Ardager atalarymyz bolmasa, biz osynday beybit kýnde ómir sýrer me edik? Búl sózdi halyqtyng kóbi aitady.  Búghan dauym joq.  Degenmen soghysty jengen atauly kýn men  ardagerlerdin  atyn aityp aqsha jinau nege, kimge  qajet boldy?

Kóp jyldardan beri  Almaty oblysy , Qarasay audanynyng barlyq mektepterining múghalimderinin  bir kýndik jalaqysyn  9-mamyrgha qarsy «ardagerlerge beremiz» degen jeleumen mektep esepshisi arqyly ústap otyrady. «Óz erkimen berdi»  degizip qol qoydyryp alatyny taghy bar. Qol qoymaghan múghalimning basyna qara búlt ýiirilip, baghy tayatyny da barshagha mәlim.

Keshe ghana sәuir aiynyng jalaqysynan 4000, 6000, 8000 tenge kóleminde әr múghalimning jalaqysynan aqsha ústaldy. Búl mәlimetke senbeytinder bolsa, Qarasay audanynyng bilim bóliminde otyrghan bas esepshining qújattaryn qarap shyghuyna bolady.

Ústazdar tórt myng tenge ýshin qanshama terin tógedi. Qanshama ata-ananyn, oqushynyn, sholaq belsendilerding sózin estip, manday terimen tapqan aqshasyn óz erkimen qayyrymdylyqqa júmsauy mýmkin emes.

Osy orayda Qarasay audanynyng әkimi Mahabbat Begeldiyevke birneshe súraq qoyghym keledi...

1. Qúrmetti Mahabbat myrza! Audan boyynsha ardagerlerge kómek kórsetu múghalimderding jalaqysyna qarap qalghany ma?
2. Qarasay audany múghalimderding jalaqysy bolmasa, ardagerlerin qúrmettey almaytyn beyshara audan ba edi?
3. Ústazdardan eriksiz qol qoydyryp aqsha jinau qanshalyqty zandy?
4. Múghalimderden jinalghan qarjynyng esebin audandyq bilim bóliminen súratyp, aqshanyng qayda ketkenin anyqtauynyzdy súraymyn.
5. Eger QR Zandarynda ardagerlerge múghalimderding qarjy jinap berui kerek degen mindetteme (әriyne, joq ekeni belgili) bar bolsa, ony kórsetiniz. Eger joq bolsa, ústazdardyng jalaqysyn tez arada qaytarghyzuynyzdy talap etemin.

Ayman Saghidolla

Abai.kz