Jeksenbi, 8 Jeltoqsan 2019
Qoğam 3862 0 pikir 31 Qañtar, 2017 sağat 13:15

QAZAQTIÑ ELBASIĞA DEGEN IQILASI

Küni keşe ğana «Almatı arena» sport keşeninde Bükilälemdik 28-Qısqı Universiada oyındarınıñ aşılu räsimi ötti. Oğan Memleket basşısı Nwrswltan Nazarbaevtıñ özi arnayı kelip qatıstı. Salttanattı aşılu räsiminde FISU törağasımen birge, Prezienttiñ arnayı qonağı Birikken Arab Ämirligi Korol'iniñ orınbasarı, Almatı äkimi, Vice-prem'er jäne Prezident äkimşiliginiñ jetekşisi de boldı.

Türli sahnalıq qoyılımdardı, koncerttik bağdarlamalar men jiınnıñ resmi bölimin saray işindegi 12 mıñnan astam adammen birge külli jahandağı 1 milliardqa juıq adam tamaşaladı.

Külli älem köz tikken jiındı Prezident Nwrswltan Nazarbaevtıñ özi aştı.

Elbasımız osı bir dodalı jarıstıñ aşıluında bar bolğanı 9 minut söyledi.  Prezident Nwrswltan Nazarbaevtıñ osı 9 minuttıq bayandaması kezinde «Almatı arena» işine jiılğan jwrt twp-tura 36 ret qol şapalaqtaptı. Prezidenttiñ är söylemi dürsin-dürsin qoşemetpen jalğasıp otırdı. Bwnıñ sırtında Nazarbaev mırzanıñ minbege kelgen äm ketken sätinde saray işinde «Qazaqstan, Qazaqstan» degen wran jañğırıp twrdı. Jwrttıñ «erekşe ıqılasına» ketken uaqıtta eseptemesek, Elbasınıñ bayandaması bar bolğanı 6-7 minuttıñ şegine sıyatın edi.

Mwnday Halıqaralıq auqımdağı şara üşin 6-7 minuttıq alğısöz layıqtı mölşer. Biraq, halıqtıñ ıqılas-peyili ol mölşerge bağınbay jatsa, oğan renjuge bolmaydı. Bwl iltipatqa Nwrswltan Äbişwlınıñ da riza bolğanın, resmi sözine äzil aralastırğan kezde  tolqıp twrğanın anıq bayqadıq.

Bwl sätti älemniñ 80 elindegi milliardqa juıq adam tamaşalap otırdı (bwl potencialdı esep).

Bwl neni bildiredi? Bwl Qazaqstan halqınıñ, sonıñ işinde Almatı jwrtınıñ Halıqaralıq sport dodasın erekşe ıqılaspen qarsı alğanın... Ras, bizdiñ Universiadanı ötkizuge qwlşınısımız – Elbasınıñ är sözin jalğağan dür qoşemetten-aq añğarılğanday boldı. Kerek deseñiz, bwl bolaşaqta Olimpiada oyındarın ötkizuge de dayar ekendigimizdi bir milliard jwrttıñ sanasına siñirdi. 

Qazaqtıñ osı ıqılas-peyili tarılmasın dep tileymiz!

Nwrzat Toğjan

Abai.kz

0 pikir