Senbi, 21 Qırküyek 2019
2415 3 pikir 25 Şilde, 2017 sağat 09:49

Orbwlaq şayqasınıñ izimen...

Jetisu öñirinde «Orbwlaq şayqasınıñ izimen» attı aqparattıq kvest ötti. «Bolaşaqqa bağdar: ruhani jañğıru» maqalasındağı «Tuğan jer» bağdarlamasın jüzege asıru maqsatında Almatı oblısında ötken şarağa Orbwlaq şayqasın zerttep jürgen bir top azamattar qatıstı. Atap aytsaq, QR Parlament Mäjilisiniñ deputatı N.Jazılbekov, Orbwlaq şayqası negizinde jazılğan «Voskreşayuşie legendı» attı romannıñ avtorı  T.Ermaşev, «Tabiğat» eko-birlestiginiñ,  Qazaqstandıq karavaning pen kempingtiñ törağası B. Şapagatova,  «Auıldı köteremiz – Vozrodim selo» qoğamdıq birlestik törağası K.Janabilov, ğalımdar, jazuşılar, belgili jurnalister men respublikalıq blogerler top qwramında boldı.

El esiminde mäñgi qalğan Orbwlaq şayqası turalı tolıqqandı aqparattı belgili jazuşı, «Alaş» halıqaralıq premiyanıñ laureatı, «Qwrmet» jäne «Parasat» ordenderiniñ  iesi Bekswltan Nwrjekeev tanıstırdı. Qatısuşılar Orbwlaq şayqası bolğan orındardı,  Jetisu öñiriniñ  etnoturizmimen jäne tamaşa tabiğatımen tanıstı. Almatı oblısınıñ işki sayasat basqarmasınıñ qoldauımen 2017 jıldıñ 22 şildesinde «Qazaq Eliniñ täuelsizdigi men erkindigi üşin, joñğar basqınşılarımen şayqasta jeñiske jetken aybındı qazaq sarbazdarına wrpaqtarı atına» attı jazbası bar arnayı tasbelgi Beljaylauda ornatıldı. Eskere ketetin bir jayt, tasbelgige ornatılğan  QR-kod paydalanu arqılı  «Orbwlaq» şayqası turalı jaylı egjey-tegjeyli aqparat aluğa boladı.

«Biz 374 jıl bwrın Orbwlaq  şayqası bolğan jerde twrmız. Qazaq batırları 50 mıñ äskeri bar joñğarlardı birneşe kün boyı Jalantös batırdan kömek kelgenşe şekarağa kirgizbey wstağan. Arnayı jer astı taktikaların qoldana otırıp, joñğar äskerlerin twzaqqa tüsirip 10 mıñ äskerin joyğan. Osınday  aqıl-aylamen ötken şayqas ülken öner bolıp tabıladı. Sebebi, nebäri 600 adam 50 mıñ äskerge tötep beru mümkin emes jağday edi», - dedi B.Nurjekeev

«Qazaq batırları öziniñ erligimen elin, jerin qorğay alatın alıp twlğalar ekeniñ däleldep ketti. Bizde osı jaylı talay mısaldar bar. Sonıñ işinde «Orbwlaq şayqası» keleşek wrpaqqa maqtan ete alatın şayqas. «Mıñ ret estigenşe, bir ret kör» demekşi arnayı şayqas ötken jerge barıp öz közimizben körip qayttıq. Öz tarihın bilu - ärbir azamattıñ mindeti», - dedi Almatı oblısınıñ işki sayasat basqarmasınıñ basşısı Rustam Alpısbaev.

Abai.kz

3 pikir