay qoldau qorı atalğan bağdarlama boyınşa 3,7 mıñ nesie aluşını 9,2 mlrd teñgemen qarjılandırğan. Qarjılandırudıñ deni mal şaruaşılığın damıtuğa jwmsalmaq.

Aqşa iri qara mal, wsaq mal, jılqı jäne t.b. üy januarları men üy qwstarın, sonday-aq jem-şöp satıp aluğa bölinedi eken. Nesieniñ eñ joğarğı soması – 3 mln teñge. Bwrınğı nesiesin aldın ala tölegen qatısuşılarğa – 5 mln teñge. Qaytaru merzimi – 4 jılğa deyin. 500 mıñ teñgege deyingi nesieniñ payızdıq sıyaqı mölşerlemesi – jılına 4,8%, 500 mıñ teñgeden joğarı bolğan jağdayda – jılına 6%.  Jıldıq tiimdi sıyaqı mölşerlemesi, jılına 5%-dan 6,7%-ğa deyin.

Abai.kz

1 pikir