Jwma, 20 Şilde 2018
Jañalıqtar 1650 1 pikir 15 Mausım, 2017 sağat 14:54

Ministr bolaşaq jwbaylardıñ toyına bara almaytın boldı

 

QR işki ister ministri Qalmwxanbet Qasımov Qıtayğa deportaciyalanğan bolaşaq jarın qaytarıp alu üşin ministrden kömek swrağan jambıldıq jigittiñ toyına bara almaytının ayttı, dep xabarlaydı Baq.kz tilşisi.

«Ärine, biz bara almaymız. Biraq ol jigittiñ mäselesin şeşkeli jatırmız. Qalıñdığı Qıtayğa deportaciyalanıp, bes jılğa tıyım salınğan. Bwl zañdı şeşim. Endi tek appelyaciya jazıp, sotpen şeşim şığaru kerek. Qazir osı mäselemen aynalısıp jatırmız»,-dedi ministr xalıqpen eseptik kezdesuinde.

Esteriñizge sala keteyik, osığan deyin jambıldıq jigit ministrden QHR azamatşasına üylenuge kömektesuin swrap, eger mäsele oñ şeşilse, üylenu toylarına şaqırğan bolatın. Twrsınbay Böribay esimdi jigittiñ aytuınşa, ol QHR azamatşası Imanäli Jaziramen otbasın qwrmaqşı. Biraq bıltır bolaşaq jarın köşi-qon zañnamasın bwzğanı üşin şekaradan ötkizbey qoyğan eken.

Abay-aqparat

 

1 pikir