Senbi, 21 Qırküyek 2019
Äkim men halıq 5312 15 pikir 11 Säuir, 2017 sağat 11:45

«Mağan deseñ Putinge bar»

Almatı oblısınıñ äkimi Amandıq Batalovtıñ nazarına!

Almatı oblısı, Eñbekşiqazaq audanı, Baltabay auıldıq okrugine qarastı 4 auıldıñ 5 köşesine asfal't tösep, jöndeu jwmıstarın jürgizuge 2016 jılı «Öñirdi damıtu» jäne «Jol kartası - 2020» bağdarlamalarınıñ ayasında byudjetten 25 million 575 mıñ teñge bölinedi. Al, Eñbekşiqazaq audanınıñ äkimi Binäli Isqaqtıñ halıq aldında esep beru jinalısında tört auıldıñ bes köşesine afal't töselip, qazına qarjısı el igiligine jwmsalğanı aytıladı (suretti qarañız). Äkimniñ esebinde bäri «çiki-çiki» bolğan köşeniñ biri – Birlik aulındağı Abay köşesi. Biraq, wzındığı 1800 metr köşeniñ 700 metrine asfal't bılay twrıptı, wsaq tas ta tögilmegen. Bayağı oydım-oydım qalpında qala bergen. Joldıñ azabın äbden tartqan twrğındardıñ biri -  Nadejda Arestarhova 700 metrge jetpey qalğan asfal'ttiñ mänisin swrap bilmekke audan äkiminiñ eseptik kezdesuine baradı.

Nadejda Arestarhova, Birlik auılınıñ twrğını:

- Joldıñ mäselesin aytuğa audan äkimniñ esep beru jinalısına bardım. Onda auıl äkimi Baqıtgül Düysebekova (Almatı oblısı, Eñbekşiqazaq audanı, Baltabay auıldıq okruginiñ äkimi) Abay köşesine tolıq asfal't töseldi dedi. Men qolımdı köterip, söylemekşi bolıp edim, dereu ornıma otırğızıp «reglament saqtau kerektigin, söz berilgende ğana söyleuge bolatının» eskertti. Reglamenttiñ ayaqtaluın küttim. Bayandamalar, söz söyleuler ayaqtalğan soñ jinalğandardıñ bäri bir kisidey orındarınan twrıp, tarap jattı. Jiınnıñ tarap jatqanın körgen soñ men bilik ökilderiniñ janına barıp: «Abay köşesi tügel asfal'ttaldı dep esep berdiñizder. Onda nege köşe tolıq jöndelmeydi?» dep swrap edim auıl äkimi: «Ol köşede 300 metr ğana qaldı emes pe?» dedi. «300 metr emes, 700 metr jol sol qalpı jöndelmegen. Biz maşinamen jürip ölşedik» dedim. Söytip olar bizge «ayqay-şu kötermeñder, qarajat bitip qaldı, biraq qalğan joldı qosışma jasap beremiz» dep uäde berdi.

Esep beru jinalısına qatısqandar tek maqtau sözder ğana ayttı. Özderin tolğandıratın mäselelerdi kötermek bolğan birli-jarım twrğındarğa söz bermedi.

Jergilikti biliktiñ halıq aldındağı esebiniñ türin körip tüñilgen Nadejda Arestarhova äkim-qaralardıñ bergen uädesin amalsız alıp üyine qaytqan. Arada biraz uaqıt ötedi. Uäde orındalmaydı. Jol bolsa, «äkim qaşan uädesin orındap, meni jöndeydi?» degendey oy-şwñqırı köktemniñ laysañ jañbırına tolıp, batpaqqa aynalıp jata beredi.

Abay köşesiniñ jırı mwnımen bitpeydi. Nadejda Arestarhovanıñ siñlisi – Natal'ya Boyarkina äkimniñ äpkesine bergen uädesiniñ izimen auıl äkimşiligine baradı.

Natal'ya Boyarkina, Birlik auılınıñ twrğını:

- Auıl äkimi Baqıtgül Düysebekovağa barıp: «Kün jılındı. Uäde etkeniñizdey, joldıñ jayın biluge keldim» dep edim ol: «Aqşa joq. Qarajat bolğanda asfal't töseymiz» dedi. «Onda bälkim joğarı jaqqa aytarmın, mümkin sol jaqtan bir närse şeşer» degenimde äkim: «Mağan deseñ Putinge bar» dep meniñ qwqımdı taptadı. Meniñ wltım orıs bolğanmen, Qazaqstan azamatımın! Bwl az deseñiz, «sender salıq tölemegensiñder» dep şıqtı. «Salıqtıñ bäri tölengen» degen sözimdi estip «Onda joldı da özderiñ salıp alıñdar» dedi. Öziniñ bergen uädesine oray, ötinişpen aldına barğan twrğınğa äkimniñ osınday qarım-qatınas körsetuge qanday qaqısı bar?! Kerek deseñizder, äkimniñ mağan ne degeni telefonıma jazulı twr.

Biz bwl mäselede auıl äkimi Baqıtgül Düysebekovanıñ äreketine bağa beruden aulaqpız. Onıñ üstine «Öñirdi damıtu» jäne «Jol kartası - 2020» bağdarlamalarınıñ ayasında byudjetten jol salu men jöndeu jwmısına bölingen qarjı Birlik auılına tolıq jetpey qaluı da mümkin. Bizdiñ elde ortaq igilikke bölingen qarjığa böridey tietinder az ba? Sondıqtan bwl mäselege auıl äkimin bir jaqtı kinäli dep tanu dwrıs emes. Mäseleniñ män-jayın oblıs äkimi Amandıq Batalov mırza anıqtay jatar dey kelip, biz tömende Natal'ya Boyarkina wsınğan audio jazba men suretterdi oqırman nazarına wsınğandı qwp kördik.

Nwra Matay

Abai.kz

 

  

 

15 pikir