Aqtóbede taghy da atys boldy. Qantardyng 12-si kýni týnde polisiya qyzmetkerlerine belgisiz bireu  oq jaudyrghan,- dep habarlaydy «nur.kz» portaly.

Oqigha Aqtóbe qalasynyng Bogoslovka auylyna aparatyn ýlken jolda bolghan. Polisiya qyzmetkerleri kýdikti mingen kólikti toqtatu kezinde qarsylyq kórsetip, oq jaudyrypty. Atys kezinde kólik ishindegi bir adam kóz júmghan. Ázirge naqty qansha adamnyng ústalghandyghy turaly resmy aqparat taraghan joq Degenmen, ústalghan azamattardyng dәstýrli emes diny aghym ókilderi ekendigi turaly sybys tarady.

Esterinizge sala keteyik, kýni keshe ghana Aqtóbedegi sodyrlardyng soyqany kezinde sybaylastyq tanytqan azamattargha raqymshylyq jasalatyny habarlanghan edi. Aqtóbe oblystyq sotynyng baspasóz hatshysy Iliada Dosovanyng mәlimdeuinshe, jazdaghy lankestik oqigha kezinde qúryqtalghan 9 sodyr men olardyng 19 sybaylasy sot ýkimimen kelispegen. Tәuelsizdikting 25 jyldyghyna oray Memleket basshysynyng búiryghymen raqymshylyq jasau turaly sheshimge sýiengen sodyrlardyng sybaylastaryna raqymshylyq jasalatyn kórinedi.

Iliada hanymnyng aituynsha, olar týrmeden tolyq bosatylmaghanymen, jaza merzimi edәuir qysqartylghan. Áytse de, sot alqasy bir apta boyy eldi dýrliktirgenderdi keshirgen joq. Yaghny sol kezde tiri qalghan sodyrlardyng 7-i ómir boyy týrmede otyrady. Qalghan ekeui 20 jәne 22 jyldy arqalaghan bolatyn. Olardyng jazasy da ózgerissiz qaldy. Al qylmysty habarlamaghany ýshin 4-5 jyldan jaza arqalaghan 19 sottalushy raqymshylyqqa ilingen.

Oy týrtki: Sonda el ishin dýrliktergen lankesterge bolysqandar da (kóre túra tiyisti organdargha habarlamaghandar men sodyrlardyng jaldap túruyna pәterin bergender turaly aityp otyrmyz) raqymshylyqqa ilikpek pe? Elbasy raqymshylyq jasau turaly sheshim shygharghanda, terrorizmmen baylanysty eshbir qylmyskerge raqymshylyq jasalmaydy degen edi.

Al kýni býgin kýlli Qazaqstandy dýrbelenge týsirgen mindetti uaqytsha tirkeu turaly zang da dәl osy jat aghymdaghylardyng jolyn kesu ýshin qabyldanbady ma? Dәlirek aitsaq, Ishki ister ministrligi ersi zandy elge osylay dep týsindirgen edi. Paradoks.

Abai.kz