Jalpy elimizding ontýstik audandarynan negizinen eksportqa kartop, kókónis, baqsha, biday, ún, balyq mayy, qús eti jәne maqta talshyqtary shygharylady. Elimizding kýngeyindegi aldynghy qatarly audan Qazyghúrt bau-baqshagha bay ólke. Al qazyghúrttyq sharualar baptaghan balghyn jýzimder qazirgi tanda Shymkentten bólek, Almaty, Astana jәne Aqtóbedegi Sauda oryndarynda satyluda.

Birneshe jyldan beri tamshylatyp sugharu әdisi arqyly ósirilip jatqan 7-8 týrli jýzimnen jyl sonyna deyin 2 myng tonna ónim alynyp, ótken jylmen salystyrghanda 20-30 payyzgha kóp jýzim alyndy. Jaqsy ónim alu ýshin erte kóktemnen bastap ala jazday enbektendi, alghashqy ónimdi jazdyng ortasynda ala bastaghan baghbandar ónimderin ellimizding ózge ónirlerine jәne kórshi memleketterge jóneltip otyrdy. Qazyghúrt audanyndaghy ýzding sharuashylyqtardyng biri Eraliyev eldi mekenindegi bau sharuashylyghymen ainalysatyn «Abotya» JShS. Múnda 12 gektar jerge jýzimning ýsh týri, al 8 gektargha almanyng eki týri egilgen. Sharua baudan 35-40 tonna ónim jinaudy josparlaghan bolatyn, jyl sonynda olar ózderi qoyghan mejege jetti.

Egiypettikter jýzim ósirudi b.z.d 4000 jyl búryn bastaghan eken, jýzim baghy olardan findikterge jetkizilip, keyinnen rimdikterge taraghan. Ghylymy derekterde rimdikterding óz zamanynda jýzimning 100-ge juyq týrin ósirgendikteri turaly da az aitylmaydy. Qazirgi tanda jýzim eng kóp ósiriletin aimaq – Kishi Aziya. Jýzimning shamamen on mynday týri kezdesedi. Al bizding elimizde jýzimning ondaghan týrleri Ontýstik Qazaqstanda ósiriledi. Jergilikti jýzimning densaulyqqa paydasy zor deydi mamandar.

Abai.kz